မောင့်အိမ်သူသက်ထား
Part-26
ကထိန်ကိုပိတ်ရက်၅ရက်ဖြစ်တာကြောင့်ဒီနေ့သက်ထားပိတ်ရက်ကျန်သည်မို့ခြံထဲတံမြက်စည်းလှည်းသိမ်းဆည်းသည်။မင်းမောင်ကအိတ်နှင့်အတူအမှိုက်တွေကြုံးပြီးခြံနောက်ကကုက္ကိုပင်ခြေရင်းသွားပစ်သည်။အိမ်ထောင်ကျပြီးမှအချိုးတွေပြေကာပြောင်းလဲသွားတဲ့မင်းမောင်ကြောင့်အိမ်သားတွေအပါအဝင်အပေါင်းအပါတွေ၊နှင့်ရွာသူရွာသားတွေအားလုံးအံ့သြကုန်ကြသည်။
မင်းမောင်လည်းအမှိုက်တွေကြုံးလို့ပြီးစီးသည်နှင့်ခြေလက်ဆေးကာအိမ်နောက်ဘက်ကကြက်တဲထဲ ချက်ကြီးတို့ရှိရာဆီလာခဲ့သည်။အဖေ က ကြို့ပင်ကောက်ကိုအစည်းဝေးပွဲသွားတာကြောင့်အိမ်နောက်ကြက်ခြံထဲဖဲဝိုင်းတည်နေသည်။မိန်းမဖြစ်သူမသိအောင်အသံတိုးထားရသည်။
ချက်ကြီးလည်းခုမှပေါ်တော်မူလာတဲ့ကောင်ကြောင့်တိုင်ပင်မှီနေရင်းနှုတ်ခမ်းမဲ့ကာ
"ငါတို့ကပြန်အိပ်နေတာလားလို့မင်းမောင်...."
မင်းမောင်လည်းဖဲချပ်ဝေရင်းပြုံးကာ
"ငါအမှိုက်ကြုံးနေလို့ပါကွာ ခုပြီးပြီလေ ဟော ခုပြီးတော့လာဆော့ပြီလေ..."
"အလုပ်တွေကြိုးစားလှချည်းလားသားကြီးရ.."
မဲလုံးစကားကြောင့်မင်းမောင်လည်းပုခုံးပုတ်လိုက်ကာ
"ကြိုးစားရမှာပေါ့လို့ မကြိုးစားရင်မိန်းမထုမှာပေါ့လို့ အောင်စေမျိုးရဲ့..."
"မယားကြောက်...!!
ပုတိုစကားကြောင့်ကျန်တဲ့လူတွေအကုန်သဘောကျစွာရယ်ကျလေသည်။
"တိုးတိုးနော်အသံကျယ်ရင်ပါးချမှာ..."
"ဟေ့ကောင် ထိုးမှာလို့ပြောရမှာလေ..."
"အော် အေ ယောင်သွားလို့ပါကွာ အသံကျယ်ရင်ထိုးမှာနော်..."
"ဟေ့ကောင်မင်းမောင်...."
"ဝေ...ဘာလဲ"
"လာမဲ့အင်္ဂါနေ့ကြဇော်လတ်တို့ကြက်သွားတိုက်မလို့တဲ့...."
ကြက်ပွဲဆိုတာကြောင့်မင်းမောင်ခေါင်းထောင်ကာချာကနဲကြည့်လိုက်သည်။
YOU ARE READING
~မောင့်အိမ်သူသက်ထား~
Science Fiction"နင်ဘယ်လိုဖြစ်နေသလဲမင်းမောင်..." "မောင်ကခင်ဗျားကိုနမ်းချင်နေတာလေ မောင့်မိန်းမရဲ့..." စိတ်ကူးယဥ်ဇာတ်လမ်းတစ်ပုဒ်သာဖြစ်ပါသည်။ Uni/Zawgyi Start Date-17/6/2024 End Date-3/9/2024
