دخلو البنات كيضحكو فرحانين، عجباتهم الخرجة رتاحو فيها و نساو عليهم الدنيا ...كانو الدراري مستلقين فوق الكناپي كل واحد فاش ملاهي هزو راسهم فيهم فاش حسو بيهم جاو، من غير ناصر لي ماكانش معاهم ... دورات عينيها فالأرجاء مابانش ليها عرفاتو غيكون فالبيت مشات طلعات كتقلب عليه... كان جالس فالبالكون لابس غير سروال ديال الكيطما و نصو الفوقاني عريان، فايديه كاس ديال القهوة، و فالايد التانية كتاب.... تحركات متاجهة لعندو، حس بيها دخلات و هز فيها راسو مبتاسم و هي كتستفسرو بعينيها على الكتاب لي كيقراه، قلب ليها الغلاف تشوفو بلاما يهدر، كان كتاب على المرأة الحامل... هي را بدا كيصدمها بهاد الحركات لي كيدير، اهتماماتو بيها مؤخرا فاقت حدود توقعاتها، شافت فيه و بتاسمات و هي شاداه من ايدو مدخلاه للبيت، حتا جلساتو فوق السرير و مشات حلات البلاكار جبدات ليه تيشورت و وقفات على راسو ماداه ليه و هو غير كيشوف فيها اكرام: خود لبس .. البرد عليك خداه من عندها كيبتاسم و حطو فوق السرير و ناض تقابل معاها، حط ايديه على كتافها الباردين و دورها حتا لصق ظهرها مع صدرو و خشا وجهو فعنقها، كيشم ريحتها و يبوس، بزز باش ولات كتلتاقط أنفاسها... جلسو البنات فالكناپي لاخر مقابلين مع الدراري، الملحة ديال البحر و الرملة كتاكل لحمهم و لكن صابرين باش مايعيقوش قدامهم، ميساء شافت فطوني لي بتاسم ليها و رداتها ليه قبل ما تجلس و تهز روايتها كتقرى فيها و ضيع فالوقت، متجاهلة عيون طوم لي مازولهمش من عليها... سنام لي مرة مرة تهز عينيها تخطف شوفة فألفريد لي مامسوقش داير الكيت و شاد التيليفون كيدوي مع شي حد و عاقد حجبانو ... نطقات من بعدما ناضت من حدا البنات لعند راجلها، شاداه من ايديه باش ينوض حسناء: حبيبة ديالي يلله تعاوني فالعشاا طوني: اااه واخااا ستأذنوا منهم متاجهين للمطبخ و خلاو دوك الربعة فجو متوتر، سنام غير كتقلب و تحرك فبلاصتها تموت و تعرف ألفريد معامن كيهدر، و ميساء لي وتروها عيونو و ما خلاوهاش تقرى فخاطرها، سدات روايتها بالزعاف و هزات عينيها فيه ميساء: اسسستغفر الله، شنووو ا خوووويا شنووو، باااغي تقوول شي حاجة ألفريد هز عينو فيها ببطىء و حيد الكيت من ودنو كيشوف فيها كيف مخنزرة فطوماس و ماكرهاتش كون خلاوها منها ليه، تقتلو و تهنا منو، الجن لي فيها ما كيحملو، كيجيها باسل و ماكيحشمش.. طوماس بقا غير ساكت كيشوف فيها بهدوء، بينما هي السكوت ديالو هددها و ناضت من حداه كتخبط ... دار عندو الفريد و هو مااال هاد التصرفات الطايشة لي كيدير خوه ألفريد: عطاا الله البنات، ما بانت ليك غا هاد داعشة طوماس:(تجاهلو و هو نايض تابعها) ااه ما بانت ليا غير هي ألفريد طلع حاجبو تابع خوه بعينيه كيشوف فيه بمعنى ما لقيتي فيمن طيح، هي البنت ضريفة و لكن را ماتناسبش طوم بتاتا، هز كتافو بمعنى شغلهم هداك و هبط راسو على تيليفونو ... دخلات لبيتها كتخبط، كيعصصبها و ما عرفاتش كيغدير تعيش معاه فدار وحدة و هي متجاهلة تصرفاتو، بينما هي كتبرد على راسها و تنگر تحت من نيفها حتا حسات بشي حد دخل للبيت و سد الباب، دارت تشوف شكون و يلله غادي تطلقها بغوتة سبقها هو بقبلة طويلة ساد ليها بيها فمها خلاها مخرجة عينيها، حتا حس بيها تهدنات و هو يبعد عليها، سكتات كتشوف فيه دموعها ولاو هابطين شلال و كترجف، تخلع عليها و قبل ما يحط ايدو على وجهها يعرف مالها كانت طايحة بين ايديه فاقدة وعيها.... حسات بلي متجاهل الوجود ديالها بحال كاينة بحال ماكايناش و ماحملاتش الوضع سنام: من العيب أن تمسك الهاتف بينما هناك شخص بإمكانك ان تفتح حديثا معه ألفريد: (هز عينو فيها بهدوء) أ ليس من العيب أن تجلسي هنا، بينما بإمكانك أن تقومي من مكانك و تتجهين الى المطبخ .. لتساعدي صديقتك الأخرى تريحي زوجها المسكين رجع هبط راسو داير ضحكة جنب، هي ماحملاتش الطريقة باش هضر معاها، ندمات گاع لاش دوات معاه سنام: مغرور هضرات بالشوية حيت يسحاب ليها ماغيسمعهاش، و جات نايضة بالزعاف و يلله خطات زوج خطوات حتا حسات بيه شد من ايديها موقفها، رجعها عندو بالزربة حتا لصق صدرها مع صدرو الحديدي، قلبها بدا كيضرب و كترجف خايفة، هبط راسو عندها و قرب لودنيها حتا ولات كتحس بأنفاسو السخونة كضرب فيها، و لحيتو كتقرصها فوجهها الفريد: (كيهدر بواحد الهدوء يضرك فراسك) ما بك؟ من اللحظة التي رأيتك فيها و محاولاتك للتقرب مني لم تكفّ، لأنك معجبة؟ أم أنك تريدين ... حط ايدو على كتفها و جا مهبطها حتا وصل لايديها و شدها بين ايديه و هي را كتحس بالتبوريشة و قلبها غيوقف، هز ايدها مقربها من وجهو حتا الدرية يسحاب ليها غيبوسها ليها و هو يرجع مهبطها حتا حطها على سي السيد .. السخونية طلعات معاها و رجليها فشلو عليها مابقاوش هازينها، كتحس بداكشي غير ما زايد كي تنفخ بين ايديها، و هي كتشوف فيه بعويناتها و عقلها ما معاش سرحات لبعيد، فيق عليها بزاف ديال الأوجاع لي قديمة و كانت بدات كتحاول تناساها، أما هو غير كيشوف فيها و يعض شفايفو، جاتو عليها و ماكرهش يدير ما كتر... شافها ما كتحركش ساكنة فبلاصتها، ضحك فنفسو، شدها من ايديها و جا جارها موراه ... وصلو للدرج عاد حسات براسها شنو كدير، شافت فايديها لي كان مزير عليها بين يديه، جمعات النفس ديالها و جرات ايديها بقوة حتا خلاتو داير عندها بصدمتو، و وجهات ليه صبعها و الدموع شلال من عينيها سنام: اهئ إيااااك .. إيااااااك أن تحاول، أنت أيضا مثله... كلكم نفس الشيء... لكنني لن أسمح بهذا مرة أخرى.. لن أسمح ضربات فيها و مشات طالعة كتجري و كتبكي، خلاتو غير تابعها بعينيه و كيدور هدرتها فراسو مافهمش مالها، يلله كانت غادا معاه مزيان حتا تقلبات.... حلات الباب باش دخل للبيت حتا كتبان ليها ميساء مسرحة فالسرير و فوق راسها طوم كيرش الما على وجههها، مسحات