#قصص_كهرمانه
#القاضي_والمطلقه
البارت ١
........................
ساعه ب 11بليل شهر 12 سنة 2010
جو بارد وحلو
بحضني حضن دافي مدفيني
بهذا الوقت اني متمتع ويه اجمل امرأه
جسم طول رشاقه جمال صفاء
الله خالقها لعابه مو انسانه
ومااريد اكوم منها اباوعلها شابه بعمر ال30
اجتني هديه من صديقي حارث
حتى اكمله شغلته بلمحكه
وهدالي ليله ولا بلاحلام
وبهلاثناء يدك موبايلي ومايسكت
طبعي مهما يكون مااغلق اجهزتي عندي بنات اثنين اغلى من روحي من اجمل مخلوقه بحياتي حب حياتي وعمري
مروه: اغلق جهازك ضياء
ضياء: ههههه حلو اسم ضياء بشفايفج العسل
مروه: هههه مااريد شي يشغلك عني هذا الوقت بس الي
ضياء: ماكو شي يشغلني عن بناتي
نزعجت من كلامها وكمت رديت على المكالمه
ضياء: الو
روز : هلاو بابا وين صرت منتظريك ولحد الان مامتعشين اني و رهف
ضياء: ليش بابا لاتنتظروني اتأخر
روز: مانتعشه اله تجي
رهف: انطينياه اوووي شكد لزكه ...والو ها بابا اكلك تره منتظرين وعدتني اليوم بموبايل جديد اشتريته بعدك
روز: لج منتظرينه على عشا مو موبايلج ثوله
ضياء: هههه اي بابا اشتريته موجود
روز: بابا معليك بيها
رهف: بابا موتنساه حباب انتحر انام بلا موبايل جديد
ضياء: اطمأني وياي وبابا اخوج رجع لو بعده
رهف: المخبل فوك من 8 موجود ومطنكر علينا
ضياء: رهف اكيد موجود ريسان
رهف: والله موجود وفوك يقره هاي شبيك بابا
روز: موجود وهم ويانا منتظرك على العشا
رهف: بابا تعرف ليش خبصتك روز على العشا هيه مسويه بورك والله وكيلك بابا العجينه جاهزه والجبن جاهز بس لفته وكليته اني وخبصتنا تريد اضوكك اكل الشركه قصدي اكلها
روز: انجبي
ضياء: بنات لا تتعاركون وساعه واجي مااتاخر عليكم
روز: ننتظرك بابا
رهف: وياك علاج مسهل خاف نتخربط من اكل روز
ضياء: ههههه رهف لا زعلين اختج وانتي الجبيره
رهف: ماشي بابا ولا تنسى موبايل
ضياء: ماشي افتهمت والله افتهمت
رهف: يله باي بابا
ضياء: الله وياج باباتي
غلقت الخط ومروه كامت تبوسني
مروه: اهلك الي متصلين
ضياء: اي
مروه: زوجتك
ضياء: لا بناتي
مروه: ها عندك كبار بس مامبين عليك
ضياء: هههههه وهذه شيباتي شنو مااحب تجامليني
مروه: لاوالله صح شيبات عندك بس مبين صغير واذا تصبغهن تصغر اكثر ويصير عمرك ب30
ضياء: هههه اضحك الناس عليه اصبغ شيباتي وشواربي
سحبتني لفراشها
ضياء: لا اعذريني راح اطلع مااكدر
مروه: ليش
ضياء: منتظريني مااكدر اتأخر عليهم والصبح اجيج
مروه: يعني هم اجي الصبح تريدني
ضياء: انتي حاليا زوجتي ماكو طلعه من البيت ومخليلج حارس بلباب اي شي تحتاجين موجود تصيحينا وهوه امين ابو اسعد لاتخافين منا
مروه: بس مااتفق وياي حارث ابقى بلبيت
ضياء: اني ابلغه
وكمت سبحت وطلعت ويم تدفئه ابدل بارده والبس بطروني وهي نايمه كدامي وجسمها كيمر
مروه: ضياء سؤال
ضياء: تفضلي
مروه: ليش تزوجتني واني اجيك بدون زواج
ضياء: احب استمتع بلفراش وبلحلال مااحب الحرام
مروه: هههههه نفس الشي هم حرام هاي وين لكيتها كلها حرام
ضياء: شلون يعني😡
مروه: يعني حرام تخون زوجتك حرام تنام ويه وحده ماتعرفه بحجة هي زوجتك
