طـغيان إِحمِرار السآعد

بارت 43

طِـــغيان إِحمـــرار ألســـآعد               
                       تسير خطواتهن فوق جمر ثابتةً
                            بأصوات تزلزل المعتدين
                  أحلامهن لا تعرف الحدود او التراجع
                     فهن جيل يصنع التغيير واليقين
    وفي ختامها ... عزيمتهن لا تكسرها العواصف او الأنين

~ رميم ~
في عيونها نارٌ لا يطفئها الزمان
تسري على الارض كالعاصفة الجَعلان
تسحق الظلم بخطىً لا يراها الفناء
وتنقض على الاعداء بحزمٍ وافتتان
تغزر النار في رقبته بلا تررد
وتنتقم لمن أذاها بشجاعةٍ لا تُحد
ما هزها وعدٌ او تهديدٌ من خَيَال
ففي قلبها ثأرٌ لا يُقهر ولا يُصد

نزل راسه على ركبتي ما اترددت لحظة وحطيت رأس الجداحة الحامي اللي حرارته اشبه بالسيخ بركبته بقوة وثبات
فرفحت روحه دفع ايدي وداخت بي الدنيا من الالم وكع بالارض ونام رافع راسه بكل قوته عروق ركبته طالعة من الوجع اتقدمت وحنيت نفسي كباله اباوع على ركبته محفورة حفر ومتجعدة ابتسمت بتشفي وحجيت بهمس
رميم _ بعدك ما شايف شي يا ايمن هاي بداية " الاشتعال "
يباوعلي بعيون حمراء مليانة ألم ابتسمت وكمت بكل هدوء طلعت من الغرفة وبيدي الكيس امشي بدون احساس احس اكو احد يدفعني مو اني اللي دا امشي دخلت الغرفة العنود وجهت نظراتي على كل الموجودين وابتسمت اباوع على العنود اللي كاعده حجيت بدون شعور احس احد يحجيني وايدي لا ارادياً ذبت الكيس بالارض :
رميم _ العنووود الحمدلله على السلامة حبيبتي
رحت يمها حضنتها حضنتني بقوة تشم بيه باستني بقوة بفكي جوه اذني ابتعدت عنها اباوع على شكلها الذبلان مبتسمة وبصدري نار احس اكو صوتين بداخلي ماعرف شنو الصح بينهم
الصوت الاول _ اللي سويتي صح دافعتي عن روحج ما يصير تسكتين عن حقج وتصيرين ضعيفة تخافين من كل شي
الصوت الثاني _ جنتي تكدرين ادافعين عن نفسج بس مو بهالطريقة البشعة حرام اللي سويتي حرام
حسيت بضربة على خدي توعيني على زماني فزيت باوعتلها تباوعلي باستغراب لزمت ايدي كدام الكل وكالت :
عشتار _ من رخصتكم
مشت بهدوء ورزانة واني وراها طلعت من الغرفة التفتت عليه وعيونها حادة بشكل يربكني ويخوفني شكد ما جانت حنينة ويانه عمرها كله ما اذتنه ولا جرحتنه بس تبقى عشتار بنت عبدالله الكل يخاف منها ويحسبلها الف حساب تبقى اختي الكبيرة :
عشتار _ شبيج لونج مخطوف
رميم _ مابيه شي بس خايفه عليج
رفعتلي حاجبها اعرفها من ترفع حاجبها يعني ما مصدكة ابتسمت بأرتباك وحضنتها هي اطول مني حطيت راسي على صدرها حاضنتها بقوة والناس تباوعلنه تنهدت وحضنتني نزلت راسها همست بأذني :
عشتار _ حاولت اصدك بس ما كدرت
بعدت عن حضنها منزلة راسي ماريد اباوع بعيونها لزمت ايدها ورجعنه دخلنه الكل يباوعلنه باستغراب وشمس توأمي حافظتني تعرف وراي شي كعدت مرتبكة بصف عشتار وبصفي شمس وآسيا العنود مجلبة بيها ما تقبل تعوفها تكعد بعيد عنها بهالاثناء دخل علينه شخص آخر شخص اتوقعت اشوفه واللي اتخربطت اوضاع عشتار من شافته :