القاتل المأجور (متوقفة)

15

فاقت بطلتنا على شميسة و هي كتدغدغ وجهها بقات شحال و هي كتكسل لاحظات غياب "ناصر" هزاات كتافها بلا مبالاة كتمنى كون غير مات ولا طرات ليه شي حاحة خايية لي تهني الدنيا منو و من لي فحالو هو فنظرها مجرم و قتال و بلاصتو فالسجن حلات الباب ديال البالكون كتشم شوية الهواا تنسا مشاكيلها و همها لي معندوش الحد هزات عينيها لفوق اول حااجة طاحت فبالها هي الله و علاقتها معااه شافت راسها مقصرة من جيهتو بزاااف رغم ان الاب ديالها روسي الا انه مني تزوج بالام ديالها دخل الاسلام و كان مقتانع بيه كان كيصلي و كيوصي بنتو حتا هي تصلي .. مشات كتقلب فخزانة ناصر على شي حاجة طويلة ما لقات واالوو طاحت عينيها على ايزار هزاتو و دخلات للحمام توضات و استغفرات لوات عليها الايزار و خرجات صلات زوج ركعات و الفجر طلبات من الله يسمح ليها على تقصيرها من جيهتو و ييسر ليها امورها و يبين ليها طريق الخير من الشر بكات حتا رتاحت و ناضت اول محيدات الايزار لقات "ناصر" متكي على الحيط كان لابس حوايج الرياضة و عرقاان و فايديه ساشيات بزااف ...كيشوف فيها شوفات ما مفهووميينش قرب منها و عينيه منزلووش عليها
ناصر:(بصوت بزز باش سمعاتو)الله يقبل(نزل راسو حدا ودنيها بهمس)خديت ليك شي حوايج راهم فالساشيات
دخل للحمام و خلاها مبورشة من الشي لي دار معاهاا فاش شافتو قالت اكيد غيستافزها تاني بشي كلكة و لكن ردة فعلو صدماتها ..
طوات الايزار باش صلات حلات الساشي لقاتو ما مقصرش جايب ليها شلا حوايج معول عليها غتطولل عندو تسللات ابتسامة لوجهها .. ها هو دارها فبالو و هادشي لي بغات .. جمعات الضحك دغياا لبسات عليها بيجامة فالحمر و البيض كانت مستورة سروال و تريكو و اغلبية الحوايج لي جاب ليها مستورين ... نزلات للكوزينة صاوبات زوج اومليط دارتهم فطبيسلات قطعات كاشير طرنشوات و حطات الزيتون جبدات عصير الليمون لي لقاتو فالثلاجة كباتو فالكيسان و خرجات داكشي ستفاتو فوق الطبلة و هي كتخطط و تفصل و تخيط حتى شافتو نازل هاد المرة كان لابس تيشورت كحل و سروال كحل و واراش كحلة، عاقد غوباشتو كيف العادة جلس كياكل فصمت حتا قاطعاتو
اكرام:سي نااصر
ناصر:(لا رد)
اكرام:بغيت غي واحد الطلب
ناصر:(بلا ميشوف فيها)شنو ؟
اكرام:ممكن تجيب ليا صلاية و شي عبايات مستورين
ناصر:(علا فيها عينو كيشوف فيها بنظرات ما فهماتهمش شي لي خلاها توثر و تنزل راسها)الا كان ممكن
ناصر: حتال ليل .. عندي شي شغل و غنجيب ليك اش بغيتي معايا
اكرام:(بلا متحس)علااش فين غتمشي
ناصر:(بحدة)شفتك تحلاات ليك واقيلا دسرتك وليتي دخلي فلي مكيعنيكش
اكرام:(حابسة البكية)س...سمحلي
ناصر:هااد المرة متبقااايش دخلي فشي حااجة بعيدة عليك
اكرام:(و الدموع هوادين)م...مم...مففهوم
ناصر:(من بعد صمت طويل)غنمشي للمطار نجيب صحابي ليوم غيجيو يدوزو شي ايام فالمغرب
اكرام:(علات فيه عينيها)واش نمشي ؟
ناصر:(هز الكاس لي كان قدامو و ضربو مع الحيط حتا ولا تفرتيت)شحاال من مرررة غنقووليك نسااااااي الخرووووج من هاااد الفيييلا حتا نبغي انااا(دار باش يمشي يخرج و هي تشدو من ايدو)
