#الحلقة29
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بعدما كمل دوشو وغير ثيابو ..
راح عمل ليه أكل خفيف
وغلق جميييع نوافذ لي ممكن يدخلو غير خط صغير من ضو
ظلم بيتة وشعل المكيف وغم على راسو ورقد
غير بدا نوم يدخلو ويغطس في دوامة لا وعي ..
سمع رنة ميساج
رفدو بملامح منزعجة وغير شاف اشعار دخل بلخف وشاف ردها
لي كان مع ساعة 5 صباحا لي راهي ساعة نومو دوك
كانت اجابتها
📩 : نعم
رد عليها
📩 : دك راح ترقدي !؟
اجابتها كنت خفيفة
📩 : علاه !
📩 : قولي ..
📩 : اه راح نرقد
هنا خلاها vu وطفى لويفي وهو مقلق معمبالوش من واش .. برك تقلق
غمض عينيه يرقد حتى بدا يرقد ...
بعد تعب في يووووم طويييل لي مكانش ختامو مسك .. وإنما كان ختامو عبارة عن قلق واضطراب !؟ في الاحسايس
_______
عندها هي لي كانو لحقو لدار ولبنات بلخف دخلو لدار بخطوات متسارعة لقاوهم كامل ناضو واقاعدين في صالة بحوايج نوم وبااين لقلق من وجوههم
قربت ليهم هديل تجري
هديل : بناات جيتووو وين راهي عائشةةة
جاو يردو عليها حتى سمعت ردها موراهم
عائشة : هاني ماما
قربت ليها هديل بلعقل وتشوف فيها من فوق لتحت تفلي فيها بقلق واضح بزااااف خوف رهيييب لدرجة يديها كانو يرجفو اما عن نظرة عينيها كانت كلها لوم وعتاب
غير وصلت عندها رفدت يدها وعطاتها بكف تسمع صوتو في كامل دار !
وقف جدها من بلاصتو يعيط بلا وعي على كي شافها ضر بتها
محمد : هديييييييل !
حكيمة : ماشي بلض رب هديل
دارت ليهم ودموعها طاحو واد وفيضان !
هديل : كيفاش ماشي هكا خارجة في عز ليل بلا ما تقولي ولا حتى تبعث ميساج هكا انا عندها رخيسة صح انا ماشي يماها وماشي لي ولدتها بصح انا لي ربيتها وعندي حق فيها صح
ودارت شافت في عائشة لي كانت مهبطة راسها وخدها أحمر مطبع
ولالا معنديش لحق فيك غير هي لي عندها حق دير فيك واش تبغي ياك .. معنديش قيمة عندك و لو ربع .. علاه خليتيني مقلقة وانا خفت كشما صرالك ولا كشما دارولك !
قربت ليها عائشة بهدووء وهي تجرب تشد يديها
بعدت منها هديل بعصبية
هديل : مدام مراكيش دايرتني في رتبة يماك مكلاه تزيدي تجي وتحكي معايا ولا توريني وجهك !
راحت فوق لاطابل رفدت مفتاح طونوبيل وخرجت تجري خلاتهم كامل يعطولها ..
دموع تعمرو في عينيها دارت موراها وهي تشوف ماجد واقف ويديه في جيبو يشوف فيها بملامحو هادئة
اذا كانت عندها صفة مشتركة وهي الهدوء في ملامحهم لي ممكن يكون مصدر استفزاز لبزاااااف ناس !
قربت ليه هي بلمثل وعنقاتو
وكامل طلعو وخلاوهم لبنات ديجا عندهم دي شومبر ليهم تم سما كل وحدة دخلت لبيتها
اما هوما بقاو مدة متعانقين
هدرت وراسها مرتاح على صدرو دافي
عائشة : عمبالك بلي هي ماما وهي بابا وهي كل عندي ياك .. كون ماشي هي مرانيش هكا نضحك ونهدر ونعنق ناس ومانيش في هاد رتبة
مسح على شعرها بحنان اخوي باااين من تصرفاتوو الدافيين
ماجد : انا نعرف بصح هي لالا عائشة لازم تبينلها تعرفيها هديل دايمن تبغي لي يبينلها مشاعرو متحبش تكون في حاجة مجهولة ياك !!
بعدت عليه تمسح في دموعها وهي حانية راسها
عائشة : صاي تجي غدوة نحكي معاها
ماجد : صحا ختيتي متقلقيش روحك ياك .. وهي حساسة غدوة تكون مليحة وتجي هي لي تعنقك
عائشة : ان شاء الله ماجد اذا خاطتني هديل نمووو ت بلا بيها
مسح على وجهو وهو طالع في دروج و يهدر معاها
ماجد : كامل عائشة تخطينا نروحو هي ساس هاد دار ...
#يتبع
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
