فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★245

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

عــنــد آدم و هــدى ..

كل ما كان يسمع في ارجاء الشومبر هو انفاسها الهادئة وتنهيداتها لي كانت كتطلق بين كل دقيقة وأخرى، كان ناعسة بظهرها فوق صدره في حين يديه كتداعب فخاصتها ..

كانو متجردين من كل ما يسترهم مكتفين بليزار خفيف ساتر اجسادهم ، من بعد ديك الحرب اضطرو الى انهائها بطريقتهم الخاصة بجولة جنسية تخمد نارهم ..

نزلت عينيها كتشوف فصباعو لي كيداعبو اناملها قبل ما تلفت ليه تشوفو مغمض عينيه بهدوء وانفاسه بالكاد تسمع ..تقلبت على كرشها حاضياه ..

هو بمجرد ما حس بتحركها حل عينيه فيها متفحصها هاز حواجبو فيها باستفسار ، بتسمت ليه ناطقة بهدوء..

هدى:" والو غير بغيت نشوف فيك ، مرات كتخلعني كيصحبني غير متي  ".

آدم:" كيصحاب ليك ولا كتمنايها لليل ".

بزمت فمها ناطقة باستياء:" واخا كتعصبني عمرني تمنيت لك الموت فحياتي ، ولكن فالنعاس وفشي وقيت بحال هاكا نفس ديالك مكتسمعش وكتكون جامد كنتخلع كيصاحب ليا متي ولا فيك شي حاجة ".

همهم ليها :" يصحاب ليك كلشي بحالك ، صوت تنفسك كيتسمع تال لخر دنيا ، كنت كنتبرزط بهم ..كيهربو ليا نعاس ".

بتسمت:"معرفتش عمرني سمعت راسي كيفاش كتنفس ، مي دابا ولفتيهم ياك ..تا صداعي كيعجبك ".

شاف فيها قبل ما يمد يدو جارها مخليها تكى على صدره وهو مخلل صباعه فشعرها كيداعب فروة راسها ، تعالى انينها بسبب حركته لي خدرتها حتى كتنطق بخفوت ..

هدى:" قفرتها ، الا ساقت ليا ماما خبار نعست معاك ..غادي تاكلني".

ضغط بصباعو على فروة راسها وهو كينطق بتساؤل:" اش لها هي فانني نحو ي مرتي ولالا ".

علت راسها فيها بعيون نايمة :" هي وصاتني نجمع راسي معاك ، وهاد الحلان الخاوي لي كندير معاك وهو لي مدايرش ليا قيمة عندك ".

هز حاجبو فيها:" ونتي اش كتقولي فهدشي ".

بتسمت مدورة يدها على خصره:" انا كنقول ما كاين شي حد عاطيني القيمة لي دايرها ليا نتا ، وتا واحد ما عارفك اش داير على قبلي قدي انا ".