فاقت على صوت الالات الطبية فتحات عويناتها و هي على امل اكون هاذشي كامل لي داز غي حلم سهات لثواني كتأمل فالمجهول باش ترجع تيق بلي هادشي واقع تنفسات بعمق تلفتات كتقلب بعينيها على زر لي كيتاصل بالممرضة هزات عينيها فاش شافتو واقف بجسمو الرياضي و الابتسامة لي مكتفارقش وجهو عويناتو لي كتشوفي فيهم كتحسي بالسعادة، كان فمقتبل العمر .. يعني غيكون عندو 28 عام هكاك .. طوني: هل أنت بحاجة للمساعدة اكرام:(شافت فيه و حدرات راسها) طوني:(قاصدها بخطوات تقيلة و هز ليها وجهها) ما الذي تبحثين عنه ؟ اكرام:ااا..انا كنت أرييد الممرضة طوني:ههه في ماذا تريدينها اكرام: اريد ان اخرج من هنا اليوم قبل الغد طوني:و لكن..(قاطعاتو) اكرام:اليووم(بجدية) هل دفن ابي ؟ طوني:(بأسى)أجل، هل تريدين أن تزوري قبره سرحات كتفكر و دمعتها هبطات ما شافتش ماماها و هي كتموت، ماشافتهاش و هي كتدفن ماتسامحاتش معاها و حتا باها دابا نفس الشيء اكرام: انا ميمكنش نشوف قبر بابا و لي قتلو مزال عايش طوني: ماذا قاطعهم الباب و هو كيتحل دخلات منو بنت فمقتبل العمر زعراء راسمة على وجهها ابتسامة كتبعث الطمأنينة فالنفس جات كتجري و عنقات طوني من اللور طوني: حبيبتي حسناء: عيون حبيبته طوني:(شاف فحسناء شاد ليها فايديها و كيتبسم) هذه "حسناء" خطيبتي، مغربية الاصل، تبقت 15 يوما لتصبح زوجتي، زفافنا سيكون بالمغرب و ستشرفينا بحضورك اكيد سيدتي (شاف فاكرام و كمل) فهمت من كلامك البارحة أنك مغربية لذا ناديتها الى هنا، خصيصا من أجلك .. اكرام:(تبسمات بزز)مبرووك عليكم حسناء:الله يبارك فيك اكرام:(هزات عينيها)حتا انا من أصول مغربية .. رغم انني عمرني زرت المغرب و لكن بغيت نمشي ليه .. بغيت ننسا روسيا فمرة(عينيها عمرو دموع) طوني:احم "اكرام" بالمناسبة "حسناء" طبيبة نفسية و يمكنها أن تساعدك إن اردتي اكرام:(هزات راسها بالايجاب) طوني: سأترككن سيداتي الآن من بعد ما خرج طوني .. حسناء حاولت انها تخلي اكرام تخرج داكشي كامل لي فقلبها و بالفعل داكشي لي كان حسناء حاولت انهااا تخفف عليهااا و تبين ليها بانه قضاء الله و قدره و لكن اكرام كانت مقتانعة بفكرتها بل انها كانت مصممة انها تنتقم من لي قتل الاب ديالها من بعد ما كمل اللوحة لي قدامو وقف كيتأملها للحظات شاف فالساعة لي فايدو 20:00 لبس الحوايج ديالو عبارة عن السواد قبية و سروال و گاط دار القب على راسو سمع صوت الكلاكسون ناصر:(بضحكة جنب) طوم داير الفوضى، جااو عاود تااني وقف كيشوف راسو فالمرايااا و هو هااز فايدو الفردي لي مكيفرقوش كيشوف فالمرايا راسو و هو عندو 17 سنة كيفاش قتل اول مرة و هو كيجري خاايف بقا لدقائق حتا ولات الصورة سوداء فعينيه و الضلام خيم على المكان ناصر:نتااا قوي، هادشي عادي .. 10 سنين و نتا يوميا كتقتل .. شنو غيتبدل الا حبستي .. نتا غتكمل هذا القدر ديالك حتا تموت .. يا تموت موتة د الله يا تموت مقتول و جنازتك ما يحضر ليها حد(باستهزاء) تنهد من بعد هاد الهدرة و خرج من بيتو هز السوارت د الدار من فوق الطبلة سمع صوت الكلاكسون خرج بخطوات سرااع سد الباب د الدار و توجه للسيارة ناصر:(و هو كيسد الباب) مالكم فارعين ليا راسي الفريد:ماشي انااا عارفني معنديش مع هاد اللعب ناصر:(ضرب طوماس للراس)مغتكبرش نتا طوماس:ههه اكيد لا الفريد: الى أين وجهتنا ؟ طوماس:الى السيد "نايف كيتشب" تحرك بالسيارة و ناصر غير سارح بتفكيرو كيحس بلي شي حاجة ماشي هيا هاديك حاول انه ينفي هاد الافكار من بالو و يركز مع المهمة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسناء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
