كانو خارجين من قسم التحاليل... غادا فجنبو شادة ليه من ايديه، ماكايناش هنا باينة عليها الفرحة، باغا طير و عينيها كيلمعو، ... أما هو فكان شادها من ايد و الايد التانية شاد بيها الوراق لي كتأكد بلي ماحاملاش و دوك الأعراض غير ديال فقر الدم، غادي عاقدهم كيف عادتو، ااه بصح هو ما كانش باغي شي ولد، و هااا داك الولد ماكاينش اذا شنو ؟ علاش مقلق و ما عاجبو حال؟ ... واش حيت لأول مرة غادي يكون كلامو خاطئ قدام شي بنت، ولا حيت كان عاجبو الاحساس ديال أنه يكون أب رغم أنه كيبين العكس؟ ... خرجاتو من أفكارو فاش حس بيها كتسلت ايديها من بين ايديه... كانو قدام الباب د المستشفى، دار كيشوفيها ببرود و هي متوترة، كدور فعينيها باغا تهدر و ما عارفاش باش غتبدا ليه... ناصر: شنو ؟ مالك اكرام:(تشجعات و نطقات) طلق من ايدي ا ناصر ناصر:(طلع حاجبو و هبط لاخر) و علاش اكرام:(زفرات و هدرات) صااافي، هاااني ما حاملاش شنو بغيتي مني مزال، ما رابطني بيك الانتقام ما رابطني بيك جنين... خليني نمشي ا ناصر.. ما تصعبش الأمور أما هو غير سمع هاد الهدرة و زادت على ما بيه... هو اصلا هادشي يمكن مناش كان خايف... كان عارف بلي على الاقل الا ما كانش الانتقام غيخليها قريبة منو غيكون الولد... و حتا هو خسرو فهاد النهار... تخربق ما بقا عارف ما يدير... و لكن كيف العادة كيلجأ القوة... دور عينيه الدنيا عامرة و مابغاش يدير الشوهة، جرها من ايدها حتا فاتو المستشفى و لاحها على الحيط حتا حسات بظهرها غيتقسم، و لكن تعمدات القوة... مابغاتش تبين ليه الضعف ديالها باش مايزيدش يستغلها... ناصر:(كيهضر تحت من سنانو) عااااودي شنو قلتي، باغا تمشي ؟ و فين بالسلامة؟ واقيلا نسيتي بلي لي كيدخل لجحر عزرائيل كيخرج فصندوق... اكرام:(جمعات النفس و طرطقات فوجهو) ااااشنو بغيتي مني، بعد مني عفاااك، كنقسم ليك بلي عمرك ما غتشوف وجهي مزال و ما غنسرب حتا معلومة عليك، أنا ما سمحتش ليك حيت غتاصبتيني و ما سمحتش ليك على أي حاجة دوزتيها عليا و لكن...(هبطو الدموع من عينيها) انا بغيت غير نعيش حياتي عادي بحال أيها الناس، غنمشي لشي بلاصة ما يعرفني فيها حتا حد، بغيت نعيش بلا بيكم، بلا هاد الناس لي سببو ليا الأذى ...ناصر بعد عليا، باش ما ندموش بزوجنا فاللخر قرب منها و شد من ايديها بزوج و شاف فعينيها، كانو شوفاتو مبدلين، ماشي نفس الشوفات، كان كيترجاها بعينيه، كيمسح ليها الدموع من عينيها بحنان، تصدمات فيه، عمرها شافتو هكاك... ناصر: ماتمشيش، خليك معايا... أنا ما جبتكش باش نتاقم منك حيت سربتي المعلومات عليا، انا مخليك حدايا حيت (وحلات ليه الهدرة) م م ماعرفتش علاش، و لكن باغيك تبقاي حدايا لثواني سهات فعينيه، شوفاتو ليها دوبوها... غير شافها تهدنات و دار ضحيكة على وجهو، زااادت دوبااتها كتر، يمكن اول مرة تشوف ضحكتو، سنيناتو المقادين بويض، و عويناتو لي غير كيضحك كيتسدو... حسات بقلبها كيضرب و الابتسامة لي كتقاوم باش ماتخرجهاش، قلبها كيقوليها بقاي معاه و عقلها كيقوليها بعدي عليه ... حطات ايديها على ايديه و بعداتهم على وجهها، هزات عينيها كتشوف فيه هو لي بداو اثار الصدمة علات على وجهو، طلعات النفس و نطقات بدوك الكلمات لي كيف القرطاس لناصر... اكرام: أنا وياك من عالمين مختااالفين بزاف... العالم ديالك كحل فيه غير الجريمة و انعدام الرحمة... و العالم ديالي كنشوفو وردي، فيه الناس كيبغيو و كيحتارمو و يضحيو على بعضياتهم... ناصر الحقيقة ديال أنك مجرم ما عمرها غتبدل، و لي دخل للعالم ديالك صعيب يخرج منو... أنا باغا نعيش فسعادة و هادشي لي ماغنلقاهش الا بقيت معاك.... خطفات ايديها من بين ايديه و تسلتات من وسط جسمو الضخم، و شافت فيه و الدموع كيطيحو من عينيها ... أما