فاق "ناصر" و هو كيحس براسو محطوط فوق شي جسد صغير و ايديه محاوطينو هز راسو شاف "اكرام".. ما عرفش كيفاش حتا وصل لهنا، تنفض منها بسرعة .. هي لي كانت ناعسة معنكشة كتبان كيف الملاك قادها فبلاصتها و ناض دخل للحمام دوش و بدل عليه جلس فوق الكنابي خدا سيگار كيكميه و هو كيشوف فيها لدقائق و رجع السينتااا لداكشي لي وقع "ناصر" بحكم انه شحاال هذا ما خداا المشروب اثر فيه ليلة البارح تفكر الهدرة لي قال لصحاابو عارفهم غادي يشوفوه و ينهارو عليه بالاسئلة تنهد و هو كيشوف بلي هادشي لي كيدير ماااشي هو هداك و كيفاش دخلات هاد البنت لحياتو و قلباااتها لااا مااشي عزرائيل لي يهبط راسو لشي بنت ماشي "ناصر" لي يتهز قلبو لشي وحدة .. هادي لي غادي يبغي باقي ما خلاقت و حتا لا تخلقات غيدمرها و يقتلها قبل ما تدمرو هي .. هادشي لي كان كيفكر فيه قبل ما يخرج بقرار... طفا السيگار برجلو و نزل بخطوات تابثة لصالة الرياضة و هو متيقن انه غيلقا "الفريد" تمااا و فعلااا كان كيهز الحديد و هو عرقاان لابس غي سروال ديال الكيطما و عضلاتو بارزة و مطراسي هز راسو فاش حس بشي واحد مراقبو شاف "ناصر" و هو واقف حدا الباب حيد الكاسك لي كان داير هز فوطة كينشف راسو و هو غادي باتجاه "ناصر" حتا وقف عليه الفريد: صباح النور العاشق الولهان ناصر:(ماجاوبوش بقا كيشوف فيه ببرود) الفريد:عاقل بعدا على داكشي لي درتي فالليل ناصر:(ببرود) و من بعد الفريد:(بانفعال)وااااش عااارف دييييك البنت شكووون عااائلتهااا ناصر:مكيهمنييييش الفريد:لاااا ا سيييدي لااازم يهمك ديك البنت رااه بنت "هاري ماينيز" ناصر:(بلا مبالاة)الله يرحمو الفريد:ناااااصر خدم عقلك معاااياا وااش نتاا عارف بلي هديك البنت يمكن عاارفة بلي نتا لي قااتل الاب ديالها ناصر:ايييه و الا عرفااات شنو غيوقع الفريد:يمكن هي جااياا لشي هدف معين ناصر:امم مثلا ؟ الفريد:جااياا تنتاقم للحظة عم المكان الهدووووء كلمة وحدة لبقات كتردد "تنتاقم" حتا قاطع هاد الهدوء ناصر: (كيضحك باستهزاء)هههههههههههههههه لاااا هههههههه عاااود اش قلتي الفريد:نااصر انا مكنضحكش ناصر:(زير ليه على الفك ديالو)الا مكنتيش كضحك خاصك تكون عااارف بلي الزعيييم هداا مااشي اي وااحد، ماشي بنت لي غتجي تنتاقم مني و تصور مني شي حاجة، قبل ما تحاول تآديني غتلقا راسها فالقبر الفريد:شوف ا "ناصر" داكشي لي شفت منك لبارح غنقوليك فكر مزيااان قبل متخلي هااد البنت فدارك و بيناتنا ناصر:(طلق منو و دفعو على الحيط) الفريد: البوص راه عيط لياا و بغانا نرجعو ناصر:باااقي ما غنمشيش الفريد:فكر ا صااحبي من نهار جيتي للمغرب و نتا غير فالمشاكل و شوف هاد المشكل ديال "اكرام" منين طلع حتا هو ناصر:(الصمت) الفريد:انااا و "طوماس" تافقنا باش نرجعو غدا لروسيا ناصر:(بعد تفكير)اذن حتا اناا غنمشي الفريد:هكاا نبغيك ا صااحبي... ناصر:(ضربو فكتفو)نتلاقاو فالفطور(مشا خارج حتا وقفو صوت) الفريد:نقدرو نخرجو ندوزو هاد النهار على براا .. توحشنا المغرب ناصر:(ببرود و هو خارج) وجد راسك و علم "طوماس" مشا للغرفة ديالو و هو كيحس بالطريق طويلة مبغاتش تسالا و رجليه تقاااال عليه كيفكر فالرجوع ديالو لروسيا واش هادشي لي دار هو الصواب ولا غير كيخرف لاول مرة #عزرائيل كيحس براسو مخربق لاول مرة مكيتيقش فالقرار لي تاخذ لاول مرة كيحس براسو تسرع فشي قرار نفض هاد الافكار من راسو و حل الباب شافها كيفاش مطلوقة فوق السرير ناعسة فحال البيبي مكيبان فيها والو من غير وجهها ضحك لصبيانتها و براءتها لي كتجذبوا ليها بلا ما يحس لقا راسو حداها و هو كيحيد عليها الغطااا و كيمسح على شعرها و هو هابط بايديه على وجهها بشرتها فحال الدراري الصغار رطبببة هبط راسو و طبع على شفايفها قبلة طوييييلة و هااادئة من خوفو انه يفيقها تنفض بسرعة فاش حس على