#39 - Tingin
I
Sa kanyang mga titig, kay sarap matunaw.
Hindi alintana kung mundo man ay magunaw.
Sa tunog ng kanyang dibdib, ako'y napapasayaw.
Sa sobra kong saya, ngiti ko'y hindi mapigilang lumitaw.
II
Tunay na maligaya sa tuwing siya ang kasama.
Kumpleto na ang araw tuwing kami'y magkasama.
Sa kakaibang pagkislap ng kanyang mga mata,
Siguradong akong ako'y mahal niya na.
III
Hindi nga ako nagkamali sa aking naisip.
Nangyari ang lahat ng aking mga nasa panaginip.
Siya'y umamin na ako'y matagal nang sinisinta.
Ito ang dahilan kung bakit mas minahal pa siya.
IV
Kay sarap talagang mabuhay kapag umiibig.
Matatamis na mga salita ang lumalabas sa bibig.
Ako'y natulog nang may malapad na ngiti.
Sana ganito na lang kami palagi.
V
Ngunit dumating na ang araw na siya'y nagbago.
Kanyang pagmamahal, bigla na lang naglaho.
Wala na ang dating kislap sa kanyang mga mata
Ngunit bumabalik tuwing nakatingin na siya sa iba.
BINABASA MO ANG
From Me To You (a compilation of poems)
Poetry🐝 Since 2016 🐝 In the past, it is titled as "Hugot Poems (English and Tagalog)." This is a compilation of Tagalog, and English poems. If you need to copy some pieces from my works, please do consult me by private messaging. If you just WANT my poe...
