صبح صباح جديد على ابطالناا ... كانت واقفة فالبالكون دموعها على خذهاا... نسمة برد خفيفة كضرب فوجهها... شعرها الاسود الحريري كيحركو البرد ... كتفكر كيفاش بين ليلة و نهار ولات فهاد الحالة... ما بقا ليهاا حتا واحد فهاد الدنيا... الاب ديالها سندها الوحيد لي كانت كلما ضاقت بيها نفسها تلقى غير حضنو....ضااع منها الاب لي كان كيعني ليهاا كلشي... مكانش كيخليها تحس بنقص من جهة الام ديالها لي معندهاش... لا لا ماشي اكرام ماينيز لي تسكت على حقها... لا ماشي اناا لي نسمح فحق بابا و نخلي الموت ديالو يمشي هباء منثورا... انا الا منتاقمت من داك المجرم و خليتو يبكي الدم... منكونش بنت المرحوم هاري... الا معذبتو و خليت العافية لي شاعلة فقلبي من جهة بابا تشعل فقلبو من جيهتي راني منتسمااش... حسات بشي ايد على كتافها هزات راسها بالعرض البطيء... كان طوني و عينيه حمرين كيف الجمرة... جامع ايدو على شكل قبضة... هدر و هو كارز على سنانو .. باينة صابح شاعل ...
طوني:نزلي تفطري... من بعد انا غنمشي نقطع لبيي... سنعود الى روسيا ...
اكرام:(بصوت منغنغ بالبكاا يكاد يسمع)نتوما ما محتاجينش تمشيو معايا... بلاد حسناء لي ترعرعات فيها و عائلتكم هنااا... هاد المعركة لازم نخوضهاا بوحدي ... و نجيب حق باباا
طوني:غنخووضو هااد الحرب(حط ايدو على وجهها كيدوز عليه بحنية)غنااخذو حقك منوو
اكرام:(زولات ايدو بسرعة و نزلات عينيها)ش... شكراا
طوني: (تنهد) تعالي هيا، لن نبدأ الفطور قبل ان تاتي
مسحات اثاار الدموع لي كانوا على حنيكااتها... و حطات خافي العيوب لوجهها ... دارت الريحة و نزلات بخطوات موزونة ...كان جالس فالطبلة عاطيها يالظهر و فايديه جريدة ... و حسناء كتحط الفطور فوق الطبلة ... تقدمات جهتهم و هي راسمة على وجهها ابتسامة خفيفة...
اكرام:صباح الفنون
حسناء: صباح الحب
اكرام:اممم الريحة كتشهي
حسناء:بالصحة بب
جلسو على الطبلة كيفطرو فصمت تام مطبق .. حتا قطع هاد السكوت طوني و هو كيمسح على فمو باش ينوض
طوني:احم حسنااء وجدي ليفاليز ديالك نتي و اكرام
حسناء:(وحلات ليها)كح كح كح اش كتقوول نتااا علاش غنوجدهم
طوني:(بصرامة)غنرجعو لروسيا
حسناء: و لكن انااا...(قاطعها)
طوني:ما كين ما و لكن ... كلمة وحدة قلتهاا(و خرج)
حسناء:(و دموعها فعينيها)هاانتي ا ختي شوفي يلله جيناا للمغرب و بغاانا نرجعو لروسياا عاود تااني
اكرام سكتات كتشوف فيها ما عرفت ما تقول و بالاخص حيت هي السباب باش غيرجعو
حسناء:باقي حتاا مدوزنا الاجازة ديالنا اهئ اهئ ما فرحنا حتا بشهر العسل ديالناا
اكرام:(عنقااتهاا كتواسيها)صاافي ا صااحبتي متبكيش راك مزاال عروسة جديدة
حسناء:اهئ اهئ عائلتي باقي ما شبعت منهم ا ختي اهئ وااعدني ميبكينيش و شووفي شنو كيدير اهئ
اكرام:(عنقاتها و زادت خشاتها فيها)صااحبتي سكتي من البكا و الا حتاا انا غنبدا نبكي معااك
حسنااء:(كتبكي و تسكت)
اكرام:(نوضاتها من فوق كتفها)نووضي الله امسخك مسحتي فيا خنااينك ههه
حسناء:(ضرباتها فكتفها)هههه ما تخلي الواحد حتاا يتقلق فخاطرو
اكرام:هههه يلله نوضي ندوزو هاد النهار على براا على الاقل تبقاا عندناا صورة اخيرة زوينة على هادالبلاد
حسناء:كنحس براسي مهدوودة والله كون بقيت غير ناعسة...
اكرام:(ناضت و جات من وراها كدفعها)يلله يلله و نتي غير تزوجتي غملتي وليتي باغا غير النعاس
حسناء:ههههه اوكي اوكي سيري لبسي ... الا وجدت راسي قبل منك غنخرج اللوطو و نتلاقاو فالباب ديال الفيلا...
اكرام:(هزات راسها باه)صافي واخاا
طلعو البنات وجدوا راسهم... اكرام لي لبسات سليم كحل و شوميز بيضة و بالغينة فالكحل و البيض... طلقات شعرها و حطات ميكاب خفيف... رشات ريحتها... شافت اخر مرة راسها فالمراياا قبل متنزل... تلاقات بحسناء فالدرج.. كانت لابسة كسوة سميطات و محلولة من الركبة للتحت و جاياا مكروزة عليها... لابسة معاها سبادرين وراش... جامعة شعرها على شكل كعكة مع ميكاب خفيف و ريحة لي كطير العقل.... تبادلو المجاملات و نزلوا ركبوا فاللوطو و تحركوا....
من بعدما خرج من الدار... ركب سيارتو البورش و زاد للمطار حجز ليهم تذكرات للغد.... و توجه بسرعة للجبل... طوني اكثر بلاصة يقدر يرتاح فيهاا الا كان عندو شي مشكل ولا محتاج يفكر و يريح بالو هي الجبل... او اي بلاصة مرتفعة .. نزل من اللوطو بعدما وصل للجبال ... زاد خطوات قليلة متاجه للاعلى... حس بتيلي ديالو كيصوني تنهد بعصبية و مسح على وجهو قبل ميجاوب...
طوني: نعام شنو باااغي
الشخص: اش هااد الاسلوب بااش كدوي معاايا...حتارم راسك ..
طوني:(تنهد بقلة حيلة) سمحلي راني معصب
الشخص: و شنو لي معصبك
طوني:اكراام(سكت شوية و كمل)اكرام مبغااتش تقتل داك الممسوخ و تهنيناا منوو
الشخص:اممم و شنو نااوياا دير
طوني:لي فهمت انها نااوياا توقعو فشباكها... غتعلقو بيهاا ... مفهمتش شنو ناويا دير من بعد... و لكن هي كتشوف بلي هذاا ابشع انتقاام
الشخص:(كيضحك بشر) اذاا هي بااغاا تحرقوو فقلبوو كيف حرقهاا
طوني:ااه...
الشخص: طلعات ذكية بحال باها .. هذا احسن انتقام .. هي فكرات مزيان .. الانسان يقدر يقتلو غير قلبو
طوني: نسيت مقلتش لييك... غنرجعو لروسيا غداا
الشخص:كنتمنى ليكم رحلة موفقة(و قطع)
زفر طوني بقوة و ضرب تيلي مع الارض حتا تشتت... و كمل طريقو لاعلى الجبل....