راسو مبقاش كيفهم تصرفاااتو كيحس براسو مرفوع فاش كيكون حدااهاا و لكن هو ما يمكنش عزرائيل يحني راسو لشي بنت كلهم عاهرات فنظرو كيآمن بحاجة وحدة و هي انهم خلقو للمتعة... هادشي من غير انه كيكره انه يطوف بساحتهم ولا يقيس شعرة منهم معرفش شنو لي كيجدبو ل "اكرام" كيفكر شنو غيكون رد فعلها فاش تعرفو هو لي قتل الاب ديالها .. قلب عينيه و هو كيرجع هدرة الفريد فراسو، اكيد غتكون عارفة و هادشي لاش كدور بيه .. هو يقدر يفهم اي واحد من عينيه و لكن هي ماكيفهماش، و ما كيعرفهاش اش ناوية، عينيها فقط كيجدبوه و يخليوه يحس بالبراءة ديالها .. ضرب ايدو مع الحيط حتا زعزع الفيلا على صوتو فاقت "اكرام" و هي كترجف من انه يضربهااا بعد عليها فاش شافها فاقت و وقف فالبالكون كيطل و عينيه ساارحة لبعييد ناصر:(بحدة) لبسي حوايجك و هبطي تفطري اكرام:و...وااا...وااخاا ناصر:من ورا الفطور .. غنمشييو ندوزو نهار على برااا اكرام:ووااخاا ناصر:و من تمااا غندييك لدار صاحبتك جمعي حوااايجك اكرام:(هزات راسها بسرعة)كييييييييفااااش !! ناصر: اناا رااجع لروسياا ناضت بسرعة و وقفات قدامو اكرام: و لكن علاش .. نتا قلتي ليا بلي انا غنبقا ديما هنا معاك ناصر:(شاف فيها ببرود و قلب عينيه كيهضر) قلت نتي غتخرجي من هنا فاش نبغي انا .. و خاصك تحمدي الله حيت غتخرجي من هنا حية .. ما غنبقاش حياتي كاملة فهاد الفيلا (رجع شاف فيها) ..حداك (حط صبعو كيضرب ليها على راسها) كان خاصك ديريها فبالك اكرام و الدموع فعينيها معرفاتش علاش باغا تبكي واش من كلامو لي كيجرح .. ولا حيت ولفاتو .. كانت كتحس بالمشاعر تخلطو ليها .. كتحس بحريق فقلبها عمرها حسات بيه، واش صافي عمرها غتبقا تشوفو، حسات بخنجر كيتخشى فقلبها و يتعاود يتجبد و يرجع يتخشا، تقطعات فيها النفس .. نفات هاد الافكار من راسها و خلات فكرة وحدة و هي حيت غيمشي و محققاتش الانتقام ديالها و ما خداتش الثأر للاب ديالها .. ما حساات براسها الا و هي شادة فايديه و دموعها فعينيها اكرام:اهئ كيييفاااش غتمشي اهئ و اناا مفكرتييش فيااا علااش غتمشي و تخليني ناصر:(شاف فيها بببرود) اصلا نتي شكوون ؟ نتي واالو، جبتك ندوز بيك وقتي .. ماتندمينيش ... جيتي بخاطرك اصلا اكرام:(باستهزاء)يمكن انا مكنعني ليك واالو و لكن نتاا اهئ نتا كت... ناصر:(قاطعها ببرود)سيري بدلي عليك و هبطي تفطري خطى خطواتو باش ينزل حل الباب و هي توقفو بصوتها المنغنغ غالب عليه البحة و البكاا اكرام:نتا اناااني كتفكر غير فرااسك ناصر:(الصمت) اكرام:اخرتك غتلقا رااسك بوووحدك مغتلقا حداك حتاا وااحد اهئ "ناصر "سد الباب على جهدو حتا كان غيهرسو و نزل بخطوات سريعة و هو كيفكر فالحوار لي دار بينو و بين "اكرام" شاف صحابو جالسين فطبلة الفطور لقا عليهم التحية و جلس و هو غير كيخمم حتا قهوتو مشربهااش حتا لمحها و هي ناازلة كانت لابسة قصيير واخاا هو مولف بالبناات هااكاا كيلبسو فروسيا الا انه حس بالعافية شعلات فيه مني شاف "طوماس" كيشوف فيها ضرب فالطبلة بجهدو كامل و هدر من تحت سنانو ناصر:طلعي بدلي داكشي، دوك الحوايج كاملين عجباتك غا هاد الشرويطة اكرام: (ببرود) علاااش شكون نتاا لي تحكم فياا ناصر:(ببرود كتتتر منها) معلوم نتي رخيصة مولفة بهادشي .. و لكن حنا ماشي شمايت لي تخرجي معاااناا هااكاا الفريد و طوماس بقاو غير كيدورو فعينيهم بيناتهم و بانت ليهم القضية غتشعل .. الفريد:ناصر تهدن و خلي البنت تلبس لي بغاات اكرام:يااك انا مكنعني ليك واالو اواا مدخلش فياا نااصر:ااه بصح يلله نمشيو ناض خرج و تبعو الفريد و طوماس اما "اكرام" فبقات كتفطر بالشوية عليهااا و تمسكن و كتفكر بلي غير هااد النهاار لي عندهاا خااصهاا تخليه يبقا يتفكرها ديمااا شنو ما كاان الثمن...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
