ناضت "اكرام" كتجري للكوزينة لا يفوت فيها شي دقة و هي مزال ما برات من الصباح مسحات دموعها و هي كتفكر بلي هي لي جات حتااال عندو اذن بلاماا دير فراسهاا هاادشي، خاصها تكون قوية .
الشخص الوحيد لي كان عندها فهاد الدنيا قتلو هاد الوحش و الا منتاقمااتش منو واخاا يكون الثمن الموت ديال "ناصر" اولا ديالها اذن هي ما تكونش "اكرام" مسحات دموعها و دورات وجهها على الكوزينة لي كانت راااقية نقية من الخشب مشات حلات الثلاجة تشوف شنو تقدر دير للعشاا جبدات خيزو و مطيشة و الخس حطاتهم و خدات البطاطا قطعاتها و دارتها تصلق خدات الخس غسلاتو و نشفاتو قطعاتو و ستفاتو فالطبسيل هزات المطيشة قطعاتها دوائر و دارتها فوق الخس خدات البطاطا لي كانت ديجاا طابت قطعاتها على شكل مكعبات و حطاتها فالوسط و دارت فوقها شوية الملح و الابزار هزات الخيزو و حكاتو فالحكاكة مزيااان و دارتو فوق الپلا و خدات الكيتشوب و رسمات ابتسامة فوق البطاطا، خرجات داكشي حطاتو فوق الطبلة حطات حتا الماا غطات داكشي بثوب و جلسات كتساين "ناصر" يهبط يتعشا ما دازش بزاف ديال الوقت حتا شافتو هابط بسروال ديال الكيطما بصدرو العاري و فايديه فوطة صغيرة كينشف بيها شعرو لي متناثر منو خصلات على وجهو و قطرات ديال الماا على صدرو و عضلاتو البارزين كيبان مثييير وقف عليها و هي مزال حاالا فمهاا فييه قلب عينيه و قرب منها حتا حسات بانفاسو كضرب فوجهها
ناصر:(باستهزاء)سدي فمك الموت كدور
اكرام:(متسرطااتش لييها)على زيينك عندااك يسحابلك الا هبطتي مسفح علياا غنطيح فيك .. اصلا انا مشفتكش واش عريان و طالق علينا زينك مشفت لا عضلاتك ولا شعرك لي كيقطر عليهم مشفتكش فاش كنتي كتنشف فشعرك و...
ناصر:(قاطعها)عارفك مشفتي واااالو
اكرام:داكشي لي كنت كنقوول
ناصر:(ببرود)حيدي هاد الثوب من علا الماكلة
حيدات "اكرام" الثوب لي كانت حاطاا فوق العشاا و هي فرحااانة عند بالها حققات انجااز شافت ف"ناصر" هاد الاخير لي لقاتو حل فمو من الصدمة و بدا كيحماار شوية بشوية و هي كتعرفو مني كيتزنگ كيكون معصب شافت فالطبلة كلشي هو هدااك حتاا شهقاات
اكرام:لاااااا وييييلي كيييفاش قدرت نساااا سي "نااصر" سمحلي نسيييت الفوورشييط بااش غتااكل الا مكااانتش
ناصر:(هز راسو فيهااا بالعرض البطيء)عااودي اش قلتي
اكرام:(ببلاهة)نسيت الفورشيط
"ناصر" معقلش على رااسو تلاح عليها من فوق الطبلة شنق عليها و مكين لي يفكها منو
ناصر:وااش كتفلااااي على ديييييي*مي
اكرام: وشنو ياك قلتي العشا وجدتو مدرتهااا
ناصر: واااش انااااا كنباان ليك ارنب داايراا لياا الخس و الخيزو و الماطيشة
اكرام:اهئ اهئ واااا طلق راا المشااكل كتحل بالمفااهمة
ناصر:رااه اناا لي غنحل ليك الرااس بشي دقة
اكرام: (رفعات عينيها كترجاه) راك ضريتيني
ناصر:(طلق منها و هو كينهج)
اكرام:ش..ششووف دددد...داااباا رااا فرووسياا هادشي لي كنااكلو
نااصر:(ضرب فالطبلة)و انااا مكنتش فروووسيااا
اكرااام:اواا رااك عاارفهم اش كيااكلو
نااصر:(ناض و شدها من الفك دياالها و زير عليها)ما تلعبيش معااياا
اكرام:(بلعات ريقها و كتهضر بصعووبة)رااه هادشي لي كنعرف نطيب
ناصر:اوااا كوولي هاادشي(باشمئزاز)ولا بقاي بلا عشاا
اكرام:و لكن ..
"ناصر" مدااهااش فيهاا طلق منها و زاد باتجاه الفاكس ديال الدار دار اتصال طلب البيتزا و قطع و جا جلس مقابل معااها كيشوف فيها كيفاش كدور فعويناتها دازت من قدامو مشات للصال شعلات التيفي دارت فيلم مكسيكي و جلسات حاالة فمها فيهم مني يبكيو تبكي و مني يضحكو تضحك دازت 25 دق و ناصر كيشوف فيها بلا ملل ما عيااااش من الشوفة فيها سها فيها بلاما يرمش حتا قاطعو الدقان فالباب ناض حل كان الولد جاب ليه الطلب ديالو خلصو و مشا .. سد ناصر الباب و جا ماشي
ناصر:(شاف فيها و مشا طالع فالدروج)ليوم غتباتي بلا عشاا و غدا الا مدرتيش الفطور غتبقااي بالجووع
بقاات متبعااه بعينيها كتشوف فيه فيه بحقد مكرهااتش تنوض تقتلو و تهناا منو و لكن هي عاارفة بلي اللعب معااه مسااهلش بمرة فضلات انها تبت و تحصن حتاا تلقا حل... تنهدات و ناضت طفات التيفي و طلعات لقاتو ناعس تخشات حداه و نعسات حتا حسات بيه خشاها فيه و حاوطها بايديه خنقها مبقاتش قادرة تنفس و هي يا حسرة كاارهة العيشة معااه و حتاا الشوفة فيه رجعاات كتفكر فاش كيكون ناعس كتحس بلي ملاك فوق الارض و لكن غير كيحل عينيه كيتبدل من ملاك لشيطان مكيرحمش كيقتل الناس بلا رحمة و يخلي عائلاتهم معذبين من فراقهم ... نفضات هاد الافكار من راسها و نعسااات