هو فغير مصدوم من الهدرة لي قالت ليه... ماكدباتش هادي هي الحقيقة و هو عارفها و لكن ماتوقعش تكون عندها الجرأة باش تقولها ليه، و رغم ان هاد الهدرة عارفها الا ان حتا حد ما تجرأ يقولها ليه شي نهار، هبط قيمتو و ترجااها تبقا معاه و هادشي لي عمرو دارو مع شي حد و هي رفضاتو... غمضات عينيها كارزة عليهم باش مايهبطوش الدموع من عينيها و عضات على شفايفها قبل ما تقول اخر كلماتها اكرام: ما بغيتش نشوفك مزال ا ناصر... كرزات على ايديها و عطاتو بالظهر و هي غادا فداك الممر الطويل و حلات عينيها، تاركة المجال لدموعها فين ينزلو.... دارت شافت فيه كانت كتقول فنفسها غيكون مشى، و لكن لقاتو باقي واقف و كيشوفيها و الدموع كيهبطو من عينيه، تصدمات ما توقعاتش تشوف شي نهار دموعو و عاد مزال كيبكي عليها، دورات راسها بالزربة و زادت بخطوات سريعة حتال آخر الشارع و دارت مع الدورة و طاحت على ركابيها كتبكي.... حسات بشي ايد على كتفها، هزات عينيها فيه، هو لي هبط على ركابيه و ضمها لصدرو كيتحصر عليها، هبطو دموعو و هو كيشوف الحالة لي وصلات ليها ختو بسبابو، هو لي لاحها ليه و قاليها سيري تقربي منو، كان باغي يحرق قلب ناصر و نسى بلي تقدر تحرق ختو، بدا كيبكي و هو كيحس بالذنب و هي كتبكي بحرقة باغا تبرد النار لي شاعلة فيها، كتغوت وسط صدرو و تبكي بالجهد و لي داز كيشوفيها و كيتحصر على حالتها .... أما ناصر فكان باقي واقف فبلاصتو و دموعو كيهبطو بغزارة، ما بقاش حاس بشنو داير بيه، غير كيفكر فالهدرة لي قالت ليه، كيحس بقلبو كيتحرق و كيقوليه سير تبعها ما تخليهاش تمشي، و لكن شي حاجة حابساه، شد على قلبو و هو كيورك عليه باغي يحبس داك الألم لي كيحس بيه.... حتا حس بيهم كيعنقوه، لأول مرة كيشوفوه ضعيف لهاد الدرجة... كانو مراقبين كلشي من الاول و لكن ما عرفوش اكرام شنو قالت ليه حتا خلاتو فهاد الحالة.... الفريد:(كيشوف فناصر بحدة) استجمع نفسك، من قد تكون هي لتجعلك تبكي؟ هل نسيت من أنت؟ عزرااائيل، لا تشفق ولا ترحم أحد، لا يجب أن تملك قلب أساسا ناصر غير كيشوف فيه الهدرة لي قاليه، هي علاش مشات و خلاتو اصلا طوماس:(كيضرب على كتفو) من مصلحتك أن تدوس على قلبك، هي لا تستحقك، انظر الى نفسك! جعلت منك شخص مثير للشفقة الفريد: نحن نقول لك هذا لمصلحتك صديقي... نساااها، ماشي غير هي لي كاينة... اصلا ما كانش خاصك تهبط قيمتك قدامها لهاد الدرجة هو غير ساكت و كيدور هدرتهم فدماغو، عندهم الحق و حتا هي عندها الحق... طلع النفس و مسح على وجهو... ناصر:(بحدة) جا الوقت لي نشوف فيه البوص (شاف فيهم) نتوما كتعرفوه فين كاين هما بداو غير كيشوفو فبعضياتهم و كيدورو عينيهم، هذا هو السؤال لي ماكانوش كيتسناوه... و النهار لي شحال و هما خايفينو يوصل هااا هو... بقا كيشوف فيهم كيفاش تخلعو و بداو كيدورو فعينيهم ناصر: الا ما كنتوش غتفيدوني فهاد الخطوة غير نساو شي حاجة سميتها ناصر، و انا غنلقاه بوحدي دار باش يمشي و هو يشدو الفريد الفريد: تسنى، غنديوك عندو، و لكن ا ناصر را أي حاجة خبيناها عليك عرف بلي غير لمصلاحتك تلاح عليه هو و طوماس كيعنقوه و كيطلبو منو السماحة، دفعهم عليه بالشوية و هدر ناصر: (ببرود) عزرائيل ما كيعرفش السماح، و لي آذاني جنى على روحو زاد قدامهم ركب فاللوطو و ركبو حتا هما و هما غير خايفين من لي جاي.... تحرك باللوطو و خرج راسو كيشوف من الشرجم، حتا لمحها فالدورة طايحة فالارض كتبكي و طوني معنقها و كيسكت فيها.... بلع ريقو و هو كيتحصر و كيحس بالنفس كتقطع فيه... و طلع الزاجة و هو كيفكر...
التفااااااعل ميت، تفاعلو الا بغيتو على الأقل 2 أجزاء فالنهار .... رمضان هذا و غتبغيو شي قصة تونسكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
