#الحلقة44
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
رفد يدو لحد مستواه وقرب ليها باسها فيها ..
وقعد هكاك يدها على فمو يشوف فيها
دخلت ممرضة باش تشوفلها سيروم وكي لقاتو هكاك شادها بقات غير مطرطقة عينيها فيهم
شاف فيها جنيد بملامحو الحادة لي تتبدل تماما لي يشوف في عائشة
جنيد : كيفاش راهي ..
ممرضة : كلش راه تحت سيطرة يعني راهي حمد الله درك كي تفيق بإذن الله تكون مليحة
جنيد : اي واحد يبغي يدخل قوليلو مزال صحا !
ممرضة : بصح!!!
جبد من جيبو دراهم وعطاها وهي غير شافتهم ماتت بلفرحة
ممرضة : احممم اكيييد مسيو دك منخلي حتى واحد يدخل
وخرجت تجري وفرحة طير من عينيها ..
بقى غير يشوف في طريق لي مشات منها ممرضة
جنيد : دراهم وش دير ..
دور راسو كي سمع صوت انينها وعينيها لي تكمش فيهم كي بغات تفيق
جنيد : عائشة راكي تسمعي فيا
بقى حاكم يدها يستنى فيها تفطن
واخيرااا فتحت عينيها وكان هو اول وجه تشوفو كيما كان باغي هو .. وتحقق واش بغى !
بقات غير تشوف فيه باستغراب ..
عائشة ( صوتها كان مبحح كي عندها مدة محكاتش ) : ج نيد ؟!
جنيد : ايه كيفاش راكي حاسة روحك نعيط لطبيب !
عائشة : اعطيني لما
ناض من قدامها عمرها تشرب لما وقرب ليها عدللها سيرير مطلعو شوية و حط يدو ورا راسها مقربها لكاس لما وشربها وكي كملت رفد بابي مشوار مسحلهم لي سال
عائشة : واش صرالي ! كيفاش جيت لهنا ؟!
جنيد : مراكيش شافية .. ياخي درتي اكسيدو ؟! .. مي دك راكي صفا
عائشة : صحح ! .. تعيش متعيطوش لدارنا
جنيد : معمبالي يقدرو يكونو عيطولهم بيسك تليفون وصوالحك كامل لتحت راهم
عائشة : وووو كيفاش جيت نتا !؟
جنيد : كنت عيطتلك رفدو عليا تم وقت لحادث وقتلهم يجيبوك لهنا
عائشة : يعطيك صحة على وقفتك معايا مالڨري مابيناتنا والوا
جنيد : كيفاش ما بيناتنا والوا .. كاين خدمة .. ومستقبلا متعرفي واش يكون
عائشة : احم احم لو سمحت بدلي هاد لموضوع مخصنيش تصرالي كاش جلطة ولا سكتة قلبية
قهقه برجولة على كلامها ..
جنيد : علاه بعيد شر عليك في عدوك وماشي فيك
عائشة : ايييه اعدائي بزاف انا ادعي وزيد
جنيد : صحا ندعولهم ليل ونهار .. في خاطرك
حطت يدها على فمها وبقات تضحك على هدرتو
عائشة : يعني جنيد شوف بلنسبة كلامك متهدرليش كامل عليه دك حتى انا نحس روحي مليحة نقولك اهدرلي .. هدوك مواضيع تأثر عليا بزاف .. يعني تقريبا بسبب كلامك كي قلتو على غفلة متوقعتوش كااامل منك صرالي هكاك ودرت حادث
جنيد : يعني بصريح العبارة انا سبة
بقات تحرك في يديها وراسها لي غير جات تحرك عيطت من لوجع ... قرب ليها يجري حتى المسافة ولات منعدمة بيناتهم يحاول يشوف راسها اذا د م سال ولا كاش حاجة ..
حتى بقات هي تستنشق في ريحتو العطرة لي ممزوجة بريحة سيجارتوو
بدون وعي منها حطت يدها على كتفو لي كان قريب ليها ونطقت ومن صوتها باين دايخة
عائشة : ريحتك شابة واش اسمها !
جنيد : كوني معايا وابقاي شميها فيا بلا تحوسي على اسمها ....
الاحمرار سكن وجهها كامل
حتى بدات تضرب فيه بخفة تبعدو عليه
عائشة : بعد بعد عليا نتا ثان متصدق تلقى الفرصة ..
جنيد : باين انا نسغل اي فرصة متاحة واي شي باش نلحق ليك عائشة لذالك ابدااا متستهينيش بيا !
عائشة : ايييه انا بلنسبة للخدمة غير بيك منقدرش نستهن
جنيد : انا شخص لا يعوض
عائشة : الله على ثقة في النفس...
بقاوو غير يضحكو مع بعضاهم وعلى صوت ضحكهم تفتح لباب دخل بملامح وجهو لي كلها متجهمة ..
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
