Breaking Mr. Rake (complete)

CHAPTER 55

Tamaan man siya ng kidlat o bumuka ang lupa para lamunin siya lupa ay wala na siyang pakialam. It was his heart that was beating wildly inside his heart that was making him walked towards the wall of huge rocks. Para nga itong mga ngipin ng pating na patulis at patusok ang mga dulo at sa paligid ay ang kaulapan na parang mga kurtinang nagkukubli sa tahanan ng mga dios.

Mukha mang malapit sa kung saan siya nakatayo kanina but it was not. It took him almost an hour walking but it feels like he was walking forever. At kahit pa hindi pataas ang daan ay naging mahirap pa rin ang paglalakad para sa kaniya. Maraming nagtataasan na mga bato at makakapal na ang mga puno at halaman. At hindi lamang iyun, dahil habang papalapit ay mas kumakapal ang mga ulap. Tila ba itinatago talaga ng kalikasan ang banal na tahanan na iyun. at talagang pinahihirapan nito ang sinumang mangangahas na magtutungo sa ipinagbabawal na lugar na iyun ng mga Agba.

Pero hindi siya susuko. Ang tahanan ng dios ang nasa kabila ng mga nagtataasan na mga bato at umaasa siya na ang diosang nagmamay-ari ng kaniyang puso ay nasa likod lamang nito.

Ilang oras ang kaniyang nilakad hanggang sa nakatayo na siya sa mataas na pader ng bato. Sandali siyang huminto para habulin ang kaniyang hininga and he tilted his head up to look at the massive wall of rocks infront of him. Hinintay niyang mahawi ang kaulapan kahit kaunti para makita niya ang malapitang hitsura ng pader na bato. Upclose, it looks like a wall of the crater of a volcano.

Naglakad pa siya sa paligid nito para hanapin ang daan patungo sa loob. Sa kabila ng mga maninipis na ulap ay pilit niyang inaninag kung mayroon bang malaking entryway o di kaya kuweba na maaaring daan papasok.

And it was like, the spirits were helping him. Dahil sa unti-unting nahawi ang kaulapan at tumamabad sa kaniya ang makipot na lagusan. It was like a slit of opening in between rocks. At napakaliit o napakapayat na tao lamang ang magkakasya sa siwang na iyun. At katulad nga sa daan papasok ng langit na kailangan mo munang dumaan sa pagsubok at susukatin ka nito. Kung magawa mong makapasok ka ay karapatdapat ka at kung hindi ay isa kang makasalanan.

And he was hoping that his love for Liway was pure enough para payagan siyang makapasok.

Patagilid ang kaniyang katawan na isiniksik ang sarili sa makipot na lagusan sa pagitan ng dalawang naglalakihang bato. At sa kaniyang pagkagulat ay walang kahirap-hirap siyang nakalusot papasok sa makipot na daan sa kabila ng laki ng kaniyang pangangatawan at kaniyang taas.

Maybe his love for Liway was pure enough to let a sinner like him enter heaven. At bakit nga ba hindi? Kung ang katulad ni Liway ay nagawang mahalin ang isang katulad niya.

He squeezed himself into the rocks hanggang sa tuluyan nang lumusot ang kalahati hanggang ang buo niyang katawan. At nakatawid na siya sa pader na bato. And his breath was caught in his throat when he finally set foot behind the wall of rock.

It was like he was transported to a place that can only be seen in movies. Tumambad sa kaniya ang isang nakakagulat na tanawin. Isang tanawin at isang lugar na sa pelikula lamang niya nakikita. It was a literal paradise on top of the mountains behind the walls of rocks.

Nagtataasan ang mga puno and he had never seen the greenest leaves before. Pati ang mga damo ay tila ba inalagaan at pantay na pantay at napakatingkad din ng pagkakaluntian ng mga ito. And along with the bed of deep green grass were the explosion of colors mula sa nagkalat na mga bulaklak. Ngunit ang nangingibabaw ay ang mga kulay gintong mga bulaklak. It was like he stepped inside an oil painting of a magnificent view. At sa paligid ay ang nagpoprotekta na pader ng mga bato. It was indeed the haven of gods.

At kaiba sa labas na makapal ang ulap na tumatakip sa kapaligiran. Sa loob ng tahanan ng mga dios ay napakaliwanag ng kalangitang kulay bughaw.

Nagpatuloy siya sa paghakbang papapasok at sa di kalayuan ay natanaw niya ang isang munting bahay. Naalala niya ang sinabi sa kaniya ni Liwayway. Na sa lugar na iyun nananahan ang mga dating pinuno ng Agba para hintayin ang kamatayan ng mga ito.