ناصر: ياكما ناوي تخيم هنااا طوماس:(لاح الفاليز و الصيكان ديالو و جاا تلاح حدا "الفريد")اووه على رااحة(رد البال ل"اكرام")هاااي شكون نتي الزوينة ناصر:(ما حملوش يهدر معاها هكاك عارفو هو هكاك زاعم على اي واحد، بقا مبرد و كيبين بلي مدايهاش فيهم عكس النار لي شاعلة فيه) اكرام:احم انا "اكرام" صديقة "ناصر" "طوماس" شاف ف "الفريد" و شافو ف "ناصر" لي عاقد حجبانو و كيشوف فهاد المهزلة و هما يتفرگعووو بالضحك طوماس:وااااع ههههههههه ههههههه قالت ليك صديقة ههههههه ناااصر عندو صديقة و نتا لا ا الفريد الفريد: وييه ههههه "اكرام" بقات كتشوف فيهم كيفاش طايحين فالارض و كيتشقلبو بالضحك شافت ف"ناصر" لي عاقد حجبانو و بدا كيحماار بقالو شوية و يتفرگع ناضت بخطوات تابثة باتجاهو حتاا وقفات قدامو هو علا فيها عينيه شاف فيها بشوفات بحال الا كيستفسرها شنو باغا دير اما هي فتجاهلت نظراتو ليها و تقدمت بكل ما فيها من جرأة و جلسات على رجليه و حاوطت عنقو بايدياتها الصغيورين هو تصدم من الشي لي دارتو عكس ملامحو لي كانو ممحين و كيبينو العكس... شافت ليه فعينيه و حتا هو نفس الشيء كانو كيهدرو غير بعينيهم هو كيستفسرها شنو كتحاول ديير و هي كتهدن فيه نتابهو لشوفاتهم "طوماس" و "الفريد" لي تصدمو من الشي لي كيشوفوه قاطع صمتهم... طوماس:(كيصفر)وااااو عشت و شفت #عزرائيل مجلس بنت فوق رجليه الفريد: ناصر شنو وااقع هنااا ؟ اكرام:احم واقيلا عرفتو دابا شنو انا بالنسبة ل(و شافت لناصر فعينيه)حبيبي ناصر طوماس و الفريد:(بصدمة)حبييييييبي!! ناصر:(لاحها من فوق رجليه) احرق طواسل مكم جملة طوماااس: اممم نقولو حشمتي الفريد: ولفتي المغرب و ناسها(غمزة) ناصر:انا اناااا لي زا*ل داير راسي فيكم الفريد:تهدن و فهمناااا شنو وااقع هنااا ناصر:نتااا و طوومااس تبعووني داابا للفوق طلع بخطوات سريعة و هو بااين فيه بلي معصب لابعد درجة تبعو طوماس و الفريد و هماا مفاهمين واالو "طوماس" كان مبين الانفعالية ديالو من القصة ديال "اكرام" عكس "الفريد" لي كان هاااادئ بطبعو المعتاد كيحاول يفهم شنو واقع غير بالعقل اما "اكرام فخلاوها حااايرة بين هادشي لي دارت واش غادا فالطريق الصحيح ولا غير كتخربها على راسها... هي كان الهدف ديالها انها تشوف واش هو مستعد انه يبين لصحابو بلي كتعني ليه شي حاجة ولا لا و لكن التصرف لي دار خلاها محتاارة بطبع "ناصر" قليل لي اقدر افهمو شخصيتو قوية و باردة غامضة فنفس الوقت مكتعرفش شنو تحت راسو... بقات تابعاهم بعينيها حتا مبقاوش كيبانو ليها تنهدات تنهيدة خارجااا من القلب و طلعات للغرفة محسات على راسها حتا كانت فسابع نومة... اما "ناصر" فكان جالس فالمكتب ديالو بكل برود و كان شيئا لم يكن ناصر:انا كلام واحد لي عندي و مااا سوق حتاا حد فيااا طوماس: عزرائيل فكر معااايااا البوص الا سمع هادشي اكيد ما غيعجبوش الحال ناصر:(ضرب على المكتب)و علاااش لي ما يعجبووش بالسلامة طوماس: راك عارف بلي نتا بالضبك مانع عليك انك تحط شي بنت فعقلك الفريد:و زيد على هادشي هو صيفطك باش الشرطة تناااسى الحادث لي وقع اخر مرة ناصر:(وقف و عطاهم بظهرو باش يخرج)"اكرااام" هناا بلاااصتها مغتمشي فييين و البوص انا لي غنعرف ليه ماغنخليهش يوريني اش ندير(خرج و ضرب الباب على جهدو) طوماس:هاااد الحمق غنمووتو بسبااابو شي نهاار الفريد:(بعد سكووت)خليه يدير لي عجبو راه عارف شنو كيدير هبط فالدرج لقاها باقا جالسة فالصالة جرها من ايديها بلاما يهدر و حتا هي ماحاولات تقول حتا كلمة، لحد الان ما عرفاتش واش معصب من شي لي ظارت ولا لا اللهم تسكت و ما تزيدش تزبرلها، دخلها للغرفة ديالو لاحها و سد عليها الباب بالساروت و خرج من الفيلا فاتجاه البحر، و غير وصل جلس فالرملة مقابل مع الامواج و كل موجة كتجي و تمشي كتفلت منو تنهيدة و كانه كيشكي عليها كيخوي قلبو حمل ثقيل هازو و ذنوب بزاااف ديال النااس شحال قتل من نفس بريئة و عزيزة عند الله و هادشي غير باش ينفس على الغضب ديالو لي كيحس بيه من جهة راسو و من جهة الام و الاب ديالو تنهد تنهيدة خااارجة من القلب فاش تفكر الاب لي كانت بمثابة الاخ و الصديق ديالو ... و الأم ديالو تفكر المشهد لي شافها فيه بعينيه و هو فسن صغير زير على القبضة ديالو و مشا بخطوات تابثة جهة البحر و تلاح بحوايجو كيحس بالنااار شاعلة فييه باغي يبرد باي طريقة بقا غاطس فالبحر حتا برد... كان ديك الساعة الوقت تاخر و الظلام طاح و الناس بداو كيمشيو و البحر كيخوااا بقاو غير الناس لي كيتساراو... خرج و مشا جلس فوق الرملة حتا نشف من المااا و ناض دار نظاظر فعينيه و مشا للبار...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الزعيم😚😚😚
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