دموعها ما فاهمة والو و قربات عندهم... هز فيها طوم عينيها و باين فيهم الخوف طوماس: ساعديني أرجوك سنام: حسنااا، لكن قل لي كيف أغمي عليها اولاً طوماس: (دار ايدو على جنبو) هل نتركها هكذا و نجلس لكي نتحدث و نفضفض على بعضنا .. ما رأيك بقات مسيكينة كتشوف فيه، من جهة كيبان كيهدر منيتو و لكن هي حسات بيه كيستهزأ سنام: اذهب، انا سأتولى أمرها شاف فميساء لي بدات كتفيق، بدا كينگر تحت من نيفو ندماتو على النهار لي حطها فراسو، خرج كيفكر فهاد الوحلة و خلا سنام كتضرب ليها على وجهها بلطف... يلله خرج حتا كيسمع شي حاجة تهرسات، رخى ودنو يعرف منين جاي الصوت حتا سمع تاني شي حاجة تهرسات، ألفريد حتا هو كان باقي واقف فالدروج سمع صوت التهراس طلع كيجري لقا طوماس واقف قدام باب البنات دار ليها بايدو زعنا اش واقع هز حاجبو بمعنى معرت طوماس: هادشي جاي من الغرفة ديال ناصر الفريد: مااالو تاني ما تيقنا ناصر يتهدن اش عصبو طوماس: (هز كتافو) معرت غيكون مع اكرام، عنداك غير يدير شي حاجة يندم عليها، البنت را حاملة زعما الفريد: لااا ناصر عارف شكيدير، را القضية فيها ولدو صوت التهراس بدا كيعلى و الغوات ديال ناصر كيعلى معاه، البنات خرجو باغين يعرفو اش واقع، حسناء و طوني تا هما طالعين كيجريو ما فاهمين والو، و تاجهو كاملين للغرفة ديال ناصر لي كان سادها بالساروت و خلاهم كيدقو و ينهيو فيه مورا الباب... هو لداخل صااعر كيمشي و يجي فالبيت لابس غير البوكسور و عينيه كيتطايرو منهم شرارات الغضب، لي جات قدامو يضربها مع الحيط حتا تشتت... هي غير مكمشة فوق السرير، بالدوبياس لي باقين فوق لحمها جامعة رجليها عندها محاوطاهم بايديها، و خاشية وجهها بين رجليها كتبكي، حتا جا شدها من شعرها حتا حسات بالجلدة طارت من بلاصتها و قابل وجهها معاه... ناصر: اناااااا يا بنت ال*حبة تكذبي علياااا.. هاااا ماااشية بلا خباري يسحاب ليك ماغنسيقش ليك الخبار ولا شنو.. (هز ايدو و جمعها معاها لفخادها حتا حسات بالضو ضرب فيها) ماشية بوحدك باش تعري هاد اللحم لي عاجبك.. رخيت ليك السمطة بزااااف حتا طلعتي لمي فوق الراس، شنو زعمااااا قلتي هذاااا طايح فيا ارااا نرجعو شماااتة ااا نرجعو كلب، (هز ايدو على شكل لكمة غيوجهها ايها و هو يقلبها للحيط حتا حسات بلي غيكون تشقق) ديريها بيااااا اناااا، لا مكملااااها و مجملاااها ارااااا حقا راني حاااملة ما تقربش لياااا.. طلق من شعرها و مسح على وجهو بالعصاب ناض دخل للحمام غسل وجهو كيحاول يبرد على راسو اكرام: (مسحات دموعها و ناضت عندو وقفات قدامو) شفتي نتاااا عمرك ما غادي تبدل، ديماااا نفس الأسلوب حتا كنقول را وليتي بنادم و كترجع لتصرفاتك الحيوانية، و شتي داك الحب لي كيسحاب ليك انا كنتباهى بيه الا كان من واحد بحالك ما عندي ماااا ندير بيه جات ماشية و هو يشدها تاني من شعرها مرجعها لعندو كيهدر تحت من سنانو