بعد اسبوعين ... كانو كيف العادة مجموعين على طبلة الفطور .. طوني و حسناء لي قاليك غيفطرو برا بحكم خدمتهم لي يلله ترسمو فيها فالمغرب تاني، و يلله كيقادو فأمورهم .. سنام مهبطة راسها على طبسيلها لي حاطة فيه غير الخس و الخيار و كتاكل بالسكات، ضارها راسها من ليلة الأمس، ما نعساتش بقوة التفكير فالماضي ديالها، و عاد مستقبلها المجهول .. اكرام جالسة حداها حتا هي مهبطة راسها على طبسيلها كتاكل فالزيتون مسلالة، ساهية كتفكر فحياتها و شبابها لي كيضيع و هي كتشوف، حتالين غيبقا هاد ناصر كيعذبها فحياتها .. ناصر كان يلله هابط لابس طقم رسمي فالأسود و البارفان تشميها من وين و وين، داير شعرو جنب و شي خصلات نازلين على وجهو، هدا اسبوع تقريبا و هو كيفيق بحال هاكا و كيخرج حتا حد ما عارفو فين كيمشي من غير الفريد و ميساء لي جالسة فخاطرها و فرحانة و كتاكل بأريحية، و السبب ان طوماس لي موالف يبرزطها هادي 15 يوم و هو مختفي، رتاحت منو نسبيا، واخا مرة مرة واحد الجانب منها كيخليها تفكر شوية فشنو غيكون كيدير و فين غيكون مشا من بعد اهر ليلة شافتو و اخر تصرف صدر منو فحقها .. شافت فناصر و سبقات ابتسامة عريضة ميساء: صباااااح الخيييير ناصر: (بتاسم ليها) صباح النور ميساء: (كتنعت ليه الكرسي لي حداها باش يجلس) كيف صبحتي ناصر: (جلس حداها) اللهم لك الحمد و الشكر و نتي ميساء: (بتاسمات) الحمد لله، شفتك لابس و مقاد .. شياكة على اللزوم هههه واش غتمشي لشي بلاصة اخرى من غير لي كنعرف اكرام هزات فيها راسها ببطىء و عاودات هبطاتو، اواا هادي لي بقات ليها، هي و عمرها سولاتو فين غادي ولا منين جاي، لا و زايدينها بالأسرار و الزعامة لي ولات بيناتهم، و لي زاد صدمها هو ناصر لي كيتجاوب مع ميساء عادي و كيضحك، و هي كينكد عليها فحياتها، ضربات العظم ديال الزيتون مع الارض حتا دار كيشوفيها و رجع قلب عينيه عند ميساء .. ضحكات فنفسها و هي كتفكرو كيف كيحمد الله و يشكرو تقولي السيد كيصلي على هيدورة السبع ناصر: داكشي علاش هدرنا لبارح ميساء: (بفرحة) اااااي واش داكشي لي فبالي نيت ناصر: (غمز ميساء) راك عارفة (كيشوف فاكرام بنص عين) واخا ماكرهتش كون مشيتي معايا حسن ضحكات ميساء و هي كدير ليه براسها احيااني عليك، هي واخا كتبان ليكم زعما الدين و الضرافات و واخا عزيزة عليها اكرام هادشي ما منعهاش باش تنصح ناصر ببزاف الحوايج، و اولهم الاهتمام، الغيرة .. تنهد كيشوف فيها بنص عين و هي جالسة ما هزاتش فيه راسها، و عاد عاقدة عليهم غوباشتها، هادي 15 يوم ما شركات معاه الهدرة، مخليا ليه البيت و جالسة مع البنات فبيتهم ما كتشوفش جهتو و حتا هو كيتسناها تعرف الغلط ديالها و تجي تعتاذر و لكن معامن، عدوه عمى .. و لكن ما ينركس بلي توحشها و بغا يسمع واخا غير صوتها .. ناصر: شحال من شهر عندك دابا .. فالحمل اكرام: (جاوباتو بلاما تشوف فيه) ما عرفتش باقي ما شفت شي طبيبة ناصر: ميساء غتديك عند شي طبيبة اخصائية مزيانة ... باش نطمنو على صحة الولد ما جاوباتوش، كتافات بأنها تهز كتافها بلي بان ليك سنام: (هزات راسها موجهة هدرتها لاكرام) صحيح، كنت اريد ان اطلب منك شيئا اكرام: (طلعات فيها حاجبها) حقا، ما هو هذا الشيء سنام: اريد ان اتعلم للغة العربية، في الحقيقة انا اريد اكثر من هذا، اريد ان اتعلم للغتكم هته اكرام: (ضحكات) لغتنا هذه اسمها "الدارجة" سنام: الدراجة؟ اكرام: اويلي هههه الدااااارجة سنام: (كتحاول تنطقها) داليجة؟ اكرام: ههههه لااا .. انظري الي (كتحاول توريها منين كتخرج الحروف) الدااارجة سنام: دد الداااريييجة اكرام: ييس حبيبتي انظري، سأريك عدة برامج و افلام مترجمة كي تبدأي في التعلم بسرعة .. سنام كدير ليها اه براسها و كيضحكو تحت انظار ناصر لي ماكرهش يقتلها على البرود باش كتعامل معاه، فنظرو هو را هي لي غالطة كذبات عليه و هي لي خاصها تعتاذر، و لكن هي غير ما زايدة فيه .. و فنظرها هي، ناصر ما عمرو غيتبدل كان و غيبقا شخص همجي ما كيعرفش يتعامل ... كان يلله جاي داخل و التيليفون فودنو .. غير شافتو تلونات و تفكرات الموقف لي تحطو فيه ديك النهار، اصلا من تما ما عاودات شافتو، هي كتجنب تجمع معاهم فنفس الطبلة غير باش ما تشوفوش، و هو معظم وقتو ولا كيدوزو برا مشغول ... الفورشيط لي كان فايديها طاحت ليها فالأرض بالخلعة و التوتر، كلهم دارو كيشوفو فيها، نزلات هزاتها بخفة و حطاتها و هي كتستأذنهم باش ترجع لغرفتها .. اكرام بقا غير كتشوف فيها ما عارفاها مالها تغير ليها الموود و لكن متأكدة بلي عندها شي حاجة، خلاتهم و ناضت تبعاتها .. ميساء صغرات عويناتها و هي كتشوف فسنام و فألفريد لي بان عليه حتا هو التوتر و زفر بجهدو كامل، لي خلا ليه خوه غتكملو ليه هادي .. خاف غير شي حد يعيق بشي حاجة و غيولي يبان صغير قدام بنادم، ندم حيت ما خدمش عقلو فديك اللحظة و تبع شهوتو .. ناصر: (ببرود) ما كاينة عليه حتا خبار الفريد: (كيجلس) لا وااالو، ما موالفاش ليه .. خايف عليه .. خايف عليه بزااف ما موالفش يغبر و عاد ما كيعرفش هنا مزيان، مابغيتش ندخل البوليس فهادشي و لكنن راه موالف يسهر و ماكيباتش دارت ضحكة جنب و هي كتسمع ليهم، اصلا اش كتسنا من واحد بحال هداك، يكون هاز الصلاية و كيدور من جامع لجامع، باينة فاش تقرب منها و ما صور منها والو خرج يقلب على شي وحدة تبردو، تنهدات كتستغفر الله فنفسها و جات نايضة من حداهم و هي كتمنى لناصر التوفيق ناصر: (تنهد) على الله يكون بخير يلله وصلات للدرجة الاولى حتا قاطعها صوت كي لقي السلام، و الصوت ما غريبش عليها ... غمضت عينيها و كأنها كتحاول تفكر فين سامعاه، بدات كدور بالعرض البطيء، حتا جات عينيها فعينيه نيشان، و هو يهبط راسو للأرض و كتفى بأنه يهز ايديه لجهتها طوماس: السلام عليكم و رحمة الله تعالى و بركاته (هبط عينيه كيهمس لراسو) النظرة الأولى لك و التانية عليك، ما خاصكش تبقا تشوفيها حرام احم لسانها تعقد، ما بقات عرفات باش تجاوب ولا اش خاصها تقول و هي كتشوف التحول الكبير ديالو، الشخص لي كان كيبان ليها مبرهش و باسل، لي شحال من مرة فات حدودو معاها .. لي ديما لابس السراول مقطعين و تيشورتات و و السناسل الكتار حول عنقو و الخواتم لي ماليين ايديه، شعرو لي داير ليه ليميش ولا البيرسينغ لي فودنيه ... كلشي مشا، و لقات راسها كتشوف شخص مختالف تماما قدام عينيها، شخص كيستحي ما عاودش فيها الشوفة، لابس گندورة فالزرق و قرآن صغير فايديه، ما داير لا سلاسل لا خواتم و حالق شعرو .. القى بخطواتو و هو كيتمشى بالشوية عليه و حال رجليه .. قلبات وجهها بالزربة و هي حالة عينيها على جهدهم و طلعات كتجري و هي كتحس بقلبها غيخرج من بلاصتو ... جر الكرسي و جلس مهبط راسو و متردد باش يهدر و كأنه حشمان من الشي لي غيقول طوماس: الا كنت خليتكم مشوشين عليا سمحو ليا بزاف ا خوتي و عذروني .. كان خاصني نجلس مع راسي و نفكر فمجرى حياتي لي عبارة عن تفاهات، لقيت