#الحلقة58
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
شدت مذكرتها وقلمها و في ورقة كتبت مكونات المخدر لي راهي تتجرع فيه
وفي ورقة ثانية كتبت مكونات دوا لي الاطباء يمدوه في مصحات مكافحة الادمان ..
ولقات بلي كاين شبه بينهم في مكونات
دورت على مكونات المشتركة وبحثت عليهم .. ومنهم عرفت بلي عندهم ايجابيات اكثر من سلبيات
لذالك كانت خطوتها تالية هي استشارتو
#فلاش_باك🔙🔙
طبطبت في باب تاع لبيت تاعو ودخلت بعدماخ سمعت الأذن تاعها ؛
كانو بين يديها فقط مذكرة وقلمها
قعدت فوق سرير وهي تشوفو يلبس في ساعتو
ووقت كمل قرب ليها وقعد جنبها ونطق مباشرة بلا ما يشوف في وجهها
جواد : اذا جاية على الجرعة ديتيها صباح وقلت مكاش حتى لغدوة منذاك
غمضت عينيها وزيرت على لقلم لانو الشيء الوحيد لي مبغاتش تتفكرو هو الجرعات في حين هي لي راهي بصدد تقلب على العلاج لي يقدر يهنيها من هاد المرض
عائشة : مجيتش نحوس على داك سم جيت عندك لانو لقيت كيفاش نهني روحي منوو!
تم طلع راسو بلمح البصر يشوف فيها ووقت شاف لمعة عينيها قرب ليها اكثر وجلس جنبها
جواد : وكيفاش !
فتحت المذكرة ونطقت بنبرة كلها جدية٫ نبرة لي كانت جديدة عليه تماما
عائشة : شوف هدي سمانة كنت نقرا مجموعة من الكتب على كل حال هي محضورة لانو فيها وصفات ادوية او نقولو فيها مكونات المخدرات كل نوع منها وحتى الأدوية لي يتلاقاها المدمن في مصحات
وتعرف حتى شركة متسرب معلومات الأدوية وكدا لذالك كان لازم نروح لهاد المكتوب لي فيها كل ما هو ممنوع مرغوب
مهم وتحصلت على هاد شي
اغلب مكونات الأدوية تاع العلاج من المخدرات لي يعطوهم في مصحات عندها ني المكونات وبزاف لقاو علاجهم منها ..
بينما هنا في هاد لجهة كاين مكونات المخدر لي انا نتعاطاه ..
لذالك هنا في هاد دوائر كاين مكونات المشتركة بينهم وكي بحثت عليهم لقيت بلي ينفعو اكثر ما يضرو
وانهم ينقصو نسبة المخدر في دم على مر سنوات لذالك المدمن في مصحة يبقى لمدة كبيرة على اكثر عامين ولا ثلاثة سنوات .. وكذالك يغيرلوه على البيئة تاعو ونمط العيش تاعو هاد كامل يخليه ينسى عفسة اسمها مخدر ... وفي مي الوقت فيهم مهدئ لي يعتبر اصلن مخدر ولي يخلي اعصابهم دايمن هادئة وميتقلقوش كامل ... وبعدها عندهم حبة في ليل لي تعاونهم على نوم والاسترخاء خاصة الاشخاص لي يعانو من الارق ويتعاطاو المخدر باش يقدرو يرقدو !
وبلنسبة لاشخاص المدمنين من درجة اولى عندهم مكون واحد مغاير على كامل هاد الادوية ...
ولي هو يضيفولهم مخدر بجرعة قليلة وبما انو الدوا ليه وقت سما كذالك مخدر ليه وقتو .. والمدمن مراحش يعرف بلي راح ياكل في مخدر تاعو .. سما تلقائيا راه يدير فيه بالو بلي خلاص ماهوش مدمن ودوا راه يعالج فيه لذالك هنا يعمل الدوا مهمتو
يعالجو ينقص كمية المخدر من دمو وفي نفس الوقت يغذي دمو حتى المدمن ميحوسش اصلن على المخدر يعني يحس روحو مكتفئ منقصاتو حتى حاجة ؛
وهذا برك للمدمن من درجة الاولى لذالك الأدوية علاج المدمنين ممنوعة انو مكوناتها تتسرب ويتعالجو برك كي يروحو للمصحة
وثاني شي مغاير انو المدمن من درجة اولى قبل ما يولي يتعاطى هاد الدوا راح يكون قبلها يعطولوه برك مهدئات ويكون في غرفة وحدو معزولة ويعطولو جميييع الاشياء لي يقدر يلهي بيها روحو..
المهدئ هنا دور تاعو راح يخليه يكون فشلان تفاديا لمحاولات الهروب وتاني راح يخلي عقلو مطفئ ماشي قادر يخمم ولا يفكر راح ينسى المحيط تاعو وينسى حتى علاه ولا مدمن وواش جابو هنا
و الغرفة المعزولة راح يكون ليها دور كبير ... معمباليش وشنوه مي كي بحثت انو موراها بزاف اشخاص صرحو انو الغرف المعزولة تخليكخ توالف انو تكون في نطاق هادئ تخليك توالف انك منعزل على ناس وتكون متكافئ مع نفسك بلي ماشي بضرورة يكونو عندك اصدقاء يعني نتا صديق نفسك ... لانو كاين من بين بزاف الاسباب لي يخلو لواحد يهرب للمخدرات .. انو يكون منعزل وميكونش عندو صحابو سما يروح ليهم باش ينسى ..
سما حتى اسباب لي يخلوه يولي مدمن يستعملوها باش يعالجوه ..
لذالك قررت نجرب هاد شي كااامل على روحي ونتا راح تعاوني جواد ..
جواد يا جواد يا جواد ......
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
