طـغيان إِحمِرار السآعد

بارت 43

                            طِـــغيان إِحمـــرار ألســـآعد
هل الحـب يَجلبُ ألازمـات

~ عشتار ~

فتحت عيوني بطني احس طاعنيني بيها بخناجر نزلت راسي اباوع على بطني واحد ، ثنين ، ثلاثة ، اربعة أفاعي أنيابهم تقطع أحشائي الالم لو ابقى عمري كله احجي بي ما أوصفه ابتعدت الأفاعي عني بعد ما طلعت روحي السابع سماء باوعت على بطني متشوهه رفعت راسي اباوع على الغرفة يا الله شنو من منظر بشع
جاسر كاعد بنص الغرفة والشموع داير ما دايره بصفه رأس دجاجة ريحة مقرفة باوعلي وكام اخذ اربع شموع وطفاهن بطني عطت بكل قوتي من الووووجع

مشعل _ عشتااار عشتار روحه المشعل كعدي يمههه يمههه موتوووها يا بويه راح تروح منيييي
فتحت عيوني بصدمة دا اريد اكوم ماكدرت من الالم باوعت عليه عيوني مغوشة غمضتها حلم عشتار حلم مو حقيقة حلم اطمني ماكو شي فتحت عيني الرؤية صارت اوضح بشويه اتجهت عيوني اله وهو لازم ايدي بقوة عبالك راح اطير باوعلي وابتسم نازلة دموعه لزمني من ايديني شالني بكل هدوء خايف يوجعني حطني بحضنه يبوس براسي وشعري يحجي ودموعه تنزل على وجهي
مشعل _ اخخخ يا عشتار يا حبيبة كلبي يا بويه بنيتي عشتارتي وداعت معزتج اندمه بس ارجعيلي مثل قبل ليش هيج تعاينين الي لا تعاينين بضياع  عشتار لا تعاينين فدوة اغدي لـ سنينج
حط ايده على عيونه يشهك بكل قوته قويت روحي رفعت نفسي حاضنته بصعوبة حجيت واني احط راسي على كتفه :
عشتار _ لا تبجي
ضم وجهه بركبتي يشم بيه بلهفة مديت ايدي مسحت عيونه أردف بهدوء وهو يبوس بركبتي :
مشعل _ بُعدج عني عزاء
عشتار بتعب _ اسم الله
مشعل _ من عمري العمرج
نومني وهو كعد بالارض يمي لازم ايدي يبوس بيها صامت وصمته رعب بالنسبة الي باس ايدي وكام
عشتار _ الأشعل لا تعوفني
التفت عليه معصب يدري بيه احاول الهي بس ما يكدر يرفض أتقرب يمي كعد بصفي قرب وجهه الوجهي وكال بهدوء كاتم عصبيته من حالتي :
مشعل _ العن امه فوك ابو اللي يعوفج
ابتسمت بتعب ومسكت ايده بقوة رفعت نفسي حطيت راسي على صدره مغمضة عيوني طربتني دقات قلبه متلهفة بأشتياق وحنين :
عشتار _ اهدأ
مشعل _ اشعله شعل
عشتار _ مو هسه
مشعل _ عشتاااار
عشتار _ تعيط عليه
مشعل _ اسف
عشتار _ اضبط أعصابك
مشعل _ حاظر بس لا دافعيله
عشتار _ ما ادافعله بس اريد انقذها مثل ما نقذتني
مشعل _ شني ؟ منو هي
عشتار _ لا رد 
غمضت تعبانة من كل شي وجع جسمي مو طبيعي خليت ايدي على بطني بوجع :
عشتار _ اخخخ
فز من مكانه يباوعلي بشك ما احس غير كام ورفع تيشيرتي فتح عيونه على وسعها يباوع على بطني بصدمة بطني كلها خطوط حمراء ايدي طاغي عليها الاحمرار رفع راسه يباوعلي بصدمة بلعت ريكي احجي بعيوني مو بشفايفي لزمني من خدي دار وجهي باوع على ركبتي كز اسنانه وحجه بتوعد :
مشعل _ إذا ما اقلع عينك يا امجد
عشتار _ اشعلي
رفع عيونه يباوع بعيوني الذبلانة اتنهد وأتقرب حط راسه على راسي يحجي بهمس تعبان من فراقي :
مشعل _ يا روحه الاشعلج يا روحه
عشتار _ ما لمسني ما سمحت بهالشي
مشعل _ اثق بيج اكثر من عقلي
عشتار _ لا تعوفني بعد
مشعل _ ما اكدر اعوفنج أنا اموتن والله اموتن بدون عشتار
نزلت دموعي واني اذكر شلون كان يضربني ويفشر على امي وابوية مسح دموعي يبوس براسي ويحجي :
مشعل _ لا تبجين وتنزل دموعج وداعت الالم الـ بيج اطلع بروحه وداعتج
عشتار _ تعبت اني كلش
مشعل _ انتِ حرمتي أنا استمدّ قوتي منج عشتانه
فتحت عيوني بوسع اباوعله ودموعي تلالي نزلن بضعف هالكلمة شكد اتأثر بيه شكد
مشعل _ لا تبجين تشلعين عيوني بس لا تبجين دموعج لا تنزل
مسحتهن بطفولة ابتسم اله وعدت نفسي دموعي ما راح تنزل بعد اني العشتار اني عشتار بنت عبدالله اني بنت اجوان الدموع والضعف مو من ثوبي او مقامي
كام وكف يريد يطلع معصب روحه طالعة بس متحمل علمودي :
