#5 - Pasensya, Wala Na
I
Kung dati adik na adik ako sa'yo,
Ngayon 'di na muling titibok ang puso
Na dating laan lamang para sa iyo.
Mawawala ka na rin sa isipan ko.
II
Pasensya ka na, 'di ko na maramdaman
Init at saya tuwing nakikita ka.
Hindi naman kita kinasusuklaman.
'Di lang masabi ulit ang "Mahal kita."
III
Wala na, siguradong walang-wala na
Ang damdamin ng tunay na nagmamahal.
Mistulang nawala 'to na parang bula
Na dating dala ng hangin ng tadhana.
IV
Pasensya, wala na akong maibigay.
Naubos kasi kaya ako bumigay.
Ikaw na lang ang magmahal, dating sinta
Sa sarili mo na 'di ko na magawa.
V
Paalam sa'yo, at sa nadama noon.
Dati akong nahulog, ngayo'y aahon.
Hindi mo kasi ako sinalo noon.
Nasaktan, natuto, at ngayo'y bumangon.
BINABASA MO ANG
From Me To You (a compilation of poems)
Poetry🐝 Since 2016 🐝 In the past, it is titled as "Hugot Poems (English and Tagalog)." This is a compilation of Tagalog, and English poems. If you need to copy some pieces from my works, please do consult me by private messaging. If you just WANT my poe...
