#الحلقة47
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
قطع خلوتها بأفكارها وذاك الهدوء لي كان في البيت دخولو .. طلعت راسها فيه وبقات تشوف فيه بهدوء مريييب... نفسو الهدوء لي علمهولها ..
لطالما الناس يخافو من الانسان الهاد ويحسدوه حتى !
علاش ؟! في رايكم
لانو ببساطة الشخص الهادي هو لي ميبانوش المشاعر على وجهو ولا حتى بواش يحس يبان عادي ملامحو عادية يعني ميبان اذا فرحان ولا زعفان ولا مقلق ..
وهذا واش كانت عائشة
تبسم في وجهها وقت شافها وقرب ليها ومبعد عليها بمساحة مربعين على حساب الارضية ..
خان : تبدلتي بزااااف بزاااف .. شحال عندي مشفتكش ايييه شهر .. دوووك هذاك شهر تعلمتي منوو بزااف ياك !
سمعت علموك المصارعة وكيفاش تشدي سلاح ! ... سقسيني انا واش راح نعلمك
وشاف فيها .. وهي ثاني بقات تشوف فيه تستنى فيه يكمل يحكي ..
خان : هيا هيا متخلينيش نتحول !
تنهدت بألم داخلي تحاول تسكت . ..
عائشة : واش تعلمني
خان : كيما تعرفي (كان يهدر وهو يدور عليها ) .. كاامل عندنا نقاط ضعف من غير والديك ومن غير ناس قراب عليك باااينة ..
دك نتي وش هي نقطة ضعفك .. انك في الاصل نتي ضعيفة ! ياك عمبالك مهما دربناك وكلش تبقاي هكاك !
ودوووك لازززم نحو نقطة ضعف هدي لي راهي ديرونجي فيا بزااف بزاااف باسكو نكره نقابل بنادم ضعيف !
المهم ( وصفق بيديه .. تم تفتح لباب ودخلو زوج رجال شادين زوج صنادق كحولا مغطين بإيزار كحل ...
حطوهم على الارض ورفدو لغطا وفتحو صندوق
خرجو منو زوج كلاب !
ووقفو جنب خان كل واحد من جهة ...
تحنى لمستواهم وقعد يمسح على راسهم
ورجع طلع راسو فيها ..
وشاف فيها وابتسامة كلها شر ترسمت على وجهو
خان : ودوووك عائشة رانا غير انا ونتي ياك والشيطان ثالثنا على قولت المسلمين .. عمبالك واش راني حاب
حركت راسها بلنفي وعينيها غير مع دوك لكلاب
خان : راني باغي نق تل إنسانية تاعك .. ماشي ببنادم لانو كااامل اول تجربة لينا بلانسان ميييي نتييي بغيت ندير معاك اي شئ استثنائي لذالك بغيتك تبداي بحيوان ..
كي سمعت كلامو بقات غير تحرك في راسها وتبعد منو
عائشة : تعيش لالا مانيش باغية نق تلهم حرام عليك واش راك دير فيا
خان : ماشي حرام عليا ومتحلينيش باسكو انا لول لي إنسانية تاعي منعدمة ياك + انا ماشي مسلم باش تقوليلي حرام ولا حلال تمام
عائشة : بصح انا مسلمة منقدرش نقتتت ل متخلينيش نعيش هاد شعور
خان : معليش نبداو بأصغر واحد لاكبرهم تمام
زاد عاود صفق ودخل راجل وشاد في يدو كلب أبيض من نوع كانيش
غير طلقو في الارض قعد يجري ويلعب وحده
قرب ليها خان جبدها من يديها وحط سلا ح وسطهم
وزير على يديها بعدما فتحلها زر الامان !
خان : هيا هيا عائشة معندناش لوقت مزال نهار طويل عندك ! عدلي وضعيتك متخلينيش نستعمل العنف معاك
وقفة وهي كلها ترجف وطلعت يديها موجهة سلاح جهة داك الكانيش لي كان يلعب
حتى صفر خان باش تقابل معاها هي لي بقات تشوف في عينيها
عائشة : متخلينيش نديرها منقدرش منقدرش
قرب ليها من لور وحكم يديها
تمتمة بين شفافها
عائشة : ياااربيييي سمحليييي ياربييييي
ومع آخر حرف تسمع صوت طلقة لي على اثرو مات الكانيش ولكلاب لخرين ناضو ينبحو ويقربو جهتو
من قدوة كان قريب لكلب ليها دمو طرش على حوايجها بقات غير تشوف بعيون خالية من الحياة في دمو في تنثر وسايل على الارضية البيضاء
زاد دورلها الجهة وتقابلة مع لكلاب هدوك
وبدون سابق انذار عدللها سلاح ورجعو وسط يديها
وغير تحط طلقت بسرعة عليهم عدة طلقات وهي مغمضة عينيها بفزع وذعر كباار
كانت هنا اول مرة ليها تقت ل وشكون حيوااان بريئ وماليه حتى ذنب ....
طاحت للارض وهي غير تشوف فيهم
بدون ولا قطرة دموع على عينيها
هنا وين ولات عائشة بدون روح !
#يتبع
أنت تقرأ
عندما أحب بجنون
Historische Romane•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
