#الحلقة42
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
في الجزائر .....
شافو أسيل وفؤاد في بعضاهم من كلمة وليدهم لخرا
معروفوش واش هي الإجابة لمناسبة لي لازم يقولوها ليهم ؟!
شاف فيهم فؤاد بجدية ظهرت في نبرة صوتو لي نطق بيها ...
فؤاد : ايه عندكم زوج خاوتكم .. شافهم جاو راح ينطقو رفد يدو في وجههم
تم نطقت أسيل
اسيل : حنين ؛ زين دين .. صاااي خلو باباكم يهدر
فؤاد : مهم اسمهم عائشة وماجد وحتى هوما توأم كيفكم
تبسمت حنين و الفرحة والحماس باينين من وجهها!
حنين : ياعمريييي سما عندي ختي كبيييرة عليا .. توأم حقيقي هوما بابا ؟!
تبسم معاها على كلامها
فؤاد : لا ماشي حقيقي
ربع يديه وبقى يشوف فيهم وعاقد حواجبو
زين دين : ووين راهم علاه ماشي عايشين معانا وبعاد علينا ...
حمحم فؤاد رافض يهدر على اي شئ بخصوص هاد الامر
هنا تكلمت أسيل
اسيل : هاد الأمور بعاد عليكم حاليا !
وقت وخبط طابلة بيدو
زين دين : بعاد علييينا تتمسخري بيا ولا كيفاش عندنا خاوتنا عندي خويا وختي بعاد علينا هذا وين عرفتهم وسمعت بيهم وتقوليلي بعاد علينا وحاليا تاني .. عمبالكم شحال كنت باغي يكون عندي خويا كبييير وهكاك مقلتولناش ...
عيط عليه فؤاد لي تقلق منو
فؤاد : عس صوووتك زينووو منبغيش صوت هذاك يزيد يطلع
زين دين : صحا معليش عطاوني نوامر تاع خاوتي .. نهدر انا معاهم
شافو لزوج في بعضاهم وقلبو عينيهم
تم وين زادت هدرت أسيل بصوت منخفض
اسيل : معندناش
طرطقت حنين عينيها فيهم بصدمة ... حرفيااا كي هي كي خوها نصدمو من هاد لهدرة
خاوتهم مايعرفوهمش .. هذا وين فاقو ووين في فريدفامي + والديهم معندهمش حتى نوامرهم !!!! وين راهم عايشين
شافهم فيه بملامح كلها اسف وشفقة
زين دين : والله مالقيت واش نقول ...
وخرج من دار ديركت بعدا رفد مفتاحو وخبط عليهم لباب..
اما حنين وقفت وشافت شافت فيهم ولات رفدت لكارني هذاك وطلعت تجري لبيتها
كي شافتهم راحو جات راح تهدر حتى قفزت كي سمعاتو يعيط وشاد في شعرو مزير عليه
فؤاد : متهدريييييش اسييييل صووووتتك منسمعوووش صحا منسمع حتى حس ..
________
#نيويرك🗾
في دار عند هديل .. محمد ..حكيمة
كانو قاعدين يتغداو وكامل تلمو هاد لمرة للفطور على غير عادتهم لي مالفين يتلاقاو غير صبح وليل
قاعدين على طابلة حتى دخل ماجد تان وقعد بعدما غسل وبدل ..
ماجد : بصحتكم.... واش وين راهي عيشة مانيش نشوف فيها !
هديل : منعرف وين راهي من لي راحت صبح معطات حتى خبر عليها
محمد : وش تعطي علاه هي مالفة تعيط تلقاها حاصلة مع خدمتها
هديل : تعيشو معليش عيطو قلبي ماهو قاليلي خير
ماجد : وشبيكم تحكو هكا يقول منعرف واش راح يصرا ... علاه ماشي مالفة تخرج مزروبة ؟! .. هدي اول مرة عندكم ..
حكيمة : باينة لالا وليدي بصح لواحد مرة مرة يتبع حدسو ..
رفد تليفون وفي نفس لوقت يهدر معاهم
ماجد : معليش اسيدي نعيطو نطمنو قلوبكم ...
محمد : حقااا وين راهم لبنات ؟!
حكيمة : صبح ناضو راحو بكري كل وحدة وين راحت لشغلها ..
قعد تليفون يصوني ثلث مرات وحتى واحد مرد عليه
وتم وين بدا لقلق يبان عليه ومبغاش يبنلهم والوا من وا راه حاس توأمتو وراه يحس بيها بلي صاريلها حاجة ..
مرة رابعة تفتح لخط وجاه صوت ماشي صوتها
: الو .. انا ماشي مولات هاد تليفون .. مولاتو راهي في كلينيك ••••
وكوبات عليه !
بقى تليفون غير مفيكسي على وذنو وقعد غير يشوف فيهم بصدمة باينة غير من عينيه لي مفتوحين
وكي شافوهم كاامل ناضو ضربة وحدة. ...
#يتبع
فوووت⭐
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
