#الحلقة26
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
كانت تتراقص وتتمايل بدلع وغنج فطري بدون ولا تصنع ..
حتى تلمحو قاعدة على ميني بار لي صغير وجاي في صالة تاع دار لي كانت الحفلة فيها .. هدو هوما المنازل الامريكية وستايل تاعهم
كان يخزر فيها بنظرة مالقتش تفسير ليها لا ارادية حبست في وسطهم وعينيها عليه ثابتين... بزاف اسئلة في راسها واش جابو وواش جا يدير كيفاش عرف بلاصتها ... او بلأحرى كيفاش لقاها وسط هاد الحشد كاامل !!!!
وقف بهدووء يخلي رجفة تسرى في دمك ووسط عروقك ... وصل حدها وقعد يخزر فيها من فوق لتحت حتى ثبت انظارو على وجهها وملامحو الهادية والراقية
رفد يديه وحطها على خدها يتلمس حد فكها بأطراف أصابعو ...
بسيف قدرت تخرج الهدرة من فمها
عـائـشـة : ج..جواد ... واش دير هنا ؟!
تبسم بغموض كانت ابتسامة بلا مشاعر فقط غريبة او فقط ابتسامة توضعت برك باش تزين وجهو وملاحو !! ..
جواد : 3:30 هبطت طيارة قلت زعما نقول ربعة باش نجي وندير لزينة تاعي سوربريز مي في صح هي لي دارتهالي صح !
غمضت عينيها مزيرة على يديها حتى ظفارها جرحو كفها !
وبنفس الهدوء في تصرفاتو وحتى نظراتو !
حط يدو على خصرها مزير عليه ببرود في نظرتو
جواد : وصلت لدار طلعت للبيت ... نلقى غير الهوى وريح .. وقتاه خرجت وشكون شافها وللاسف حتى واحد ياك هكا ( زاد ضغط اكثر ) .... وين نجبد تليفون نعيط لا كشما يكون صرالك ياك ! حتى يلحقوني ميساجات ستوري تاع زينة تاعي هكا !!!
وين نشوف ألالا نلقى حفلة وهابي برثداي وجيييت ياك .. ونلقاك هكا تشطحي باغية مشاكل ؟! باغيتني نقت لك ... باغية ترجعي تشوفيني كيما قبل !؟
زاد طلع يدو الثانية وحطها على شعرها ضاغط على عنقها وبدا يتمايل معاها كأنو يرقصو او في صح يرقصو صح !!
جبد شعرها ليدو بهدووء كأنو راهو يمسح عليه برك ..فجأة وبلا ما تحس غفلها مزير على شعرها جابدها لعندو حتى ولاو يتنفسو نفس واحد !
نيفو حد نيفها ..
نطقت بسيف وهي تحاول متخليهمش يحسو لانو لي يشوفهم من بعيد مراحش يشوف ولا راح يحس بلي راهي تتوجع وتتألم .. كأنو يبانو أجمل كوبل وكانو في وضعية حميمية!!!
نطق وهو ضاغط على مخرج كل حرف
جواد : واش راح نديرو ...
نطقت بسيف وحاطة يدها على صدرو تحاول تبعد عليه
عائشة : حبببببس راااك توجع فيا .. جواد ماشي هكا ..
جواد : ماشي هكا .. بصح نتي خليتني هكا ! علاه تخرجي بلا أذني وبلا أذن حتى واحد من دار هكا مالفة !
عائشة ضحكت بإستهزاء رغم لوجع ورغم كلش !
عائشة : إذنك ؟! علاه نتا وقتاه كنت معايا وسقسيت عليا باش ندي أذنك .. جوواد عمبالك راك غايب عام و6 أشهر نعيط مغلق .. نحوس عليك في دار مكانش ..
صاي قلبي برد عليك عمبالك شحال من مرة ديرلي هكا كيفاش باغيني نكون ..
زاد ضغط اكثر على خصرها حتى بدات تأن بألم واضح من انكماش ملامح وجهها
جواد : بسييييف عليك تديه فهمتي بسييف
بدات تتجبد منو وتحاول تفك روحها
عائشة : ماشي بسيف تفهم كل مرة نصبر روحي صاي مقدرتش نكمل معاك في هاد العلاقة نحبسو كلش قبل ما يبدا شي رسمي بينا باسكو منقدرش عليك ومتنساش رغم فارق سن لي بينا قبلت وخاطرت غير لانو نتا كنت معايا في اصعب لحظات ونتا لي سلكتني ونتا لي كنت أمان ليا
تبسم في وجهها مفتون بملامحها
جواد : ومزالني انا الامان وانا لي نسلكك وانا لي نكون في اصعب لحظات والاوقات
هزت راسها تنفي كلامو وهي تتبسم بإنكسار
عائشة : خلاصص موليتش كرهتك كنت نخلي روحي نبغيك بصعوبة تقبلتك ...جواد أي انسان من الماضي تاعي منقدرش نعيش معاه منقدرش نكون معاه مراحش نقدر نحس معاك بحتى احساس بعدني صيبو متخليش لي كان بينا يرجع حاجة عيانة
تعيييش ابقى معايا مجرد صديق وطبيبي هذا واش نسحق حاليا مي منقدرش نكمل معاك من غير هاد شي
في لحظة سكتت برك سكت يشوف معاها بنظرة فارغة
ماشي حاسين بلي حواليهم ماشي حاسة هي بصحباتها لي يشوفو بغرابة فيها لانو حتى وحدة مكانت تعرف جواد
جواد : راح تباقي معايا مراحش تبعدي عليا فهمتيييي
عائشة : مافهمتش متخلينيش نقول لجدي وخويا صحا
بقى يشوف معاها للحظة
ممبعد نطق بهدوء مخييف حرفيااا
جواد : صحا بغيتي لبعد نبعدو .. الحصص تاوعك متفوتي حتى وحدة صحا .. وياويييلك نسمع بواحد راكي معاه فهمتي بغيتي متكونيش معايا معنتها مراح تكون مع حتى واحد من غير جواد!!!
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
