طوني لي كان جالس فالمكتب ديالو كيشوف فالكاميرات لي حط فغرفة "اكرام" بحكم انه كيجيها انهيار عصبي ففضل انه يبقى مراقبها كان كيشوف "حسناء" و هي كتحاول تكالمي "اكرام" و تحيد ليها فكرة الانتقام من راسها و لكن اكرام كاانت متشبثة بقرارها، ضحك فخاطرو، جمع الوقفة و مشا باتجاه الغرفة لي فيها هما وقف قدام الباب لثواني عاد دخل طوني: التيتيسات حسناء: "التيتيزاااات" ا حبيبي طوني بحكم انه كتر من 9 سنين و هو كيعرف حسناء و قراو فنفس الجانعة واخا كل واحد دار تخصص، ولا كيفهم الدارجة عندو الصعوبة غير فالنطق طوني:(بابتسامة) أتمنى الا اكون قاطعت حديثكن حسناء: الحمد لله قدرنا نهدرو طوني:(تبسم ليها و هو كيحاول يهدر بالدارجة) مايان هاشي لي بغايت حسناء:(كضحك) مزيااااان راك تعلمتي كوني: (كمل بالظارجة و هو متحمس) باصااح حسنا:(كاتمة ضحكتها) ويييه وليتي كتهدر بالدارجة حسن مني قاطعتهم اكرام: عفاكم بغيت نخرج ليوم من هنا طوني: حسنا، لكن أين ستبقين اكرام: في منزلي (تنفسات بعمق)اخر ما بقا ليا من بابا الله ارحمو و نيت نشوف جدة اش خبارها حسناء:حتا حنا غنمشيو دابا للدار طوني: نحن سنوصلك في طريقنا اكرام:ما بغيتش نديرونجيكم طوني: لقد قلت كلامي، غيري ملابسك الان (شاف فحسناء) اراكم بالخارج اكرام:و الرسومات ديال المستشفى طوني:واش ما كتساليييش، سكتي شوااااية حسناء: شواية لاواه مجمر (كضحك) العار لاما بعد على الدارجة اكرام:(تبسمات بخفة ليهم) من بعدما لبسات اكرام داكشي لي عطاتها حسناء خرجات من المستشفى و هي كتوعد بالانتقام لموت باها وصلو للسيارة لقاو طوني جالس كيتسناهم ركبات حسناء القدام و اللور اكرام لي رجعات راسها للور كتحاول تجمع افكارها و غير كتفكر موت باها كيجيو عينين ناصر فبالها اكرام:زعما يكون هو لي قتل بابا...انا مغنسمحش ليه غنقتلو بابشع الطرق طلقات العنان لدموعها و خلات داكشي لي فقلبها يخرج عبارة عن دموع كتنزل كيف الحجر من عينيها رد ليها البال طوني نزل عينيه كيقلب على كلينيكس باش تمسح دموعها قاطعو صوت الغوات حسناء:طوووني احذذذذذذذر هز عينيه بسرعة باش تنتابه ليهم اكرام لي مسحات دموعها فيساع ... من بعدما تحرك الفريد بالسيارة و ناصر غي سارح بتفكيرو نفسو مضيقة كيحس بلي هادشي ماشي هو هاداك شي حاجة ناقصة قاطع حبل افكارو طوماس:صاحبي حنا وصلنا و 21:00 هي هادي الفريد:نزل و تخبا ورا داك الحيط لي تماا و غي يخرج قتلو طوماس:اووف ليوم كاين سهرة زوينة مخليتونيش نمشي ليها جايبيني هناا ناصر:(دار ليهم براسو اه)نتوما غير سيرو انا غنتكلف الفريد:ما نقدروش نخليوك ناصر:صافي دويت(دار ليهم بايديه غير سيرو) نزل من السيارة مشا كيجري وقف ورا الحيط سمع صوت خطوات قراب ليه دار ايدو ورا ظهرو باش يخرج سلاح ما لقا واالو ناصر:تفوو كنت حاااس بلي هادشي ماشي هو هدااك بقا مخبي ورا الحيط حتا شاف "نايف" خرج و تلاح عليه بحال شي اسد جائع قجوو حتا خرجو عينيه, عارف راسو غامر و لكن مايقدرش يمشي و يخلي العملية فالنص غير حيت