ضياء: اتفقت وياج يومين زواج صح لو لا
مروه: صح
ضياء: وبرضاتج ماغصبتج
مروه: اي
ضياء: اذآ مو حرام تزوجتج ويومين واطلكج وبمهر بعد شكو
مروه: هههههه المهر أجرتي صح
ضياء: اني مااحب اجرح مره او اقلل من قيمتها بس انتي تحبين الحرام وتستنكفين من الحلال
مروه: صح اكره الحلال لان عذبني
ضياء: استغفر الله ألبسي وحظري نفسج ياخذج ابو اسعد للمكان التردينه وباجر اطلكج سيد وابلغ حارث بطلاكج
مروه: اسفه والله مو قصدي ازعلك وكلشي ولا ازعل حارث يموتني والله
ضياء: لا تحلفين الف مره اكلج لاتحلفين اكره الحلفان
مروه: لا تزعل حباب واعتذر والله
كامت تبوس وتعتذر
كرهتها رغم مااعرف قصتها
شفتها تحاول تصنع نفسها عاهره وتريد تثبت هذا الشي الي
تعتقد هذا الشي يفرحني وجمال
مروه: ضياء انت شنو تشتغل حتى حارث يخاف منك وعندك حراس وسياره ضخمه
ضياء: مايحتاج تعرفين
وطلعت من البيت وعفتها
حياتي الشخصيه واسراري فقط السايق حامد وابو اسعد مطلعين عليها
ابو اسعد: ها ابو ريسان
ضياء: وصلوها وين تريد
ابو اسعد: تأمر أمر
وشافني حامد وكام فتحلي باب سياره وصعدت ومشينا
اباوع الجو بارد وهاديء وشوارع فارغه وسيارتي الثانيه ورانا
ضياء: حامد نزلني هنا شويه
حامد: خير استاذ
ضياء: اوكف شويه
نزلت واباوع على الشارع فارغ
أشرت للسياره الثانيه ماينزلون مااريد ينزلون
حامد: خيرك استاذ
ضياء: تعبان
حامد: استاذ انت من تزوج وتكمل تتعب وتكره نفسك
ضياء: صح كلامك رغم هوه بلحلال بس اختنك بناتي يصيرن كدامي
حامد: كل الي تسوي بلحلال
ضياء: هههههه ذكرتني بمروه وكلامها اااااخ اااااخ
تقدمت للشارع
وكفت شويه اباوع على الشوارع والى السما وايدي بجيب بنطروني
...............
تذكرت طفولتي ويه امي عمري 6 سنوات
طلعنا بليل من بيت جدي مثل هيج وكت
ماافهم شي غير امي تبجي وملابسنا ويانا واخوي يسكتها ويكومها
ظفر: يمه كومي خلينا نشوف وين نروح
امي: وين نروح بهليل ولك اذا ابوك وعمامك طردونا
ضياء: يمه بردان
حضني ظفر ويبجي
وكوم امي وبقينا نمشي الى ان تعبنا وكعدنا جوه الجسر ونمنا وامي تغطينا بعبايتها
ظفر: الله كريم يمه لاتبجين حبابه
ضياء: يمه ليش تبجين ابوي يوميه يضربنا ويصيح علينا
امي: هلمره ابوك مو بس ضربنا ابوك طردنا وهجولنا من بيتنا
ظفر: كلهم اله ادفعهم الثمن اولهم ابوي
ضياء: يمه انتي مو كلتيلي اسم صالح معناه صالح ويصلح بين الناس ويكتل الفاسدين
امي: اي يمه بس مو ابوك هذا
ضياء: لعد منو يمه
امي: انت اريدك صالح وتصلح وماتظلم اهلك ولا ناسك ولا عائلتك يمه نام مظلوم ولا ظالم
ضياء: ميخالف يمه اسوي التريدي بس لاتبجين الله يخليج ويمه بردان
ظفر: كافي تحجي اسكت منين نغطيك تحمل انت رجال لازم تتحمل
امي: ابد لاتتعارك ويه اخوك وتصيح عليه
ظفر: ماشي يمه
امي: ظفر وين نروح يمه
ظفر: نشوفلنا بيت نأجره حتى لو بس غرفه واشوفلي شغله ونعيش
امي: همزين عطله يمه حتى نشوف دربنا
ظفر: يمه ماكو بعد مدارس
امي: لو اعرف اجدي مااخليكم تعوفون دراستكم لاتحجي بعد هيج هاي اخر مره دكولها
...........
