#الحلقة27
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بعد كلامو مباشرة راح وخلاها تشوف في ظهرو وهو يبعد عليها
حركت كتافها بلا مبالاة وكملت رقصها وبعد مدة قصيرة رفدت صاكها وودعت صحباتها ونطلقو هي وكوثر خارجين من حفلة
سندس : متنساوش فيها غدوة سهرة بنات برك ياربي ومتجوش
مردوش عليها ... وكملو مشيهم حتى وصلو لعند لباب وهوما يحبسو يخزرو في بلاصة وحدة
كان واقف بوقفتو الرجولية يشوف فيهم بملامحو الحادة والغاضبة!!!
كانت نظرة صمتية مكسرها غير صوت عياطها وهي تجري عندهم حتى تعكلت في الحشيش وطاحا بسبت طالو تاعها !
ايييييي الله لا تربحكم يا كلبات من مقبيل وانا نستنى فيكم ياخييي قتلكم تدوني معاكم لدار ...
شوفووو لغوب البيضة ولات بنية من تراب هذا
علاه يسقو لحشيش دك
مفرا يضحكو مفرا يبكو من الموقف لي حطتهم فيه
كانت هدي احلام لي جات تجري
غير طلعت راسها تقابل وجهها معاه لي كان يشوف فيها ووجهو كااامل مزير
حرفياا عينيها تفتحو فمها تفتح من صدمة لي طاحت فيها .. كثر من صدمتها كي طاحت وتوسخت لغوب تاعها
أحلام : ختي عائشة ..ختي كوثر شكون هاد الوسيم لي طحت قدامو على سواد سعدي....
راحت كوثر تجري ليها رفدتها و احلام قعدت تمسح في حوايجها من توتر لي ڨبضها منو ... هو لي مزالو عينيه مثبتين عليه لي لحد الان مرمشش وهو يشوف فيه بنظرات غامضة ماشي مفهومة
نطق بصوتو الحاد لي خلاهم ديركت يهبطو عينيهم
ماجد : مليييح من مقبيل وانا نستنى فيك رحنا نجيبو جواد حتى نرجعو لدار نلقاو غير لهوا في شومبرة هكا ياك من وقتاه تخرجي
كاامل هدرتو وهو يهدر كان مزالو يشوف فيها حتى صح صح وترها وبقات غير تلعب بيديها وتعوج في صباعها
حتى عيط عليها بدون بلا ما يفيق
ماجد بلعياط : حبسيييييي نتييييي
شافت فيه مصدومة كي عيط عليها ديركت حكمتها رعدت تاع تبكي بقات غير تشوف معاها وتديريجيا عينيها تعمرو بدموع وناضت حتى هي تعيط معاه
أحلام : حتى نتا بركا ما تشوف فيا
عقد حواجبو فيها وقلب عينيه
بقى ساكت لمدة قليلة بعدما نطق بكلام لي صدمهم
ماجد : لزوج عطوني نوامر تاع باباكم هيااا!!!!
وجوه تاعهم ولات صفرة قااارص
لزوج ولاو غير تمتمو حتى نطقت عائشة وهي حاطة يدها على خصرها ومطلعة ذاك لحاجب
عائشة : من نيتك ماجد امشوو امشووو راه يتمسخر بيكم ... انا لي راح نسمع وسخ وذنيا اومبعد
وشافت فيه مذبلة عينيها قدر الامكان لغرض تأثير عليه زعما
عائشة : وهوما راح يباتو معايا وشافت فيهم مطرطقة عينيها
ولزوج بسرعة لبرق حرفياا قعدو غير يحركو راسهم بزربة المهم نميروو ميدهمش
مسح وجهو بعصبية يستغفر بصوت عالي
من بعد نطق بصراخ قفزهم
ماجد : نزييييد انا نحلللكم البااااب يللله
قربو يجرو لطنوبيل ... و احلام مزالت تمتم
أحلام : ها مالك ياااربي معامن طحنا مع عزرائيل
قبل ما تطلع وتفتح لباب سمعت صوتو كي رد عليها
ماجد : لي راح يقبض روحك كون متبلعيش
بلخف ركبت وخبطت لباب تاع طنوبيل حتى تهزت من ديك لخبطة
قبل ما يدخل عندهم جبد تليفون وكتب ميساج ورجعو ودخل وديماراو ديركت لدار ...
#يتبع
أنت تقرأ
عندما أحب بجنون
Fiksi Sejarah•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