عشتار _ الأشعل
التفت بعصبية عليه ابتسمت براءة وفتحت ايدي بمعنى احضني سكت وراحت عقدة حواجبه ما يعرف شيسوي يريد يتصرف وما كاعد اسمحله بقه صافن بوجهي برطمت بزعل ودرت نفسي تمددت زعلانة عافني وطلع ابتسمت وحسبت بأيدي واحد ، ثنين ، ثلاث...
ما كملت ورجع دخل ابتسمت وخرت ابتسامتي بسرعة واجه يمشي ينزع قمصلته وهو يغلط على روحه :
مشعل _ ابن الكلب ابن ال**** اشتعل اليوم اللي انولدت بي يا مشعل طيح الله حظك محمد فوك حظك يا جواد على حظك يا الاكبر العن ابوك ايمن
شمر قمصلته واجه بصفي أتمدد وداير روحه مني على اساس زعلان عشر دقايق واتنازل مستسلم حضني من خصري يبوس بركبتي :
مشعل _ اسف عشتاري
عشتار _ لا رد
مشعل _ مو قصدي اصرخ عليج اقسم بذات الله
عشتار _ لا رد
سكت بس بقه يبوس بركبتي يشم بيه مكزكز بين النايمة والصاحية احسه يبوس بوجهي ويحجي :
مشعل _ اعشكج عشك شروكي انتِ ماكو منج ثنين بس وحدة وهي الي وبين أحضاني شكد اتمنيت واتخيلت وسعيت علمود هاللحظة يا حبيبة كلبي عشتارتي
فتحت عيوني اباوعله وهو توتر سكت ابتسمت وحجيت
عشتار _ لو ماتت عشتار ؟
مشعل _ جؤ جؤ جؤ عشتار ما تموت
عشتار _ مو بإيدك ولا بيدها
مشعل _ وعيونها الحبيبة كلبي حتى دفن ما ادفنها
سكتت مصدومة من كلامه وهو يحجي بجدية يباوعلي بتملك حط راسه على راسي يحجي بهووس :
مشعل _ ما اعيش بدونها ما أطيق فركاها اموتن بدونها
عشتار بهدوء _ اكرام الميت دفنه يدفنوها لازم
مشعل _ ادفن روحي وياها
حسيت بدمعة نزلت على خدي حضني بكل قوته يرجف يتراعش من هذا الطاري رفع ايدي حطها على وجهه ساكت رفعت ايدي الثانية امسح على كتفه حجيت بابتسامة احاول أغير موده :
عشتار _ افتح ايديك
باوع بعيوني مبتسم باس راسي وفتح ايديه اتقربت دحست روحي بحضنه حطيت انفي بركبته اشم بي اموت على هالعطر اموت
مشعل _ مو مصدك
هزيت راسي بركبته بمعنى ليش جاوبني بتنهيدة يبوس بكتفي :
مشعل _ انتِ عشتار حب طفولتي وشبابي بحضني مدا اصدك ولججج
عشتار _ صدك يا روحها العشتار
مشعل _ اهلج ما يحبوج بكدي
عشتار بضحك _ اكيد لان أصلا اهلي ما يحبوني
مشعل _ بالعكس
ابتعدت منه اباوعله كمت كعدت كباله متربعة وهو يباوعلي مبتسم بهيام حجيت بعدم فهم :
عشتار _ شنو ؟ شلون
مشعل _ اخوج محمد اكثر بشر يحبج من بعدي
عشتار _ يحبني الي ؟ منو ؟ محمد ؟
مشعل _ يموت عليج الأغم
عشتار بعصبية _ لا تغلط على اخواني
مشعل برفعة حاجب _ تدلل آنسة عشتار تدلل
عشتار _ شمدريك يحبني اكثر واحد
مشعل بنرفزة _ هو كال وكافي
حسيته عصب لان ملامحه انكلبت لزمني من ايدي وباسها بعمق رفع راسه مقرب وجهه الوجهي ينظر لـ عيوني رفعت عيني اباوع بعيونه الغامقة واتمعن بيها رفعت ايدي خليتها على خده ابتسمت واني اشوفه غمض عيونه ذايب بعدت ايدي واردفت :
عشتار _ اريد اشوف خواتي كلبي متكطع عليهم
مشعل _ بعدين ارتاحي وباجر شوفيهن نايمات هسه
نزلت راسي بتوتر وكلت :
عشتار _ احسن
ساكت يباوعلي فاهمني وحافظني حفظ يعرف بشنو افكر يعرف غايتي يعرف ليش اريد اروح هسه أردف بتنهيدة :
مشعل _ تردين تشوفين اخوانج
هزيت راسي بقبول اريد اكوم بس جسمي ما احس بي من الالم بس اتحمل علمودهم اتحمل كومني ايده على خصري وصلني للباب وحجيت واني ابعد ايده عني :
عشتار _ كافي بعد اني اروح
مشعل _ لأ أنا اوصلج
عشتار _ لا مشعل ابقه هنا شويه واجي
هز راسه متفهم خجلي دخل واحسه ضاج لان ما خليته يساعدني تنهدت ورحت الغرفة محمد فتحت الغرفة بهدوء وكفختني ريحة عطره وبرودة الغرفة دخلت وسديت الباب اباوعله
غافي ضهره طالع نايم بدون تيشيرت ما متغطي رحت بتردد غطيته كعدت عالسرير اباوعله واتنهد اوووف يا محمد شكد سويت بيه وعذبتني بس تبقى بعيوني ابني اللي ربيته واخوية وابوية امسح على شعره وهو ملامحه تتحول ديحلم انعصر كلبي من سمعته يهذي بأسم حبيبته الله يرحمها :