خرج ناصر على برا و هو معصب شاعلة فيه العافية تبعوه صحابو و هما كيحاولو يهدنووه
الفريد:ما ديرش هاااكااا ا ناصر
ناصر:(ببرود)علاش شنو دااير اناا
طوماس:صااحبي خليهاا علييك ديير لي بغاات تخرج حتاا عريااانة شنو مشاا ليناا حنااا
ناصر:(ببرود)طلعو للوطو
طوماس:غنمشي نجيب ليفالييز
الفريد:غنجي نعااونك
ناصر: انا غنجيبهم ..
الدراري مزادوش معااه حتاا كلمة طلعو فحالهم عارفينو معصب وااخاا كيبان من برااا هادئ و باارد الا انه بركااان و علاااين ينفجر بقا واقف على برا كيبرد على راسو و يزفر و يسوط مرة مرة يضرب اللوطو برجلو حتاا تعصب مزيااان دخل بخطوات سريعة لقاها واقفة فالحمام كتقاد الميكاب ديالها زااد تعصب
ناصر: ما غتبقاوش نتسناوك حتال غدا .. هااد الت***ين حتا تمشي من هناا و ديريه
اكرام:(ببرود)سااليت
دازت من حدااه و خرجات خلاتو مبلوكي فبلاصتو من البرود ديالها خرج حتا هو من بعدما دار لي فاليز ديالهم فالكوفر و طلع جلس كان جالس حداه "الفريد" و "طوماس" و "اكرام" جالسين اللور هدر بلا ميحس
ناصر:(كيشوف من الزاجة و كيهض معاها) اجي القدام ولا عااجبك تبقاي تحككي مع من كان
الفريد: اكرام اجي لهنا و خليني انا نرجع للور
ما جاوباتهنش و ناضا جلسات حدااه و على وجهها ابتسامة شر .. الراجل لا بغيتيه يحطك فراسو شوفي اكثر حاجة فيه خايبة و خوديها منو .. ناصر بارد و هاكا ولات حتا هي متصرف معاه بنفس البرود .. و هادشي خلاها دير بلاصتها كتر و تشوش عقلو .. اصلا هادشي لي كانت باغا توصل ليييه .. خااصهاا تأكد من انو مغمشيش لروسيا و يخليها حيت بهااكاا هدفهاا و داكشي لااش جاات ما غيتحقق منهم واالو بقااو غاادين فصمت كل وااحد و فااش كيفكر حتا وقف بيهم ناصر كانو قدام ساحة الحمام نزلو من اللوطو و مشاو كيتساراو و يتصورو و كلشي حااضيهم البنات غياكلوهم بعينيهم و الولاد غير لي داز من حدا "اكرام" كي بغي يهدر كيشوف دوك القلدات لي معاها كيخاف على عضامو و كيزيد خلفة مع الطريق اكرام شافت النقاشات حلفت متزيد بقات كتفركل ليهم حتا جلسو معاها نقشات صبيع و ناضت فرحانة و ناصر مقابلها من بعيد و مرة مرة كيرسم ابتسامة خفيفة على وجهو... مشاو لقيسارية باب مراكش شراو كل ما عجبهم "طوماس و الفريد" سبقوهم للوطو و هما وقفو عند واحد السيد كيبيع الديكورات طاحت عين "اكرام" على واحد السلة فيها ديكورات على شكل قلب و وسطو كيديرو تصويرة و فيها زوج بلايص كيحفرو فيهم سميات مشات كتجري و هزاتو بين ايديها و عينيها كيلمعو
اكرام:(للبائع)سيييدي شحال دااير هذاا ؟
البائع:هذااك ا بنتي ب80 درهم و الا نقشت ليك السميات غيولي ب 150 درهم
اكرام:اممم عفااك عطيني وااحد و نقش ليا فيه هاد السمياات
البائع:وااخا مرحبا
من بعد صاوب ليها البائع داكشي لي بغات خلصاتو و مشات باتجاه ناصر و هي فرحانة و كتنقز كيف شي فراشة
اكرام:هههه شووف شنووو شرييت
ناصر:(بلا ميشوف)امم زوين
اكرام:اناا شريتو لييك
ناصر:(نزل راسو و خدا من عندها القلب كيشوف فيه)
اكرام:تقدر دير فيه التصويرة لي بغيتي و راه نقشت عليه سميااتناا
ناصر:(باستهزاء) هاد القلب هو لي غيخليني نتفكرك زعما
اكرام: تذكار و صافي
ناصر:(قرب منها و حط ايدو على قلبو) ما عنديش هذا لي يبقا يتفكر بنادم على والو ...