راسي بلي ما عندي باش نقابل ربي، الأشياء لي درت فحياتي كاملة تقريبا تؤدي للهلاك و العياذ بالله .. لذلك الحمد لله لقيت انني باقي عندي الوقت لي نصلح فيه راسي و ها نتوما كتشوفو التغيير قدام عينيكم هز راسو فيهم لقاهم باقين مصدومين فيه غير كيشوفو و ساكتين .. هو كان متوقع هاد ردة الفعل منهم داكشي علاش ما ستغربش بزااف، و لكن تأكد بلي حالتو كان ميؤوس منها لدرجة كبيرة طوماس: احم .. عارف بلي تصدمتو شوية و لكن خاصكم تقبلوها ناصر: (ضرب على الكبلة حتا قفزهم) ناااري و تكون كدير هاد الفعايل باش تخلي ميساء تبغيك و فاللخر دير ليها شي بلان، كنحلف ليك بالله تا غتخسر معايا طوماس: أعوذ بالله من الشيطان الرجيم، ديك البنت ما بقيتش كنشوف فيها شي نظرة مخلّة اصلا، و نادم لاش تقربت منها الله اسمح ليا ا خويا .. النفس أمارة بالسوء ناصر: (بتاسم و ربت على كتفو) فرحان ليك حيت درتي عقلك ا سي الفقيه هههه طوماس: قول سي جابر ناصر: (تقاد فالجلسة و هدر ببرود) بدلتي السمية حتا هي .. وعاريتي علينا الفريد: طوماس نتا متأكد من هادشي لي كدير فيه طوماس: "جابر" (بتاسم) سميتي جابر من اليوم ناصر: (رجع راسو اللور كيضحك) خليه عليك ا الفريد، الظري دار عقلو مالك بغيتي نتا تكون كافر تكفرنا معاك كاملين .. نوض رجع لله و قلب على الدين لي ينفعك .. جابر: بصح ا خويا، ها انا و ناصر افضل مثال قدامك، لي شافنا اش كنا كنظيرو يقول غنوليو هاكا ليوم الفريد: هادشي ما كيغيرش حقيقة انكم كنتو مجرمين جابر: إن الله غفور رحيم ا خويا كنتمنى تفكر مزيان و تشوف لي غينفك الدنيا را ما دايماش ناصر: ما قلتيش لياذ منين طاحت عليك هاد السمية طوماس: واحد الفقيه لي فتاها عليا را كتعني "المعوض عما فقد"، هو نيت لي نطقني الشهادة ناصر: هههههه مزيان ا سيدي، اوا دخلتي للاسلام غا بالشهادة و تبدال السمية ما فخباركش را كاينة شي حاجة سميتها الختانة جابر: (هبط راسو باستحياء) عارف، الحمد لله أنا مسلم .. بحالي بحالك دابا هههه ناصر: (خشا ايدو فجيبو و جبد 200 درهم و دارها لجابر فايديه) هاك الباروك را التقاليد د المغرب هادو ههههههه جابر: ااه فكرتيني خاصك تعلمني شوية التقاليد ناصر: وااا هدااا عليا التقاليد بيني و بينهم غا الخير و الاحسان، شوف ليك ميساء سولها على لي بغيتي و لكن .. فاطار الاحترام جابر: وايلي ا سي ناصر باقي كتخاف مني هههه ناصر: بارك ليا بديت واحد المشروع (بابتسامة) دابا باقي صغير و لكن ان شاء الله بالشوية بالشزية حنا يلله بادين كيف اي واحد جابر: (ناض بالشوية و كيتمشى فرك حتا عنقو) مبرووك ا خويا ناصر: هههههه وليتي كتمشى بحال البطريق ا صاحبي .. الله ابارك فيك غا سير تبرك هههههه جابر: (طلق منو و رجع جلس) ضحك ضحك ..نتا لي جات معاك .. ناصر: هي هادشي كامل على قبل ميساء .. ولا عاد جاتك على الدين ا سي جابر جابر: هههه نسى عليا البنت المهم .. ما نكدبش عليك و الله ما كرهت تانا شي مشروع ناصر: الله ياودي مرحبا بيك لا بغيتي دخل شريك جابر: وايلي كدوي بصح .. ما نساش ليك هاد الخير الفريد بزااف عليه هادشي، شاف حتا عيا و شد فراسو و ناض من حداهم .. كيبان ليه خوه بحالا خرج ليه العقل و ناصر كتر منو زايد ليه فهبالو، ما باغيش يبقا يهدر بزاف، طوماس ولا معرت جابر را كبر و ولا راجل هو عارف مصلاحتو، و دار لي بان ليه يعني حتا حد ما غادي يبدل ليه رأيو دابا ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
