#الحلقة53
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
عند ماجد لي كان غير يشوف في ذاك لي ميتسماش ومبغاش يحشم .. سكت سكت حتى ولا نطق كي شاف ختوو راقدة
ماجد : مي نتا ياخويا مبغيتش تحشم انا حيط قدامك ولا وشنو ؟! ختي هديك لي قاعد بلا حيا تتغزل بيها قدامي
جنيد : كي شفت روحك راك حيط علاه مرحتش وخليتنا وحدنا
ماجد: في الاحلام ومنخليكش مع ختي وحدكم وهي راقدة
جنيد : انا منبغي الاحلام انا نحققها ديركت
حط ماجد يدو على فمو وبقى يحرك في رجلو
ممبعد وقف يستغفر في نفسو
ماجد : صح صح تنطق عبد من جنابو .. بصح انا انا ونتا ونتا
جنيد : وزيد زمن بيناتنا
ماجد : لا حول ولا قوة الا بالله .. وخرج من بيت وبلا مايفيق كان خبط لباب لي عليها فاقت عائشة قافزة
وقف جنيد وقعد يطبطب عليها باش ترجع ترقد وهو يتمتم بلعقل
جنيد : حيوان هذا صح
______
بينما عند ماجد لي خرج وهو يغلي بلاعصاب لدرجة ولا يحكي وحدو وهو يمشي !
ماجد: ميتزوجو حتى يتشابهو وهو طابقو ماشي تشابهو ياربي مزية مكانتش عائشة نايضة كون راهي كملت معاه عليا في تنمر ولقصف
دخل لكافيتيريا تاع كلينيك وجاب كاس قهوة وقعد يشرب .. حتى لفت انتباهو صوت ضحك وين طلع راسو لقى مجموعة تاع ممرضين قاعدين مقابلينو يضحك مخلطين بنات وذراري
جا راح يهبط راسو لتليفون لي كان بين يديه
حتى جذب انتباهو صوت يعرفو مليح !
وين شاف لقاها هي نفسها لبنت لي قدرت تاخذ انتباهو قبل
احلام صحبة ختو عائشة
كان شعرها ملموم كعكعة مهملة وين خلات شعرات خفاف يطيحو على وجهها
كانت لابسة سروال مع تريكو تاعو في لون الوردي تاع ممرضين مع طابلية لي زادتها رونق وانوثة خاصة بيها وحدها
وقت انتبه لروحو انو غاس فيها بزاف لقى وحدة من لبنات لي كانت معاها تشوف فيه حتى قلب وجهو ديركت
عندهم هوما ...
منيرة : احلام ياختي شفتي داك زين كان يشوف فيا ياعمري شحال شباب ..
شافت احلام وين وراتلها منيرة تشوف
حتى لقاتو هو ! والله غير هو نفسو لبنادم لي تبهدلت قدامو وتشرشمت قدام عينيه ..
وقت بقات غير تشوف حتى وين هو طلع راسو وزاد شاف فيها مالقاتش كيفاش دير دور راسها ولا دير روحها معرفاتوش حتى لقات منيرة مزالت تشوف فيه وتضحك معمبالهاش علاش
روشتلو بيدها تتبسم وناضت راحت لعندو وحتى هو وقف كي شافها قربت ليه
احلام : ماجد صح خو عائشة
مالقاتش وش تقول كون تدير روحها بلي تعرفو صح صح يقول هدي ميتا عليا لذالك ختارت احسن طريقة
تكون بين وبين .. ؛ بين تعرفو وبين متعرفوش
ضحك بخفة وجاوبها
ماجد : هو هذا هو عائشة ونتي هي احلام
طرطقت عينيها بصدمة كي عرفت اسمها
حشمت حتى بانت على وجهها لي حمار من حشمة وتوتر ....
احلام : ايه احلام انا ..
#يتبع
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
