كان جالس فالظلمة فوق الفطوي الطبلة قدامو عامرة وراق و كيسان د الشراب و الطفاية صدرو عريان و مطراسي كل حاجة فبلاصتها حاط رجل على رجل و مركز شوفاتو الحادين مع داكشي لي قدامو ايديه فيها السيگار و الايد التانية خدام بيها فالپيسي كيطاالع على معلومات الضحية الجديدة قرى ملفه مزيااان و خطط كيفاش يقتلو و شنو الخطوة لي غيدير نثر نثرة من السيگار و مشا كيشوف اخر الاخبار الدولية باش يصدمو اخر خبر توقعو
....:(بالانجليزية)و نتوصل باخبار حصرية على قناتنا **** من مصادر موثوقة ... عودة القاتل المأجور الملقب ب "عزرائيل" من جديد الى روسيا بعد اختفائه مباشرة بعد محاولة قتل رجل الاعمال "نايف" و قد كان محط الشك لاخر عمليات قتل كان ضحاياها "روجر ميغان" "ثائر تاج الدين" رجال الاعمال الشهيرين.... تلقينا اخبار تفيد انه كان اجتماع صباح هذا اليوم على راسه الفدرالية المغربية و الروسية و قد اجروا ابحاث و توصلو لمعرفة مكان إقامته بالمغرب الذي كان في زيارة له منذ ايام قليلة ... و الخبر المفاجئ أن اسمه الحقيقي "ناصر" و هو ينتمى الى عائلة عربية مغربية الأصل، نوافيكم سيداتي سادتي باخر المستجدات ...
عروقو خرجو و بداو الوان الطيف كيمشيو و يجيو فييه و الحمورية بدات كطلع ايديه كيرجفو بالعصاب و سنانو كيتحاكو مع بعضهم ... ضرب الپيسي مع الارض حتا تشتت و هو كيسب و يلعن و حالف حتا يشرب من دم هذاا لي نشر الخبر قاطعو صوت التيلي و هو كيصوني .. الرقم غير معروف
....:(صوت رجولي) ياكما عيطت فشي وقت غير مناسب
ناصر:ممساليش للضحك ... عندك شي ما تقول هدر ولا سير ت*ود
...: بان لي الخبر خلاك تفقد السيطرة على اعصابك
ناصر: عقل على هاد الهدرة نهار غنعرفك غنعذبك فحياتك
....: و علاش ما نقولوش نتا لي غتعذب
ناصر:(ببرود) نهار غنعرفك غنشوفو شكون فينا غيتعذب
....:ما عنديش مشكل .. ما بقا عندي ما نخسر (قطع)
ضرب الطبلة برجلو حتا تزدحات مع الحيط هي لي كانت زااج كاملة تشتتات فالارض غمض عينبه و خدا نفس عميق كيحاول يبرد على راسو قبل ميتلقا مكالمة من البوص شاف النمرة تنهد و قطع و طلع كيجري للدوش تحت رشاشة فالما بارد كيحاول يبرد على راسو و يطرد الافكار لي كتهلوس وسط راسو ...
ضرب الطبلة برجلو حتا تزدحات مع الحيط هي لي كانت زااج كاملة تشتتات فالارض غمض عينبه و خدا نفس عميق كيحاول يبرد على راسو قبل ميتلقا مكالمة من البوص شاف النمرة تنهد و قطع و طلع كيجري للدوش تحت رشاشة فالما بارد كيحاول يبرد على راسو و يطرد الافكار لي كتهلوس وسط راسو ...
خرج من الدوش و ملامحو ممحية لبس عليه بوكسور و هبط اصايب ليه قهوة اتكونسونطرا باش يعرف شكون من الممكن ادير ليه هادشي و يوشي بيه للسلطات و للاخبار الدولية ... و كيعيط مزال كيتهدد عليه ...
كان جالس فالبالكون و فايديه كاس ديال القهوة كيف العادة نظراتو الحادة و عيونو القاسية سارحة لبعيد مرة مرة كيجغم من القهوة...
للحظة طلق غوتة تسمعات فگاع الارجاء ... الغابة كاملهاا تزعزعات بصوتو...
ناصر:اكرااااااااام (كيغوت و يضرب فلي جات قدامو)الا كنتي نتي غندفنك غنعذب مك فحياتك غير بلاتي
هز تيليفون ديالو كيصوني على "الفريد" لي جاوبو فالبلاصة
الفريد:واش تفرجتي فالاخبار
ناصر:اه
الفريد:انا مبغيتش نبرزطك باتصالاتي عارفك غتبغي تكونسونطرا باش تعرف شكون مول الفعلة
ناصر: (تنهد)اكرام، المعلومات لي كانت عارفة عليا سرباتهم ... جاني اتصال من بعد الاخبار مباشرة من شي واحد كيهدر بالدارجة و الرقم غير معروف و مرجل يقدر يكون ديال داك الشماتة ديال الطبيب و تقدر تكون هي مستعملة شي تطبيق ...
الفريد: شنو غادي دير معاهاا
ناصر:جيب ليا عنوانها و رقم التيليفون ديالها و رقم سيارتها و اي حاجة كتعلق بيها
الفريد:صاافي اناا غادي نشوف انا و "طوماس" كيفاش نتتبعو اخبارها و غنوافيك
قطع على الفريد و هو معصب و على وجهو ملامح باااردة عكس النار لي شاعلة فيه ... و لكن كيتوعدها بلي ماغيدوزهاش ليها
