طـغيان إِحمِرار السآعد

بارت 44

                          طِـــغيان إِحمـــرار ألســـآعد
                            تالي وحدنه صفِينه ،
               ها يا كلبي الـ جنت تتباها بي وينه؟..

~ عشتار ~
هي بنتٌ تعبت من جَورِ الزمانِ
تتجلى في عينيها آلامُ المكانِ
لكن الصبر في قلبها راسخ
وشموخها لا تهزه الأزمانِ
رغم الجراح ، لا تظهر الانكسار
يخفي وجهها الحزن في اسرار
الدهرُ مرَّ بها بأثقاله
لكنها تحمله بلا افتقار
رغم قسوة الأقدار ، وآلامها تشعل في روحها النارِ
صامته لكن في قلبها صرخات
كل جرحٍ يبعث في عزمها حكايات
حملت العذاب وما توقفت رُغمَ الأوجاعِ
والاهاتِ ......

لوجين _ يذبحج يذبحج يشوهج مثل ما شوهني حاقد على طاريج وأسمج متشوق يحرك نسلج
باوعتلها مصدومة من خوفها ورجفتها التفتنا ثنينه على صوت ركعة الباب اختضت روحها من الخوف لزمتني بكل سرعتها صعدت اني وياها الغرفة من الغرف دخلتني بيها كلتلي بهمس ترجف وتحجي بسرعة :
لوجين _ أبوس ايدج ورجلج لا تطلعين صوت يذبحج يذبحج
فزينه اني وياها الباب تنركع شنو تنركع تتكسر نزلت دموعها عشرة عشرة عصبت كلش شبيها خايفة هالدرجة شبيهاااا اتقدمت دا افتح الباب نزلت يم رجلي تبوس بأيدي فتحت عيوني على وسعها ونزلت يمها حاضنتها بقوة والباب راح يتكسر من الضرب وعياطه ماله والي أنواع الفشار والكفران والسب والشتم والتهديد اللي يقشعر الابدان باوعتلها وهي كامت بسرعة دخلتني بالدولاب المكسر وقفلته من بره عدلت ملابسها وجهها وفتحت الباب الدولاب فتحة صغيرة مكسورة اكدر اشوف بيها
دخل مثل الاعصار لزمها من شعرها وبيده الحرام يعيط بوجهها من تصرفاته لو بيده يشرب من دمها :
امجد _ ك.... بنت الك... ولج ساقطة جبتج خداااامة ارخص من ال..... بسبببججج ما حصلتها بسسسبج ياااا كح.. انتِ اللي خليتيها تشررررد منيييي خليتيها تعوووفنيييي
خنكها بكل حقد وغل كلبي راد يوكف من شفت وجهها صار ازررررككك شفايفها بنفسجية عيونها انكلبت ماتت روحي ماتت ما اتحملت طلعت السكينة من جنطتي وضربت باب الدولاب بكل قوتي أتوقف مصدوم يباوعلها ويباوع على الدولاب ركض فتحه اول ما فتحه ضربته بالسكين عاط بكل قوته روحه مفرفحة طلعت ركضت على لوجين اللي بقالها شعرة وتموت حطيتها وراي اعيط واهدد ايده كلها مشخوطة من الطول للطول
اجه بركان يطلع من دماغه سحب السكين من ايدي بكل قوته انجرح باطن ايده كله دم حطها مثل المخبل منظره مرررعب ما انكر كلبي يرعد رعيد فلش الشباك بايده يعيط بكل روحه متخبل اجه يمي عيوني فاتحه بكل قوتي اباوعله شمرني بعيد عنها لازمني من ركبتي ضربني بكل قوته على بطني رفعت ايدي دا اضربه ما لحكت ركع راسي بالحايط ويعيط :
امجد _ ولججج غدرتينيييي للمرة الألف ما تكووولييين هالجلب يعبدنييييي يعبد الكاااااع اللي امشيييي عليها كل همممج ابن الك...
ما اكدر اسكت ما اكدر رفعت ايدي وضربته بكل قوتي على وجهه اعيط وياه صوتي يلعلع اجتي تركض تلزمه لو اتخبل دفعها بكل قوته طلع مسدسه عطت بي اريده يوكف
