Chapter 52
ရှဲ့ရှောက်က သူ့ပါးစပ်ထောင့်မှာ အချိုးလေးတွေပေါ်အောင် ဖျစ်ညှစ်ပြုံးပြလိုက်တယ်
သူအစကတော့ အရင်တုန်းက လုပ်ခဲ့သလိုမျိုးပဲ ချီယွီကို နောက်တစ်ခါ ညာမလို့ပဲ ဒါပေမဲ့ အကြာကြီးကြိုစားပြီးတာတောင်မှ သက်တောင့်သက်သာရှိနေသလို အပြုံးကို ပြုံးမပြနိုင်ခဲ့ဘူး
ရှဲ့ရှောက်က မပျော်မရွှင် သက်ပြင်းချလိုက်ပြီး ချီယွီကို ကလူလိုက်တယ်
သူက သူ့ပါးစပ်သူ လက်နဲ့ ဇစ်ဆွဲသလို လုပ်ပြလိုက်တယ်
ချီယွီ မျက်မှောင်ကြုတ်ကာ
"ဆိုတော့ မင်းက ဂိမ်းနဲ့ ပတ်သတ်ပြီး ဘာမှ မပြောနိုင်ဘူးပေါ့"
ရှဲ့ရှောက်က ကိုးရိုကားယား ပြုံးပြကာ
"နည်းနည်းမတော်တဆလေး ဖြစ်သွားပြီး ရလဒ်အနေနဲ့ အသံပိတ်ခံလိုက်ရတယ် ဒါကြောင့် အခုဂိမ်းနဲ့ပတ်သတ်ပြီး ဘာမှ ပြောလို့မရဘူး"
ဘာ ဒီကောင်ကို ဂိမ်းက ဘမ်းလိုက်တာလား
သူ့ကိုကြည့်ပြီး ရှဲ့ရှောက်က လက်သယမ်းလွန်းပြီး ဘုံမြောက်နေတတ်တဲ့ သူ့ရဲ့သုံးနှစ်အရွယ် တူလေးနဲ့တူတယ်လို့ ခံစားလိုက်ရတယ်
"မင်းကို ဂိမ်းက အာရုံစိုက်မိသွားအောင် မင်းက ဘာတွေသွားလုပ်လိုက်တာတုန်း"
ချီယွီမေးလိုက်မိတယ်
သူက စားပွဲပေါ်က သစ်သီးခြောက်ကို လက်ထဲမှာ ကိုင်ထားကာ အသံထွက်အောင်ဖျစ်ညှစ်ရင်း ခြိမ်းခြောက်သလိုလုပ်လိုက်တယ်
ရှဲ့ရှောက်က သူ့နှာခေါင်းသူပွတ်ရင်း လိပ်ပြာမလုံသလိုလေး ပြန်ပြောတယ်
"ဟိုဟာ...ရန်သူဟောင်းကြီးကို နောက်ကျောဓားနဲ့ထိုးလိုက်တာ ဒါဆို ငါ့ဟာငါ အကျိုးအမြတ်နည်းနည်းများရမလားလို့"
ပိုပြီး တိတိကျကျပြောရရင် တစ်ဖွဲ့တည်းက ဂိမ်းကို လှည့်စားပြီး အောက်ထပ်က ဧည့်သည်တွေနဲ့ အက်လီတာတို့ရဲ့ ဖိတ်စာတွေကို နည်းနည်းပြောင်းလိုက်တာပဲ
ဂိမ်းကို ဒီလိုအမှားလုပ်တာက ကြမ်းတမ်းပေမဲ့ သူတို့ရဲ့ ဇာတ်ကောင်တွေက ပြောင်းလဲသွားပြီး သူတို့ဘဝတွေကို ကယ်မဲ့ဝှက်ဖဲတစ်ချပ်ဖြစ်လာခဲ့တယ်
YOU ARE READING
လွတ်မြောက်ခြင်းဂိမ်းထဲက ဘော့စ်က ငါ့ကလေးကိုလွယ်ထားရတယ်တဲ့
Horrorချီယွီဟာ ခြောက်ခြားဖွယ်ရာ လွတ်မြောက်ခြင်းဂိမ်းတွေကို ရှင်းလင်းဖို့ ရွေးချယ်ခံခဲ့ရတယ် သူ့ရဲ့ ကြိုးစားအားထုတ်မှုနဲ့ ကံကောင်းမှုတချို့ကြောင့် COPYတွေတစ်ခုပြီးတစ်ခု အောင်အောင်မြင်မြင်နဲ့ ဖြတ်ကျော်နိုင်ခဲ့တယ် ဒါပေမဲ့ ဘာလို့ သူ့COPYတေွကသူများနဲ့မတူဘူးလို့...
