#الحلقة28
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
في جهة اخرى _____
كان قاعد على مكتبو يكمل في الخدمة لي بقاتلو هاد نهار لي بدا عندو من 6 تاع صباح ودوك راهي 3 تاع ليل ومزال مريحش راسو ومرتاحش كيما خلق ربي !
جبد تليفون يشوف ساعة حتى لقى اشعار لحقو من حسابها لي من وقت تلاقى بيها في الحفلة تاعها قلب عليها ودارلها فولو على حسابها وكانت رجعتهالو هي
حتى انو هاد لقطة فقط هدرو عليها صحفين لي بمجرد يلقااووو عفسة صغيرة على مشاهير يحكو عليها ويديرو عليها قصة من ألف ليلة وليلة
برغم للبعض تبانلهم بلي حياة مشاهير سهلة ولكن شوفة من برا ماشي هي نفسها شوف لي من داخل
يكون عليهم ضغط رهييييب يعسو حياتهم وخطواتهم مشاكلهم وكيفاش لازم يبانو لناس
ميقدروش يخرجو برا بثياب عادية لازم يكونو ثياب فاخرة
ملازمش يلبسو نفس الباس في كل مناسبة ومرات حياتك تكون خطر !!!
وخلي وخلي
عند البعض صح ينطبق عليهم قول " المال وسخ دنيا "
دخل للاشعار لي دخلو ديركت لستوري تاعها
طلع حاجبو من الأجواء لي باينين في حفلة !
كانت صورت كلش سطحيا حتى مرة صورت شوية شكلهم وهوما يرقصو بقى غير يشوف متبع شكلها وحركاتها وملامحها وجهها لهادئة وهي تتغير مع كل حركة من انحناء في خصرها !!
دخل للبروفيل تاعها بقى يشوف في صورها معندهاش بزاف .. صور خاصة ولكن اي صورة وضعتها تكون مميزة سواء ميزتها الفستان لي هي تخليه مميز !
كل صورة جاز عليها كان يبقى عشر دقائق بتقريب وهو يتأمل في تفاصيلها بلا ما يفيق حتى انو لو يغمض عيونو راح يعرف فكها وين وطول شعرها وشكل عيونها وحدة وشكل انفها
وشكل شفهها كلشييي فيها دخل لدماغو
بلا ما يفيق لقى روحو بعثلها ميساج صغير فقط
لي مالقاش واش يقول فيه من غير
" عائشة "
بقى يستنى لبرهة من زمن معمبالوش علاه اسكو راهو يستنى فيها ترد عليه ولا وشنو
بعدها مباشرة خرج من عندها وطفى تليفون وناض من بلاصتو يعمر كاين قهوتو
الكاس رقم ربما 100
هو من نوع لي يشرب قهوة مرررة وقاسسسحححة حرفياا ولازم تكون ثقييييلة بزاف با يتقبلها فمو ودماغة
شخص ذواق حتى في قهوتو فريييد ...
كمل خدمتو مع صوت الآذان لي كان في تليفون
بعدها ناض وخرج من تم غالق الباب موراه لي اوتوماتيك مراحش يزيد يتفتح غير ببصمة ويجوزو شعاع على عيينو مع كلمة سر
أمن عالي في مكتبو .. لانو كلشييي فيه ولكن رغم هاد شي ميخليش فيه بزاف صوالح مهمين
كانت مدة طريق حوالي نصف ساعة وكان لحق لحي راقي خاص بلناس من الطبقة المخملية فقط !
عبارة عن عدة عمارات راقية تتكون من 4 طوابق فقط
كل عمارة بحديقتها رفقة ألعاب وبيسين للاطفال
حط طونوبيل في بلاصتو المحددة لي كانت بأسمو
وطلع لدارة لي كانت في طابق الرابع لانو هو من اشخاص لي يبغو الامكان المرتفعة حتى لو طابق رابع ماشي مرتفع بزاف ولكن عندو اطلالة بزاف شابة ...
دار بصمتو ورقم سري وحتى الفحص على العين
وغير دخل كان لازم يتسمع صوتو وهو يقول كلمة معينة واذا كانت غالطة راح يتشعل انذااار عالييي صوت يتسمع على مدار الحي كااامل يخلي لي خمم برك يسرق يخلصها غالية وقتها
ودخل
كانت طابق راقي واسع وجميل
كان فيه مطبخ وثلاث غرف اضافة للدوش ولمرحاض مع صالون تاعها
اثاثو عصري ويفتح نفس ..
دخل للمطبخ وعمر من لماء تاعو لي كان في قارورة خاص فيها قطع من القارص والنعناع
ومباشرة لدوش ...
#يتبع
أنت تقرأ
عندما أحب بجنون
Historische Romane•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
