မောင့်အိမ်သူသက်ထား
Part-18
မင်္ဂလာဆောင်အစနေ့ရောက်ပြီမို့သက်ထားနဲ့မင်းမောင်အပါအဝင်တစ်အိမ်သားလုံးအစောကြီးထကာပြင်ဆင်စရာရှိတာပြင်ဆင်နေကြသည်။မိုးလင်းပိုင်းမှာတော့ရွာထဲကအမျိုးသမီးကြီးတွေနဲ့အပျိုအရွယ်တွေအားလုံးစုဝေးရောက်လာကြသည်။မဏ္ဍပ်အလှဆင်ဖို့၊ဆောင်းဘောက်တို့ကိုက ပြည်မြို့ကငှားထားသည်တဲ့မွန်းမတည့်ခင်တော့ရောက်မည်ဟုဖုန်းလှမ်းဆက်လေသည်။
"သားငယ်ရေ မီးဖိုချောင်ထဲမှာကြက်သွန်နီအိတ်ဒီရှေ့ကိုယူလာပေးပါအုန်း"
ဒေါ်နွယ်လည်းမဏ္ဍပ်ထဲတာလပက်ခင်းကာကြက်သွန်တွေခွာနေကြတဲ့အမျိုးသမီးကြီးတွေဝိုင်းကနေသားဖြစ်သူကိုလှမ်းအော်လိုက်သည်။
မင်းမောင်လည်းမိခင်ဖြစ်သူစကားကြောင့်မီးဖိုချောင်ထဲကကြက်သွန်နီအိတ်တစ်အိတ်ကိုကောက်ထမ်းကာမဏ္ဍပ်ထဲသယ်လာခဲ့ပြီးထိုဝိုင်းနားချပေးလိုက်သည်။
ရွာထဲကအပျိုလေးတွေပါးစပ်ဖျားမှာတော့မင်္ဂလာပွဲ၂ခုအကြောင်းကရေပန်းစားနေသည်။
"ဟဲ့ အကိုမင်းမောင်ကလည်းသူ့အိမ်မှာနေတဲ့ဆရာမလေးနဲ့ရသလိုအကိုစစ်နိုင်ဦးကလည်းသူ့အိမ်မှာနေတဲ့ဆရာနဲ့ရတာနော် ဖူးစာကညားဖို့နေရာတန်းချပေးထားတာဖြစ်ရမယ်"
"ဘာပဲပြောပြောအကုန်လိုက်တယ် အကိုမင်းမောင်သာအလုပ်ဝင်လိုက်ရင်မိုက်ပြီ"
သက်ထားလည်းဂျင်းတွေကိုလှီးကာထောင်းနေတုန်းခြံရှေ့လမ်းမကြီးကိုကားတစ်စီးထိုးရပ်လာသည်မို့ကြည့်နေတုန်းသူမကြီးကြီး၂ယောက်ဆင်းလာသည်မို့ထိုနားကိုပြေးသွားခဲ့သည်။
"ကြီးကြီး....."
"ဖြည်းဖြည်းလာပါချော်လဲလို့လူကြားမကောင်းဖြစ်မယ်"
သက်ထားလည်းအကြီးဖြစ်သူရဲ့ရင်ခွင်ထဲဖက်ထားရင်းနဲ့တစ်ရှုံ့ရှုံ့နှင့်ရှိုက်ငိုနေ၏။
"သက်ထားကြီးကြီးတို့ကိုလွမ်းနေတာ...."
"အမလေး ကျွန်မတို့ကလည်းညည်းကိုလွမ်းပါတယ်နော်"
YOU ARE READING
~မောင့်အိမ်သူသက်ထား~
Science Fiction"နင်ဘယ်လိုဖြစ်နေသလဲမင်းမောင်..." "မောင်ကခင်ဗျားကိုနမ်းချင်နေတာလေ မောင့်မိန်းမရဲ့..." စိတ်ကူးယဥ်ဇာတ်လမ်းတစ်ပုဒ်သာဖြစ်ပါသည်။ Uni/Zawgyi Start Date-17/6/2024 End Date-3/9/2024
