#9 - Akala Ko
I
Binabati ko kayo.
Masaya ako para sa inyo.
Hawak mo ngayon ang kanyang kamay,
Ang babaeng nagsisilbing iyong buhay.
II
Ako ay isa sa iyong malalapit na kaibigan.
Ako ay isa sa mga nariritong nakangiti.
Yakap mo sa kanya ay aking tinitingnan
At sa nakalapat mong labi sa kanyang pisngi.
III
Lubos akong nagagalak para sa inyong dalawa.
Sana ay kayo talaga para sa isa't isa.
Huwag mo siyang bibitawan,
Sapagkat alam kong siya ang iyong saya.
IV
Ako ay naririto sa ating dating tambayan.
Tanaw na tanaw ang inyong pagmamahalan.
Walang pagdadalawang-isip na ako ay muling ngumiti
Ngunit kasabay niyon ngayon ay luha ng sawi.
V
Akala ko kaya ko nang matanggap.
Akala ko kaya ko kahit ang magpanggap.
Akala ko kaya ko nang maging masaya
Ngunit hindi pa pala.
BINABASA MO ANG
From Me To You (a compilation of poems)
Poesía🐝 Since 2016 🐝 In the past, it is titled as "Hugot Poems (English and Tagalog)." This is a compilation of Tagalog, and English poems. If you need to copy some pieces from my works, please do consult me by private messaging. If you just WANT my poe...