ناصر: سمعي ا ديك ال*حبة هادي اخر مرة تهدري معايا بهاد الأسلوب.. المرة الجايا غنهرس لمك وجهك طلق منها و خرج لبس سروال ديال الكيطما و تيشورت و جا خارج و مخليها طايحة فالأرض كتبكي.... غير حل الباب بانو ليه مستفين كاملين، مع بان ليهم فديك الحالة حتا حد ما قد يدوي معاه ولا يسولو ضرب فيهم و زاد ... كانو غيدخلو عندها يشوفوها حتا قاطعهم بصوتو الحاد ناصر: تا ولد ال*حبة ما يدخل من غير الدريات لاح عليهم هاد الكلمات و مشا و خلاهم كاملين كيشوفو فبعضياتهم ... الدراري ما لقاو ما يقولو هبطو و تبعهم طوني واخا مشوش على اكرام ... و دخلو البنات عندها لقاوها طايحة على ركابيها فالحمام، تقريبا عريانة و فيها لاطراس ديال الضرب ففخادها، بقاو غير كيشوفو فيها و تحناو كيواسيوها و يسكتوها اكرام:(كتنخسس) اهئ شفتووه شفتووه أنا ما درت وااالو قلت ليه غير ما تقربش ليا، انا نفسي ما بغاتوش اش غندير، اهئ غلطت معاه فاللول و حملت و لكن ماكيعنيش بلي انا باغاه بخاطري .. اهئ علاش يدير لي هاد الحالة هادي اهئ ناصر عمرو ما غيتبدل ناصر ديما غيبقا عزرائيل اهئ اهئ سنام ما فهماتش اش كيقولو و تعصبات حيت هما ديما كيهدرو بالعربية و هي ماكتفهم تا حاجة، دارت عند ميساء كتغمزها باش ترشح ليها و ظارت ليها ميساء بايديها من بعد ميساء: و لكن ا ختي را حرام ترفضي لراجلك الرغبة ديالو الملائكة و ربي كيلعنوك اكرام: و تا يكون راجلي بعدااا الله يلعنو هو نيت ميساء ما فهمات والو كيفاش ماشي راجلها اذا كدبوا عليها، ميساء: كدبتوو عليااا، شنو زعما ساكنين مع بعضياتكم و ما مزوجينش لا هادشي بزااف .. و نتي ا ختي تا نتي مشاركة معاهم حسناء هبطات راسها و كتنغزها تسكت بلاما تزيد على اكرام و لكن ميساء ماشي من النوع لي يسكت عل هادشي، ناضت من حداهم مخليا اكرام بين يدين حسناء و سنام كيسكتوها و دخلات لبيتها لاحت عليها جلابة وقادت الفولار و هبطات كتنگر تحت من نيفها، نسااات مشكلتها مع طوم و تلاهات باكرام و ناصر ... كان طوني و الدراري جالسين فالصالون كيهدرو حتا بانت ليها دايزة طايرة و شاعلة من حداهم لدرجة ما نتابهتش لوجودهم حتا وقفها بصوتو طوني: ميسااااء !! ميساء: (دارت بالعرض البطيء هازة جلابتها بايد) نتا غا سكت ا نسيبي، ساكت على المنكر و مخبي عليا تا نتا بلي ما مزوجينش و لكن غا بلاتي الهدرة ماشي دابا هو بقا غا كيشوف فيها مصدوم منها، و هاد الدرية فيها ميترو و نص ماكاملش و لسانها شحال طويل، جات ماشية حتا وقفها تاني طوني: فين غادا فهاد الليل بعداا ميساء: غادا نقلب على داك خينا نوريه الحلال من الحراااام خرجات و خلاتهم كيشوفو فبعضياتهم، مسكينة باقا ما كتعرفش شكون ناصر، الفريد حابس الضحكة و هبط عند طوماس كيهمس ليه الفريد: صافي غا ودع الدرية را ما غترجعش حية خخخ
بمناسبة العيد بارت اخر😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