لكن وكف كلبي من صوت الطلقة اللي اخترق مسامعي باوعت عطت بكل روحي اضرب على وجهي رحت يمها ازحف واعيط صوتي يدوي بالبيت دوي حطيت ايدي على بطنها اللي كلها دم ضربت على وجهها منهارة أريدها تفتح عيونها :
عشتار _ لوجين حبابة لاااا عليج القرآن لاااااا حاولي فدوة حاربيييي الموووت ولا تموتيييين لوووووجييييين
فتحت عيونها بالكوة ذبلانة رفعت ايدها الراجفة المليانة دم حطتها على خدي وتحجي بالكوة روحها راح تطلع :
لوجين _ ديري بالج على اطفالي مو ..، مُ.. مهـ.. مُهيب
غمضت عيونها
بجيت بكل روحي حاطتها بحضني اباوعله كاعد على ركباته صافن عليها أتقرب يزحف اخذها من ايدي الحضنه حط راسها على صدره ويحجي يباوعلها :
امجد _ متي ؟ طلعت روحج ؟ حتى انتِ يا رخيصة راح تعوفيني؟ لا لا انتِ مو رخيصة انتِ غالية راح تعوفيني مثلها؟ كومي وارجعلج جهالج كومي وأعالج مهيب ابنج ووو ... ابني كومي لا تعوفيني وحدي ماعندي احد غيرج يتحملني ويبقى وياي
ركضت عليه اضربه بكل قوتي وأركع راسه بالحايط كلبي طلع من القهر كلبي يذوووب من النار اللي بصدري رحت اركض ادور بالغرفة على شي حاد اريد اذبحهههه اشرربببب من دمه
كام من مكانه وعافها بالارض باوعلي وكال بأنكسار استوقفني عن الدنيا وباوعتله :
امجد _ إذا عاشت خليها تسامحني خلي مُهيب ابني يسامحني محمد ، جواد ، الاكبر خلي يسامحوني واهم شي سامحيني انتِ
طلع من جيبه سكين صغيرة يباوعلها بتمعن ورفع راسه يباوعلي:
امجد _ عشتار إذا رحتي للجنة اشفعيلي ما اكدر اتحمل لهيب النار اخاف من الوجع
رفع السكين على ركبته ردت احجي اريد اوكفه لكن سبقني بالحجي وكال كلام صادمني :
امجد _ اختي ابني مُهيب وبنتي امانة يمج عشتار امانة
عطت بي اريد اوقفه بس ما لحكت ونِــــــحر نفسه وكع بصفها ورأسه قريب من راسها
اتخبلت روحي فرفحت من المنظر ركضت بره اركض واوكع خشمي طك دم وايدي كلها دم دا انزل واحس شي جرح رجلي باوعت مشيت على كزاز سمعت صوت سيارات طبكت اندفر الباب ودخلوا يمكن سبعة واكفة كبالهم فوك بالطابق الثاني باوعوا عليه ورفعوا سلاحهم نزل سلاحه ورفع اللثام عن وجهه مصدوم يباوعلي واباوعله ورفعت راسي للسكف عيوني توكع دموعها بغزارة رحت اركض بالممر دا انزل وانطخيت بشي كلش قوي دخت بالزايد وما احس غير اندفعت ووكعت من الطابق الثاني للاول حسيت بشي اول مرة احسه
روحي طلعت ؟ روحي تفرفح ، احس بشي رطب ينزل على وجهي اسمع عياط واحد يضرب وجهي بس ما اشوف بوضوح من عطره عرفته لزمت ايده وحجيت بصعوبة :
عشتار _ اشعلي !
مشعل _ روحه لا تغمضين عويناتج بداعت الحسين
عشتار _ ولده ول ،.. ولده مهيب وبنته و و... اخته امانة
احس راح اموت شعور ما اعرف أوصفه كلبي كد ما يدك سريع احسه بأي لحظة يوكف كملت كلامي بصعوبة الكلام ثكيل بلساني ألم براسي :
عشتار _ لو ... لوجي... لوجين فوك اسعا.. اسعاف خليها تعيش ال ... الخاطري
شهكت كلبي مفرفح من الالم اللي ضرب راسي غمضت عيوني مغصوبة.......