#حلقة34
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
حكيمة : كيفاش واش ديري ... راكي تقوليلي نتي ماشي بنادم تحركي يديك هكاك ... دوك اليدين لي عندك كون جيتي تخدمي شغل كي لبنات ميكونوش هكاك
نطقت هديل وهي مهبطت راسها تاكل
هديل : دايمن نقوللها راهي فتنة متنقلة من يديها لراسها لوجها لعينيها يا يما مكاش لي مشفتهاش ومبغاتهاش لوليدها
حكيمة : خليها دك يجي هداك لي يلمها
عائشة : انا هكا ماني وشبيك .. نسيتي بلي دخلتني ختك عندك هدوك ناس لي يدربو اميرات كيفاش يتصرفو كي يكبرو دخلتيلي كلش في دمي وليت هكاك كيفهم .. اصلن عائشة أنا يلقلي نكون امييييرة ولالا نقولك ملكة احسنننن ..
شدت هديل ضحكة بسيف ونطقت تحاول تستفزها
هديل : الله الله عائشة فخامة الاسم تكفي
عائشة : باينة فخامة الاسم تكفي
اسمي راهو نفس اسم عائشة رضي الله عنها زوجة رسول صلى الله عليه و سلم وبنت ابي بكر صديق وأم المؤمنين
نفتخر بيه ونعاود على بيهااا نقوللكم متحرفوش اسمي ليه خلفية جمييلة ياجماعة
طلعو راسهم كاامل فيها صح صح مشوكييين منها
هديل : هدي نتي .. ياخي مراكيش ضار بة كاش حبة بنتي ..
محمد : هاديييي ماشييي قنديييشة تاعنا
حكيمة : عيطووو لزوليخة ختي عيطولها تعاود تديها تعلمها كيفاش يتصرفو الاميرات تاني .. هكا تقصفي مانك يا راصة هكا
قلبت عينيها بغرور لي جاي طبيعي منها .. هي شخصية متتصنعش كل صفة فيها جات عن اسباب كثيييرة
عائشة : وياااا مااني تعرفيني نبغيك بزاف .. بصح نتي لي جبدتيني كامل شاهدين .. طلعت راسها شافت ساعة حتى ناضت تعيط مقفزة محمد وحكيمة
عائشة : ياااااااا شفتوووو شفتووووو كيفاش شديتونييي بلهدرة وانا عندي اجتماع
هديل : اييييه عائشة والاجتماعات
راحت تجري و هي تسمع فيهم يعيطولها باش تفطر
وصلت عند لباب عطاها لعساس مفتاح وقلعت لشركة تاعها
في طريقها تليفون بدا يصوني
غير شافت اسم متصل صفارة وخضارة
عائشة : شاااه هدا منيته ولا وشنو.. بارح ميساج واللون ألو .. معليش
تنفست شهيق ومع زفير رفدت عليه وتنطقت دي ألو صح صح من فوق قلبها
عائشة📞 : ألو شكون معايا
جنيد 📞 : معرفتينيش زعما .. معاك جنيد شريييككك في الخدمة
عائشة 📞 : أهاه سي يازيدي كيف احوال كشما تسحق
جنيد 📞: الاحوال نسمعوها من عندك مدموزال .. زائد بغيتك اليوم الفطور دك نبعثلك لوكاليزاسيو
عائشة 📞 : عفواااا !!! بغيتتني انااا الفطور ؟!
جنيد 📞 بتأكيد : ايه جنيد بغا عائشة الفطور !!!!
#يتبع
زعما عائشة تروح ؟!
واذا راحت واش راح يصرا معاهم في هاد الفطور الغريب 🤣
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