اكرام:واااش هذااا حبس
ناصر:(تلفت عندها)اه حبس و لي دخل ليه كيتحكم
اكرام:بباااش كيتحكم ؟
ناصر:(بحدة)بالمؤبد ولا الاعدام
"اكرام" بلعات ريقها و طلقات منو و هي متبعاه بعينيها كيفاش غادي خارج بمشيتو الرجولية لي كتخلي كيانك يتهز الشوفة فيه كتخليك تحس براسك فخطر شوفاتو ما مفهومينش بل هو كلو ممفهومش كل مرة كيكون فشكل مكتعرفش ايمتا ممكن يتقلب فيقها من سهوتها الباب و هو كيتسد على جهدو
اكرام:ديييه معاااك نتااا گااااع
تنهدات بملل و مشات للكوزينة غسلات الماعن ديال الفطور مسحات ايديها و مشات جلسات فالكناب شعلات التيفي ما لقات فيه والو ناضت تقلب فالفيلا بتأني كدور فيها و هي عاجبها الحال سلات من الطابق السفلي طلعات الفوق كانت الغرفة الاولى مسدودة بالساروت باينة فيها شي حاجة و لكن منين غيجيها الساروت باش تعرف، دازت جهة الغرقة التانية ديال "ناصر" لي كتعرفها مزيان ما دخلاتش ليها حيت عارفااهاا كيف دايرا مشات الغرفة التالثة كانت بحال ديال "ناصر" الاختلاف غير فالالوان حيت ديال ناصر الوانها فالكحل و البيض عكس الغرفة التالية لي كانت بالبيض كااملة كتحس بالطمأنينة و نتا فيها سدات و مشات الغرفة التالية لي كانت عبارة عن صال ديال الرياضة و بحكم بطلتنا معندهاش مع الرياضة فانساحبات بكل هدوء بغات تحل الغرفة التالية تشوفها و لكن كانت مسدودة بالسوارت و الغرفة لي من وراها حتا هي حسات بلي شي حااااجة كااينة فهاد الغرف لي ساادهم بالسواارت و هي خااصها تعرف شنو غيكون فيهم قلبات عينيها و هبطات جلسات قدام التيفي تلف الوقت حتا سمعات صوت العجلات ديال اللوطو تحكووو مع الارض محاولاتش تنوض تشوف شنو كااين بقات جالسة فبلاصتها حتا شافت "ناصر" داخل عاقد حجبانو و ما عاجبو حال هاز فايدو طاكوس ليهم كاملين و الموناضة حطهم فوق الطبلة و جلس دخل من وراه شاب كيبان فالعمر ديالو جار فاليز ديالو و ملامحو ممحيين كتبان عليه هادئ حروفو شرقيين من الشوفة عرفاتو ماشي مغربي جلس و هو مستغرب منها حيت ما عرفهاش و "ناصر" مقاليه والو عليها و مموالفش يجيب البنات عندو للدار
الفريد: هااي انا الفريد
اكرام: و عليكم السلام انا اكرام
الفربد:مشرفين ممك...(قاطعهم الغوات لي على برا)
طوماس:(و هو داخل للفيلا و كيغوت) واااع و عااونووني ا ولااد الناااس و الله لا بقات فيكم هادي هي الرجلة مخلين صاحبكم كيضرب تمارة و داخلين ترتاحو... واااع و طلي علياا ا "الينا" اجي تشوفي حبيبك ا "ليندا" واااع خليت "سيلستينا" و جييت تابعكم
هما كلهم دارو اتجاه الباب كيتسناوه يدخل حلو فمهم من الحالة لي كان فيها هاز زوج صيكان فايد و فاليز فايد و داير صاك فعنقو و كينهج و شعرو مخصر واخا هكاك كيبان كيووت "اكرام" غير شافتو و هي تبدا تموت من الضحك و الفريد كيتبسم ليه بهدووووء اما "ناصر" فمخنزر فيه
ناصر: ماالنا ا خوويا قلنا ليك جيب دوك الحوايج كااملين، وليتي كتر من العيالات
طوماس:اواا رااه على قبل السفر
ناصر: ياكما نااوي تخيم هنااا