اكرام:(قربات منو و تعلات على صبيعاتها حيت طويل عليها بزاف)ما تمشيييش عفاااك
ناصر بعدها عليه و زاد و خلاها جايا كتعثر فرجليها من ورااه و تلعن و تسب فيه فخاطرها على القمعة لي خدات منوو ما وقفو حتا كانو حدا اللوطو ركبو و هماا ناشطين مخدمين الموسيقى و كيشطحو و يغنيو معاها الا ناصر لي غير ساكت و كيشوف فيهم .. عمرو عاش بحال هاد الاجواء و لكن كيشوفها كيفاش كضحك و تغني و فرحانة، بتاسم و الفريد غير كيدندن معاهم ما وقفو حتال عين الدياب نزلو و كان البرد محرك واخا الصيف
اكرام: البرد محرك
الفريد: قاليك ناصر فاللول لبسي مزياان
ناصر:خليهاا تعري لحمها .. ما سوقناش فيها
الفريد:احم طوماس يلله نزلو للبحر
طوماس:يلله(زادو و اكرام بغات تبعهم و هو يشدها)
ناصر:وقفي حتا نمشيو بزوج
اكرام: طلق خليني نمشي فحاالي (زادت بخطوات تابعا الدراري هو يتبعها و شدها من شعرها حتا حسات بالجلدة غطير من بلاصتها و زير عليها)ااااي
ناصر:بااقا تجااوبي معااايااا بهاد الطريقة نفرشخ مك
اكرام:غيير طلق طلللق راك ضريتيني .. ما غنعاودش
ناصر:غير عاودي باش نفرشخك ما يلقاو ما يجمعو فيك (طلقها)
اكرام: تففووو
ناصر:(هاد المرة جرها من شعرها حتا حسات بالفيزيبلات ديال راسها تجبدو)
اكرام:ااااي طلللللق طلللللق .. عنقي ااااي
ناصر:(هز ايدو و نزل عليها للوجه)هاااد الفم لي كيجيب ليك الصداع
الدراري حسو بيهم متابعينهمش دارو كيقلبو عليهم و هما يشوفو ناصر شاد اكرام من شعرها و كيسب فيها و الناس واقفين كيتفرجو شي كيتشفا شي كيضحك و شي حاسدهم .. البنات باغين يكونو فبلاصتها واخا يقتلهم غير يكونو معااه، و الدراري كيقولو مع راسهم كون كانت عندهم شي وحدة بحال اكرام ما يقيسوش شعرة منها، مشاو الدراري كيجريو فكوها من يدو ..
طوماس:صاحبي نتا شنو كدير خليها عليك
ناصر:(طلقها و دفعها حتا تلاحت) يلله فحااالنا(دار بان ليه بنادم مجموع بدا كيغوت) شنوووو، عندنا الحلقة .. يلله كل واحد يمشي ي**د
الفريد:(تنهد) ناصر .. براكة .. يلله نمشيو
طلعو للوطو الفريد خدا العنوان ديال الدار من عند اكرام و عطاه لناصر، فالطريق كان كيخيم على الجو الهدووء و السكااااااات حتا وااحد ما قادر على الهدرة ولا الخصام فضلو انهم يسكتو حتا يشوفو هادشي فين غيوصلهم وقف ناصر باللوطو قدام فيلا "طوني و حسناء" نزل هو اللول يهبط ليها فاليز ديالها اما اكرام فنزلات من بعدما ودعات الفريد و طوماس خدات الفاليز من ايد ناصر و هي الدمعة واقفة ليها فعينيها ما حسات براسها الا و هي مرمية فالحضن ديالو
اكرام: ما تمشيييش عفاااك
ناصر:(بقا جامد)خاصني نمشي
اكرام:(دموعها هابطين)عفاااك خليييك
ناصر دفعها حتا جات طايحة فالارض و مشا بخطوات سريعة طلع فاللوطو و كسيرا باتجاه المطار و هو كيطرد من تفكيرو اي حاجة كتعلق ب"اكرام" هاد الاخيرة لي ناضت من للارض نفضات حوايجها و دقات تسنات دقايق قليلة حتا تحل الباب...
