#الحلقة23
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
🔚🔚🔚
ناضت بخطوات بطيئة تحاول ترمي الحزن والالم الماضي وذكرياتوو من عليها
دخلت الحمام وعمرت البينوار بلما دافي ودارت بعض زيوت طبية لي ترتاح فيها وتعاونهاه وكذالك تعطيها راحت
شعلت شموع في ارجاء الحمام ورشت الورد داخل الماء
خلات المنظر بزاف شباب وعاطي روائح زكية منعشة
كانت هادي هي حالتها كلما تحزن وتتألم روحها وقلبها
نحات حوايجها ودخلت وسطو تحاول ترخي مخها وتنسى أي فكرة سلبية توجع خاطرها
بقات حوالي ساعة في الماء حتى بدا يبرد عليها
وخرجت منو ديركت تحت رشاش تتحمم ...
____
خرجت من الحمام كأنها حمامة
الخدود موردة والبشرة بيضاء تلمع سبحان الخالق ومشاء الله
جمالها كان في شكل يعطيك لاحساس بطمأنينة وراحة و الهدوء وقت تشوف في عينيها تحس هدووء الحالة ونسمة الهوا لي تكون بين لجبال مع صبح هي لي راهي وسطهم
شعرها طويل والاسود كأنو اليل قابع وسط خصلاتها وريحتو الفواحة لي تهدي نفس
يديها لي يشوف جمالهم ومنظرهم ميبقولش بلي هدو اليدين جوزو بزاااف وبزاااف ميقولوش هاد اليدين راهم يمسو محاليل ومواد كميائية خطيرة
ميقولو هاد اليدين لي في وقت من الاوقات تقاسو بدم!!!!
بعدما نشفت جسدها ودهنت عليه كريماتها وختارت رائحة الفاني لي تعاونها تحس براحة لي باغية تحس بيها !
ونشفت شعرها ودارتلو سيروم الخاص بيه
لبست غوب بيضاء طويلة فولاغ بدون اكمام خلاتها تبان كأنو ملاك نازل من سماء وهبطت لتحت عندهم بنفسية واحوال مغييرن !!!
دائما النظافة تلعب دووور كبييير في نفسية الانثى خاصة ..
اذا كانت متهلية في شعرها بشرتها ملابسها راح تولي مرتاحة
وبزاف يقولو دراهم دارتهم بيهم .. صح دراهم ديرها بينا بصح ماشي هي كلشي
باغية تنظفي بشرتك على اقل صابون طرف تغسل وجهها وسلام
باغية زيت يغذي شعري على الاكثر زيت زيتون
باغية نقشر فمي
سكر وندير شوية زيت معاه مثلا ونبقى نحك
والخ طرق الاعتناء المرأة تختلف من واحد لواحد وهي بعض المرات
الانثى فقط حطها في بلاصة يتهلاو فيها في ذاتها ترتاح نفسيتها ...
شافتهم كلهم مجمعين يڨصرو
قريت ديركت لعندها بدون ولا كلام ولا حتى نظرة عين!
قعدت قدامها ودخلت في حضنها وشكون من غيرها !
يقول انو الخالة هي الام ثانية أو حتى هي في مرتبة الام وكاين وين تعوض بلاصتها
كاين بزاف منا يكذبو العبارة او المقولة هدي
باسكو في الاصل ماشي كل خالة هي ام ..
وماشي أم هي أم
في حالة عائشة خالتها تعتبرها أمها الاولى والاخيرة
ولا مرة في حياتها قالت خالتي ولا مرة صرخت وعلات صوت عليها ولا مرة قللت من شأنها تحت مقولة نتي ماشي لي ولدتيني
هاهي لي ولدتها رماتها
هديييل .. هي روح البيت هي الكل فيه .. رغم وجود محمد وحكيمة لي زمان عندو واش خذا منهم صحة تقلال ولعمر يزيد يتقدم ..
حطت يدها على شعرها تسمح عليه .. الحركة لي تبغيها وتموت عليها
وقت جات كامل لتزمو صمت لانو في الاصل كانت هي موضوعهم ومن ديما هي لي شاغلة تفكيرهم ..
تكلم محمد قاطع ذاك سكوت
محمد : أبنتي
دارت ليه متبسمة
عائشة : نعم ياجدو
محمد : حبيبة قلب جدو .. كيفاش جازت الحفلة كلشي جاز تمام !
عائشة : الحمد الله كلش كيما بغيت
محمد : الحمد الله الحمد الله
حكيمة : ايييه وجواد شي اخبار عليه يابنتي
قلبت عينيها ببرودة باين على ملامح وجهها !!!
عائشة : معمباليش وين راه ومتسقسونيش عليه تعيشو حتى يبان وقت لي باغي هو ..
حكيمة : علاه وشبيك معاه سيد هايل مشاء الله مناقصو والوا وقف معاك في كلش ..
عائشة : ماني كلشييي بيني وبينو بليييز ... نتي متعرفيش لا واش كاين في قلبي ولا قلبو سما خلاص
حكيمة : هاني ساكتة غير لي بغى ينطق
تمت بصوت خافت
عائشة : ايييه متهدريش من لول
ضربتها هديل بانزعاج
هديل : عييييشة
ناضت من حضنها والغضب بادي عليها
عائشة : ياااربي باغييينيي نهبببل صح ! وشمن عيشة نتي تان ياماما ..
هديل طلعت حاجب برود (ويقولو زمن اي ذاك شبل من أبيه ... باين غير من هديل منين جابت عائشة البرودة )
: عيشة وعيشة وعيشة انا نقول هكا عندك مانع
عائشة : اسمي عائشة بغيتو ولا كرهتو كون من لول سجلتوني عيشة اسمي شقلبتوه كيما بغيتو
هديل : امشي تاكلي امشي هاهو في كوزينة فوق طابلة
بقات غير تتمة وتنكر ودمدر وحدها .. وحالتهم متخفاش عليها
شافت فيهم هديل وبصوت خافت هدرت
هديل : معيطلوش ماجد ؟!
محمد بابتسامة : سي يابنتي قالي مع ربعة صبح يكون هنا باغي يديرلها مفجأة
هديل : يوووو حتى هي والفت بيه متقدرش كي تسمع بيه في بلاد خلاف الاعصاب يحكموها
حكيمة : هو لي فششها يدبر محاينها
محمد : هاكي قلتيها راه معاها و راهي معاه بيناتهم ..
#يتبع
____
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
