كان جالس كيلعب فشعرها بايديه كيزولو من على وجهها كيتامل ملامحها الطفولية البريئة... و افكارو سارحة لبعيد ... شنو داار هو ؟.. خرب دارو و حياتو بايديه ... هو معرفش يتصرف .. هو ضيع اكرام و حسناء و دااباا ؟ ... داباا ضيع حتاا ولدو !... و حسناء ؟ كيفاش غيواجهها و ولدهم الاول مات بسبابو و عمرها غتولد مزااال .... كيفاش غيقوليها بلي هادشي لي وقع كامل غير سوء تفاهم.... كيفاش غيقوليها بلي اكرام مكيشوفهاش كامراة و انما... قاطع تفكيرو فاش تحسس عليها و هي كتحرك كتستعد للفياق...
دورات عينيها على الغرفة و ظهرت على وجهها ملامح الاستغراب ... حركات ايديها و هزاتها لعندها شافتهم مركبين ليها الصيروم... هزات عينيها ف"طوني" شافت فعينيه الدموع ... كانت محتاجة لثواني باش تفكر كلشي... بعداتو عليها بكل هدوء و حركات جسمها باش تجلس مربعة... ما بغاش يزيد عليها سكت و بعد عليها ... شافت فيه شوفة مطولة و هبطات راسها و هي كتلعب بايديهاا... هاد الاخير لي السكوت ديالهاا خلعو ... شد وجهها بين ايديه قبل
ميهدر
طوني: حبيبتي (كا جاوباتوش و كمل) كل شيء سيكون بخير... كل هذا مجرد سوء تفاهم
حسناء:(شدات من ايديه و بعداتو عليها)
طوني:(هبط راسو و هو عاض على شنايفو) انا ما درتهاش بلعاني عفاك سمحيلي كلشي غنعوضو ليك ... كنواعدك
حسناء:(هزات عينيها شافت فيه ببرود و ولات هبطات راسها)
طوني:(ناض من حداها و هو معصب كيحس بقلبو كيتقطع كيفما كان الحال بزوجهم فقدو ولدهم و هو متضرر كتر منها كيحس براسو هو لي قتل ولدو)حسناء غير متسكتيش نوضي هرسي ضربي غوتي خرجي داكشي لي كتحسي بيه و لكن ما تعذبينيش هااكااا
حسناء:(ببرود)خرج عليا
طوني:(عض على شنايفو هاد البرود لي كتعامل معاه بيه غيقتلو)لا تعتمليني هكذا ... أقسم لك أنني أشعر بالذنب أكثر منك ... أنا كنت السبب في موت طفلنا .. كنت السبب في أننا لن نرزق بطفل مرة اخرى ...لكن هذا لن يغير حقيقة اننا نحب بعضنا ...(زاد بخطوات سراع جهتها و شد وجهها بين ايديه) سنبدأ بكل شيء من جديد ... و أعدك أن كل هذا ستنسيه ....
شافت فيه فاش قاليها بلي غتنسى كلشي... واس ما عندو قلب .... كيفاش تنسى ولدها لي مات بسبابو... كيفاش تنسى بلي عمرها غتولد مرة اخرى... عمرها غتحس بشعور الامومة... عمرها غتهز ولدها بين اييها كيف كتمنى بحال اي امراة فهاد الدنيا ...فلتات وجهها من بين ايديه و الدموع فعينيها كتحس براسها مخنوقة ... النفس مباغاش طلع ليهاا كتحس بالنفس مضيقة فصدرها ...قلبها مجروح و البكية مباغاش تخرج ليهاا... كتحس بذاتها كلها مضرورة ناضت بتثاقل تحت انظارو و هي كتمشى بشوية حتا طاحت فالارض جنب الغرفة حطات راسها على الحيط كتبكي بصمت ... وجعو قلبو عليهاا ناض كيغوت و الدموع فعينيه
طوني:(ناض و هو شاد على راسو كيحس براسو غيطرطق وقف قبالتها و هو موجه صبعو ناحيتها)لااا ا حسنااء نتي مغتهربييش ... غتسمعي كلشي... خليني نقول لي عندي.... ما ظلميناش ...
حسناء:(غير كتبكي)
طوني:لي خاصك تعرفي هو هادشي كاامل لي وقع مجرد سوء تفاهم(نزل راسو للارض)سوء تفاهم لي خسرنا فيه بزااف الحواايج ... اكرام لي راك عند بالك انا كنبغيها ... هي فالحقيقة(سكت قبل مينطق) ختي(زاد بخطوات بطيئة و جلس على الارض مقابل معاها هي لي كانت مهبطة راسها مزيرة على عينيها حاطة ايديها جهة قلبها و كتبكي تنهد قبل ميكمل ...
كانت واقفة محاوطة ايديها عليهاا و كترجف من البرد ... كدور وجهها و تقلب بعينيها على شي طاكسي ... لمحات من بعيد راجل طويل و كتافو عراض كان كيشوف فيها غير لمحاتو و هو يعطيها بالظهر و زاد... نفات هاد الافكار من راسها فاش وقف ليها طاكسي ركبات و عطاتو عنوان الفيلا... ركبات و هي كتفكر و سارحة لبعيد فهاد المشاكل لي كيطيحو ليها فوق راسها... واش هي ما عندها زهر لهاد الدرجة ... واش اي واحد بغاتو و عتابراتو فرد من عائلتها يتخلى عليهاا ... قلبات عينيها و هي تلمح سيارة سودااء خسرات ملامحها و هي كتساءل واش هاد اللوطو من قبيلا و هي تابعاها ... قلبات وجهها و تاففات بملل
اكرام:صااافي بااينة انا غادي نحماق وليت كلشي كنتعتابرو خطر علياا
مول الطاكسي: هل قلتِ شيئا سيدتي ؟
اكرام: لم أقل أي شيء
قلبات عينيها و حطات راسها على الزاج... الطريق كاملة و هي هكااك حتا حسات على شي ايد كتهززها
اكرام:(فاقت من سهوتها)اااا .... انااا هنااا
مول الطاكسي: هل لديك اي مشكل، انا اراقبك منذ ان...
اكرام:(خنزرات فيه و قاطعاتو) لا تتدخل في أموري (كتهدر فنفسها)هادشي لي بقااا غير نشكي عليك تا نتا
مول الطاكسي: اردت فقط ان اطمئن عليك
ما جاوباتوش و هبطات كتردخ و هو دور راسو بمعنى غير لي بغا يدير فيك خير و مشا فحالو
كان جالس فكرسي هزاز حاط رجل فوق رجل و كيلعب بالكاس د الشراب فايدو و الايد التانية شاد بيها السيكار كيشوف لبعيد بنظرات حاادة
الشخص:سيدي، لقظ عادت اليوم الى هنا .. راقبتها .. أخدت سيارة اجرة و ذهبت الى البيت ... رحلتها كان من المفروض الاسبوع المقبل لكنها قامت بتعجيلها و أخذت اول طائرة الى هنا ...
....:اممم هذا يعني انها تريد ان تنتقم بأقصى سرعة، و هذا جيد
الشخص: هل تأمرني بأي شيء
....: قم بحراستها جيدا ... أبسط خطوة اريدها ان تكون فعلمي قبل ان تخطوها ...
الشخص: حسنا سيدي
.....:(زف عليه بالكاس حتا جاه فالجبهة و هبط ليه الدم) إن وقع لها أي مكروه .. ستكون في عداد الموتى
الشخص:(حاط ايدو على جبهتو كيتالم)
....:(ببرود) اخرج
