အခန်း (၆၃)
မီးနဂါးလေးမှာ တုန်လှုပ်ချောက်ချားသွားပြီး အစွမ်းကုန် ငြင်းဆန်သော်လည်း နောက်ဆုံးတွင် ရဲ့ကျင်က ရှေ့သို့တက်လာပြီး သူ့ကို ကယ်တင်လိုက်သည်။ ရဲ့ကျင်က ယန်ယွီကို ပြောလိုက်တယ် -
"ဟွားဟွားရဲ့ အခုလိုပုံစံကို သဘောကျတဲ့ နဂါးတစ်ကောင်ဟာ ကျား၊ မ ကွဲပြားမှုကို ကျော်ဖြတ်နိုင်မှာမဟုတ်ဘူးလို့ မင်းထင်နေတာလား?"
"ရုပ်ချောတာကို ကြိုက်တဲ့သူတွေက မျက်နှာကိုပဲ ကြည့်တာ!"
ယန်ယွီ: "..."
အင်း! ဟုတ်သားပဲ!
နဂါးနက် ဟေးမင်ကတော့ အလွန်ဝမ်းနည်းသွားသည်။ သူသည် ရုပ်ချောတာတစ်ခုတည်းကို ကြည့်သူမဟုတ်ကြောင်း ရှင်းပြရန် ကြိုးစားသော်လည်း ယန်ယွီက
"တော်စမ်း၊ မင်းက ကလေးသူငယ်ကို စိတ်ဝင်စားတဲ့ စိတ်တ်မူမမှန်တဲ့နှာဘူးပဲ!"
ဟု နှာခေါင်းရှုံ့လိုက်သည်။
နဂါးနှစ်ကောင် စကားများနေသော်လည်း ကျောက်တုံးတူးသည့် အလုပ်ကိုတော့ မရပ်တန့်ခဲ့ပေ။ ယန်ယွီက တူးရင်းတူးရင်း ဒေါသထွက်လာသဖြင့် ဟေးမင်၏ တင်ပါးကို တစ်ချက်လှမ်းကန်လိုက်သည်။ ထိုအရှိန်ကြောင့် ယန်ယွီ၏ ကိုယ်ပေါ်တွင် တွဲလောင်းခိုနေသော မီးနဂါးလေးမှာ လွင့်ထွက်သွားပြီး ကျောက်တုံးများကြားမှ အပေါက်တစ်ခုထဲသို့ ပြုတ်ကျသွားတော့သည်။
"အား!" "အိုး!"
လူတစ်ယောက်၏ အော်သံနှင့် နဂါးလေး၏ အော်သံမှာ တစ်ပြိုင်နက် ထွက်ပေါ်လာသည်။
ထန်ယွီက အပြေးအလွှား ရောက်လာပြီး ဂူပေါက်ထဲသို့ ငုံ့ကြည့်ကာ အော်မေးသည်
"ချီယွီ! မင်းတို့ အောက်မှာလား? အဆင်ပြေရဲ့လား?"
"အဆင်ပြေတယ်၊ အသားပြား မဖြစ်သေးဘူး။"
ရှဲ့ရှောက်၏ ပျင်းရိပျင်းတွဲ အသံထွက်လာသောအခါ ထန်ယွီမှာ ဝမ်းသာလွန်း၍ ငိုချင်သွားသည်။
အောက်တွင် ရှိနေသူနှစ်ယောက်မှာ အရိုးကျိုးနေလိမ့်မည်ဟု ထန်ယွီက ထင်ထားသော်လည်း သူတို့မှာ နဂါးလေးကို ပွေ့ဖက်လျက် ပြုံးရွှင်စွာ ရပ်နေကြသည်။
YOU ARE READING
လွတ်မြောက်ခြင်းဂိမ်းထဲက ဘော့စ်က ငါ့ကလေးကိုလွယ်ထားရတယ်တဲ့
Terrorချီယွီဟာ ခြောက်ခြားဖွယ်ရာ လွတ်မြောက်ခြင်းဂိမ်းတွေကို ရှင်းလင်းဖို့ ရွေးချယ်ခံခဲ့ရတယ် သူ့ရဲ့ ကြိုးစားအားထုတ်မှုနဲ့ ကံကောင်းမှုတချို့ကြောင့် COPYတွေတစ်ခုပြီးတစ်ခု အောင်အောင်မြင်မြင်နဲ့ ဖြတ်ကျော်နိုင်ခဲ့တယ် ဒါပေမဲ့ ဘာလို့ သူ့COPYတေွကသူများနဲ့မတူဘူးလို့...
