Hawak niya'y kapirasong espejo
May lamat man repleksiyon niya'y klaro
Dilag na kaaya-aya na wari'y dalisay ang puso
Ngunit may pinakatagu-tagong sekreto.
-∆-
Isang nilalang na may dalawang katauhan
Nakalilinlang, nilulukob ng kasinungalingan
Sa likod ng matatamis na ngiti't malulutong na halakhakan,
Nakakubli ang 'sang pusong wasak at duguan.
-∆-
Siya'y huwad at hangal
Piniling takpan ang pusong pagal
Kahit pa luha'y matuyo't boses ay gumaralgal,
'di niya 'to nanaising ipakita sa mga minamahal.
-∆-
Siya'y huwad at makasarili,
Sinasarili ang pinagdadaanang pighati.
Ayaw niyang sa suliran ay may makihati
Mag-isang titiisin ang kalungkutan at hapdi.
-∆-
Siya'y huwad, hangal at makasarili
Nagmahal, ngumiti ngunit humikbi
Umasa, nagpakatanga at nagkamali
Butil ng luha'y patuloy na ikukubli.
BINABASA MO ANG
La Pluma
PoetryMay mga katagang hindi kayang ilabas nang matabil kong dila, May mga pangyayaring nais kong isalaysay ngunit ako'y nababahala, May mga panambitan na gusto kong ipanawagan ngunit 'di ko mapakawalan, Duwag na ba akong matatawag kung sa tula ko na lama...