نسى الفردي .. "نايف" لي بدا كيتركل خشا ايدو فجيبو جبد الزر لي كيتصل برجالو و ضغط عليه اما رجالو فغير وصلهم الانذار و خرجو سلاحهم و نتاشرو فالمنطقة كلها "ناصر" شاف بلي الوضع خطير لاح "نايف" و مشا كيجري غي شافوو و بداو كيطلقو الرصاص "نايف" جبد حتا هو السلاح و طلق على "ناصر" جاتو فالكتف و لكن متوقفش بقا غادي كيجري حتا كيحس بشي حاجة ضرباتو حتا تهز ولات كتبان ليه غير الضبابة حسناء:(بدات كتبكي)اهئ اهئ ياا ربي شكون هذاا و شكون خرجو فطريقنا اكرام:(كتمسح دموعها و تحاول تعرف اش كاين) طوني: اهدئن قليلا، سأرى ما هناك نزل طوني من السيارة كيقلب بعينيه كيشوف جثة رجل مرمية فالارض مشا كيحاول يفيقو و والو رد البال للدم لي كينزل من كتفو، حط ايدو كيتفحص الجرح عرفها رصاصة .. قيس نبضات القلب ديالو لقاه باقي حي نزلات اكرام حتا هي تشوف شنو واقع شافت طوني كيحاول يهز شي واحد من الارض مشات تعاونو حطات ايديه على عنقها و زادت بيه هي و طوني حتا حطوه اللور فاللوطو، اكرام:هاد الزمر تقيل منعرف اش كياكل طوني:(كيضحك حيت فهمها و حاول يجاوبها بالدارجة) حنا دايرينها قد راسنا و مزال نعايروه حسناء: نتاااا لي ضربتيه ماشي حنا ههه طوني: صافي دغيا ننكاااارتوني اكرام:داباا غنضطرو نرجعو للمستشفى طوني:ضروري ركبو فالسيارة من بعدما حطو "ناصر" فبلاصة لور حدا اكرام و "حسناء" غي كتويل حسناء:ويلي ويلي هادشي عمروو كان على البال طوني:حسناء واش تكدري تسكتي حسناء:ويلي ميمتي كنت غندير العرس وليت غنمشي للحبس طوني: صبرك يا الله حسناء:عنداك اكون مات اهئ اهئ واااع ناااري مااات طوني:حسناااااء حسناء:(جمعات فمها و لسقات فالباب كتمسح دموعها) اما لالة اكرام فرغم داكشي لي داز عليها فكانت كتشقلب بالضحك عليهم اكرام:ههه ناري على كوبل كتقتلو بالضحك اكرام:(شافت فناصر لي داير القب و ماسك على وجه و كلشي كحل) هذا مالو مغلف علياا هكاا بحال البريوة حسناء:داير كيف بوغطااط ههههه اكراام:ههه عاد كنتي كتبكي طوني:(كيهدر دارجة مقطعة) باااااز ليكم الكارثة اكراام: نتا كيفاش كتهدر بالدارجة حسناء: اوا يا حبيبتي 9 سنين د العشرة و الحب سهلتيها ههه ما نتفرق معاه حتا نعلمو لغتنا اكرام:(كضحك) و ما لقيتي ما تعلميه غير السبان طوني: السيد كيموت و نتوما كضحكو عليه حسناء: را كنضحكو عليك نتا ههه اجي نتي شكون علمك الدارجة و عمرك مشيتي للمغرب اكرام: ماما مغربية و من بعدما ماتت جات جداتي رباتني هنا فروسيا و هي لي كانت حريصة باش نتعلم اللغة و ما هي الا دقائق حتا كانو قدام المستشفى نزل طوني هو الاول خرج "ناصر" من اللوطو و جاب ليه ديك الباياص و شي ممرضين و خداوه بخطوات سراع للمستعجلات اما اكرام فبقات على برا كتحاول تهدن حسناء لي كظن بلي طوني غيمشي للحبس لا وقعات للسيد شي حاجة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الفريد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طوماس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
