القاتل المأجور (متوقفة)

13

فاق "ناصر" على صوت التقرقيب حل عينيه عليها و هي واقفة قدام المرايا، حالا الصاك الصغير لي جابت معاها و كتحط ميكاب على وجهها، تلفتات فاش حسات بالاعين ديالو مترقبينها تفكرات القبلة ديالو لبارح عافت راسها .. رسمات على وجهها ابتسامة و تصرفات عادي ...
اكرام:صباح الخير
ناصر:(ما جاوبهاش)
اكرام:(و هي مزال كتحط ميكاب على وجهها)مهم انا خاصني نمشي
ناصر:(زعزعها بصوتو كيف الرعد)فيييين غتمشي ؟؟
اكرام:(مقدراتش تنطق مزال حسات بلسانها مربوط)
ناصر:(بحركة وحدة كان قدامها و عينيه كينفثو النار كيحس بالحرارة شي حاجة فيها كتجدبو)هدرررت معاااك جااوبيني
اكرام:ااا...انااا خااصني نمشي للدار
ناصر:(بحدة)لااا
اكرام:كييفااش لااا
ناصر:(ضرب ايدو مع الحيط حتا زعزعهاا)ما غتمشي فييين، و هادي اخر هدرة
اكرام:(الصمت و نزلات راسها)
ناصر:(تلفت غادي لغرفة الرسم الحاجة الوحيدة لي تقدر تبردو فهااد الساعة حتى وقفو صوتها)
اكرام: (بصراخ) انااا غنمشي نتاا معندك علياا حتى حق باش تحبسني
ناصر:(رجع بخطوات سريعة و هز ايديه و نزل عليهاا للوجه حتا جات طايحة فالارض من قوة الدقة) واااش عارفة رااسك فيين نتي راااك فجحر #عزرائيل جيتي نتي  برجليك حتا حد ما بزز عليك .. ماكاينش لي كيعاود معايا الهدرة تجي نتي الكلبة و تهزي عليا صوتك(هز رجليه و عطاها للكرش)
اكرام:ااا...اهئ اهئ بعد مني الشمااتة اهئ اش بغيتي عندي
"ناصر" صعر عليها عروقو طرطقو فيهاا ولا كيرجف و عينيه ولاو حمرين كان غينفجر بحال شي بركان فرمشة عين هزها من شعرها و هو مزير عليه كتحس بالجلدة د راسها غتقلع جمع ايدو على شكل قبضة و عطاها لوجه نزل ايدو و عطاها للكرش و بقا هكاك فينما جات الدقة و كيضرب بايديه و رجليه مخلا فيها حتى عظم صحيح اما "اكرام" فكانت كتحاول تصد الضربات ديالو العنيفة بلا جدوى حس بيها غترخا بين ايديه و هو يضرب ليها راسها بقوة مع الحيط ما حسات حتى فقدات الوعي ديالها خلاها هكاك مرمية فالارض و خرج مشا فاتجاه غرفة الرسم الحاجة الوحيدة لي تخليه يبرد
دازت 8 سوايع، كان الغوات و اصوات الترجي جايين من الحمام "ناصر" لي محاوط "اكرام" بايديه و خاشي ليها راسها تحت الرشاشة ديال الدوش و "اكرام" لي كتفركل ليه و تنثر منو فعلا كانت كتحس بالبرد و راسها كيوجعها من حر الدقة لي باقي كتآلمها لحد الآن توقفات كترجف فاش حسات بيه وقف الماا تلفتات عندو كتخنزر
ناصر:(مطلع حاجب و منزل لاخر)ماالناا !؟
اكرام:(بعصبية)نتااا فعلااا اننن اووف
ناصر: انا شنو ؟ ياكما بغيتي شي قتلة اخرى؟ سيري بدلي عليك بشي حاجة من الخزانة ديالي و نزلي ديري العشاا
اكرام:شفتك كتآمرني !
ناصر:(ببرود)مبغيتش نزيدك شي دقة براكة عليك غير داكشي لي خديتي فالصباح(باستهزاء)يلله طلقي رااسك ديري ليا شي حاجة فيا الجووع.. ماجبتكش هنا باش دوزي وقتك، جبتك باش انا ندوز وقتي ..
خرج و خلاها كتخسر فسيفتها و تضرب رجليها مع الارض... زادت بخطوات بطيئة تجاه الخزانة ديالو حلاتها كانت مرتبة و حوايجو اغلبيتهم باللون الاسود تأففات بحكم مكتبغيش هاد اللون بزااف صحيح انه رمز الاناقة و حتا هي كتلبسو و لكن ماشي لدرجة ان ملابسها كاملين يكونو فهاد اللون.... طاحت عينيها على تيشورت بيض فيه كتبة بالكحل هزاتو كتفحصو و سدات الخزانة برجليها لبساتو جاها هابط شوية على فخادها .. وقفات قدام المرااياا و هي كتمعن فوجهها لي ولات حالتو حاالة كامل ممنفوخ و شي بلايص زرااقو ليها تنهدات بقلة حيلة هي جات لسبب تنتقم لموت الاب ديالها و اكيد هادشي لي غيكون واخا يكون الثمن الموت ديالها تبسمات رغم انه كيعنفها الا انه ما خلاهاش تمشي من ايديه و هادشي كيفرح على الاقل غيبقا قدام عينيها هادشي كيعني انها قربات من الهدف ديالها سهات كتسرح شعرها جمعاتو على شكل كعكة و خلات شوية الزغيبات مدلين منو حطات خافي العيوب على وجهها على الاقل يدرق ليها غير الضربات لي بقاو مطبعين على وجهها... خرجات من الغرفة نازلة فالدرج كتلمحو جالس فالصالة مراقب التيفي بعينيه الحادين و باينة مستمتع بداكشي لي  كيشوف .... دورات وجهها لفين كيشوف كان فلم رعب ،شخص شاد بنت فالعشرينات من عمرها كيقطع ليها فراسها و البنت كتغوت و تركل فالارض الشخص نزل راسو كيعضها و يلتاهم فلحمها مقدراتش تصبر رجعات بنظرها عند "ناصر" كان كيتمعن فالفيلم ببرود هي كتشوف داك المنظر حسات بالارض كدوور بيها جلسات فالدرج و هي مغمضة عينيها و سادة على ودنيها بايديها بزوج اما "ناصر" فهادشي كان دايرو غير باش يخوفها رجع البصر ديالو ليها شافها كيفاش جالسة فالارض و مكمشة تنهد بملل و طفااا التيفي و هدر بحدة
ناصر:برااكة من التبووحيط و نوضي ديري لينا شي حاجة نتعشااو بيهاا
اكرام:(لا رد)
ناصر:(بصراخ)تحرككككككي
اكرام: و..واخا