Tanaw sa 'di kalayuan nagkakarerang alon.
Wari'y nagbabadya ng kakaibang hamon.
Pikit-matang pinakiramdaman ang panahon.
Ako kaya'y makakaahon?
-----------------------
Sa gilid ng dalampasigan ang tambayan.
Dinig ang panaghoy ng hanging amihan.
Mga ala-ala'y nag-uunahan,
na para bang daluyong sa karagatan.
-------------------------
Ang daluyong ay kapara ng buhay.
Pabago-bago ang laki at kilos na taglay.
Ngunit iisa lang ang hantungan ng paglalakbay,
sa gilid ng dalampasigan ito'y hihimlay.
-----------------------
Habang nakatanaw sa 'di kalayuan.
Ako'y napaisip na lamang.
Siguro gusto ring tumakas ng mga alon
kaya nagtatakbuhan.
Gustong kumawala sa lugar na wari'y kulungan.
-------------------------
Pero kahit anong pilit magpumiglas.
Kahit gaano kalakas ang hampas.
'Di ito makakaalpas.
Dahil tanging panahon ang magdidikta ng wakas.
BINABASA MO ANG
La Pluma
PoetryMay mga katagang hindi kayang ilabas nang matabil kong dila, May mga pangyayaring nais kong isalaysay ngunit ako'y nababahala, May mga panambitan na gusto kong ipanawagan ngunit 'di ko mapakawalan, Duwag na ba akong matatawag kung sa tula ko na lama...
