بدات كتحل عينيها و هي كتحس براسها مهدودة وراسها تقيل عليها حلات عينيها غير بالشوية كتبان ليها غير الضبابة من أثر الضربة لي خدات فراسها ... استغرق الأمر بضع دقائق حتا توضحات الرؤيا أمامها أول حاجة شافتها هي عينيه لي مكاينش ليهم مثيل بديك الحدة ديال نظراتو القاتلة و شوفاتو الواثقين ... دورات عينيها فالبلاصة لي هي فيها كانت فشي لوطو مواضحش الماركة ديالها الأهم أنها قدرات تعرف بلي هي فغابة، كتشوف غير الشجر و الضبابة لي دايرين بيها مدي ايديك تقطع، دورات وجهها عندو كان جالس فالكرسي ديال القيادة، مدور راسو جهتها و متكي على الكوسان مقابل وجهو معاها و كيشوف فيها، عاودت غمضات عينيها بالشوية و حلاتهم و كأنها كتأكد واش هو نيت لي قدامها .. أما هو فشاد الضحكة غير بزز و مطلع حاجب و مهبط لاخر فيها بديك التخنزيرة لي مكتحيدش من وجهو .. ركزات عينيها لي سوادهم مثل الليل فعينيه لي ماتقدريش تميزي لونهم، نظرتو هو مختالفة و قاصحة ماكيخليكش تركزي فملامحو بكثر ما كتبان جدية و كتخوف، حطات ايديها على وجهو كتحسس لحيتو لي كتموج ليها بين صبعانها الرقاق، و هزات ايديها التانية و حطات على خدو التاني و ميلات وجهها و هي كتشوف فيه بنظرات مغرية، بدات كتقرب لعندو بالشوية حتا لاصقات نيفها مع نيفو، ريحة أنفاسو الحارة كتوصل لعنقها دغدغاتها و خلاتها تغمض عينيها و عضات على شفايفها، أما هو مابعدش عينيه عليها باغي يعرف شنو كتحاول دير .. حطات شفايفها على شفايفو الباردين و طبعات قبلة دافئة و رجعات للور و حلات عينيها تشوف ردة الفعل ديالو، و لكن هو ما تحركات فيه حتا شعرة، طلعات و هبطات عينيها فيه، رجوولي و مثير بمعنى الكلمة، شعرو رطيطب و كحل بحال ظلمة الليل مبعثر ليه على جبهتو، بشرتو السميمرة برونز كتوحي لأنه عربي، عينيه الصغار مرمشين و لونهم نااادر كيحمقوها مديقهم فيها و حجبانو الكتاف مخربقين، النيف فبلاصتو حاد، جات عينيها على فمو لي مرسوم لونو زوين غوز و مائل للموف بالتدخين، غمضات عينيها من جديد و حطات شفايفها على شفايفو، ما ستغرقش الأمر بزاف باش يحل فمو هاد المرة ما تجاوبش معاها خلاها دير ما بغات حتا يشوف فين بغات توصل،كتعض الشفة السفلى و كتلعب بيها بين شفايفها و فنفس الوقت مهبطة ايديها حيدات ليه الكويرا لي كان لابس و خلات ايديها كتحسس عضلاتو ... للحظة وعات على راسها و ماعرفاتش شنو دير من غير أنها تبعد عليه بالزربة و هي كتقلب فعينيها ما عرفاتش كيفاش غتبرر هاد التصرف لي دارت، أما ناصر فبقا محافظ على الهدوء ديالو ماتحركش .. ما حملاتش الجو و الموقف لي تحطات فيه، أول مرة تجرآت عليه و هو ماتجاوبش معاها، ماخداش منها الأمر بزاف ديال الوقت باش دور عندو و هي كتشوف ليه فعينيه، و علاش غتحشم منو و هو دار فيها كتر من هادشي لي دارت هي، بان ليها بدا كيقرب ليها خافت لا يسخن الطرح، وجهات ليه بالزربة صبعها و هي كترمي كلامها ليه .. اكرام: شوف بلاما تمشي بعيد أنا غير بغيت نوري... قاطعها بقبلة فرنسية طويلة و هي مطرطقة فيه عينيها، خشا ايدو بين خصلات شعرها و جرها عندو و ما كان منها الا تجاوب معاه، بقاو هكاك ل10 دقايق تقريبا عاد بعد عليها و هي مصدومة ما عرفات ما تقول مزال .. ناصر: فيك بزاف ديال الهدرة و عرفت كيفاش نسكتك اكرام:(دارت شافت فيه بغضب) راااه نتااا كتت.. ناصر: (قاطعها) نتي بان ليا عجباتك الطريقة لي سكتتك بيها قبيلا و بغيتي تعاودي تجربيها ما بيك لا هدرة لا والو طلعات و هبطات فيه و دارت كتشوف قدامها أما هو فضحك فخاطرو حيت هادشي لي كان باغي غير يعصبها، هبط من اللوطو و هي تبعو بصوتها اكرام: طلع السلسلة د التجاكيط ناصر: (طلع فيها عينيه باستهزاء) كتخافي عليا زعما اكرام: خفتك غير تمرض و تلصق فيا، غير لي بغا يدير فيك خير، اصلا علاش ندير خير فواحد غتاصبني ناصر:(باستفزاز) شكون لي حل ليا الجاكيط من اللول، را نتي لي قبل دابا شوية كنتي غتغتاصبيني اكرام: (بغضب) نتااا فاهم الموضوع غ.. ناصر: (قاطعها) ايه ايه و دابا سكتي و هبطي ولا غنسكتك بطريقتي هبطات كتأفأف و ردخات الباب من وراها بانت ليها الضبابة بدات كتمشي و لكن الليل بدا كيطيح و باينة الشتا غتصب هاد الليلة و غير الشجر لي داير بيها ما عرفاتش فين كاينة هي گاع، دورات راسها جيهتو لقاتو متكي على الكابو ديال اللوطو و كيشوف فيها، متتبع حركاتها الطفولية و عيونها البريئة، ما تردداتش أنها تسولو .. اكرام: حنا فين كاينين ناصر: (ببرود)فداري اكرام: كيفاش دارك هادي راها غابة ناصر:(ببرود) حافظ كل شبر منها والا تزادت غير ورقة فهاد الشجرات كنعرفها اكرام: بقات ليك غير الغابة حتا هي ما خليتيهاش فخاطرها بقا بنفس البرود و الغموض ماكتعرفيهش علاش ناوي، دار ايديها الصغيورة بين ايدو و زاد بخطوات تقيلة و هي موراه، للحظة سهات فيه، كتعبر مشيتو الرجولية و كتافو العراض، هبطات عينيها لايدو لي كارز بيها على ايدها، عجبها الحال حسات بيه كيحميها و نسات بلي هو أكثر واحد آذاها، و هدرات .. اكرام: واش دارك غنلقاو فيها بنات اخرين ناصر:(حبس و دار شاف فيها)علاش (قرب منها حتا لصقها مع واحد الشجرة و هزها من خصرها قابلها مع وجهو) غتجيك الغيرة منهم(باستهزاء) اكرام:(توترات) للااا، لا غير سولتك ناصر:(طلق منها و زاد) اكرام: (ترددات واش تهدر ولا لا و لكن فالآخر نطقات) يسحاب ليا غادي نتهنى ما غنبقاش نشوفك، شنو فكرك فيا ناصر:(الصمت) اكرام: (كملات هدرتها) توحشتيني هه، ديك الساعة عيط ليا نجي عندك ما كاين لاش تخطفني، حدد غير الثمن و أنا معاك غير سمعها قالت ديك الهدرة و دار بالزربة قجها حتا لصقات على الشجرة، ناصر:(شرارات الغضب فعينيه) علاش كدوري دابا اش هاد الهدرة اكرام:(كتأوه و الدمعة فعينها) ياك نتا لي قلتي أنا رخيصة، الا نتا نسيتي انا مانسيتش طلق منها و زاد بالزربة و خلاها هي وراه كتشوفيه، واحد العقل كيقوليها هربي و مادوريش من وراك هذا را يقتلك و يمشي فجنازتك، و عقل آخر كيقوليها فينما مشيتي غيلقاك و ديك الساعة عاد غتحلى ليه القتيلة ديالك، ما فكراتش مزاال، غمضات عينيها و طلقات رجليها للريح ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
