حسناء:من بعد هاد الهدرة لي غنقوليك خاصك تشدي فراسك مزيان و مديريليش فيها مسلسل درامي(باستهزاء)
اكرام:(خنزرات فيها حيت فعلا طلعات ليها فراسها بهاد الحركات)قولي شنو عندك
حسناء:(كتلعب بصباعها و كتعوج فمها)امم لي كاين هو أن باباك سي هاري ماينيز ما ماتش ... مزال عايش
اكرام طاح عليها هاد الخبر بحال الما سخون ركابيها فشلو عليها هزات فيها راسها بحالا كتعاود تسولها واش داكشي لي سمعاتو صحيح
اكرام:(و عينيها عامرين دموع)نتي غير كتكذبي ياك اهئ نتي كتكذبي
حسناء:(كتعوج في فمها و طرطق فصباعها)للاسف لا انا كندوي بصح
اكرام:(هزات صبعها موجهاه ليها و كتهدر و كترجف)شوفي نتي معندكش الحق تقولي هاد الهدرة انا متفهمة داكشي لي وقع ليك و لكن انا ماشي هي السبب باش تجي تنتاقمي مني بهاد الطريقة
حسناء: (كتهدر و كتمسكن) لا ا حبيبة انا مكنتاقمش انا غير بقيتي فيا حيت كلشي مزوق ليك الحقيقة و اوّلهم خوك
اكرام: خويا ! اش كترفي نتي ... واقيلا سكرانة و جايا كتدخاي و تخرجي فالهدرة
حسناء:(كتقلب عينيها بملل) عندك خوك لي هو "طوني" و انا ماشي مسالية راسي باش نجي نكذب عليك و الحقيقة من بعد غتبان
اكرام:(ناضت من بلاصتها و دموعها فعينيها و هي موجهة ليها بايديها على الباب)لا نتي زدتي فيه نوضي ... نوضي خرجي عليا من داري(بالغوات)خررررجي قلت ليك ما نبقاش نشوفك هنا
حسناء:(بابتسامة جنب)انا غنمشي و نتي دوري هاد الهدرة فراسك مزال و سيري قلبي على باك فين مخبي و على الهدف ديالو من هاد التمثيلية ... بزاف ديال الاسرار نتي ما عارفاهمش ... انا هاد الهدرة ما جبتهاش من راسي خوك لي قالها ليا ... ولا كنتي باغا تأكدي تاصلي بيه(زادت بخطوات تابثة و واثقة و دورات وجهها بجنب) انا ماشي باغا غير نحرق ليك اعصابك حيت خسرت ولدي و عمري غنولد مزال ... انا بقيتي فيا و شفقت عليك حيت كيستاغلوك ... طوني و باك راهم مجرمين و داروك طريق باش يدمرو ناصر ... ما غنزيد نقوليك والو ... كلشي غتلقايه عند خوك ....
اكرام:(بالغوات) كذااااااابة سيري فحاااااااالك
بمجرد ما خرجات حسناء طاحت اكرام على طولتها فالارض كتشوف فنقطة وحدة و فمها كيرجف الدنيا كدور بيها مبقات عرفات شنو دير ... شكون تيق و شكون تكذب.. كلشي تجمع عليها فدقة وحدة ما كتقول سالات المشكل حتا كيخرج ليها ما كبر منو .. حياتها غير غادا و كترون و حتا حاجة ما مقادة ..
كانت دايزة الخدامة البرتغالية واخدة اللون السميمر و عيون عسلية كبار و ملامح شديدين السواد تكون فعمرها ديك 30 سنة لمحاتها و هي فديك الحالة، جات كتجري هزاتها من الارض و طلعاتها للبيت د النعاس دوشات ليها و هي غاايبة عن الوعي تماما العقل و القلب حتا واحد ما خدام غير كتشوف ما كتحس ما كتهضر .. الخدامة بدورها بدلات عليها حوايجها و حطاتها ففراشها و غطاتها و هي لا تحرك ساكنا .. شافت فيها الخدامة بحسرة و شفقة كانت باغا تسولها على السبب لي خلاها فهاد الحالة و لكن بحكم أنها كتبقا غير الخدامة ديالها فماشي من حقها تتدخل فبحال هاد الحوايج .. خرجات بخطوات هادئة و فنفسها كتدعي مع اكرام باش ترجع كيف كانت ....دكي البنت الحيوية... لي الضحكة ماكتفارقش وجهها و عفويتها و براءتها كلشي كان كيحسدها على الحياة لي عايشة و لكن من نهار مات الاب ديالها كلشي تقلب راسا على عقب ...
#عند_طوني
فغرفة مظلمة فيها ضوء قليييل و خاافت جاي من ضو القمرة .. جالس طوني فكرسي هزاز و هو كيرجف من الراجل لي قدامو و بنيتو الضخمة ... السيگار لي مكيفارقوش و لباسو الاسود الانيق ..
طوني: أنا متأكد من أن حسناء لن تخبرها بأي شيء
البوص: (بالغوات) أنا أقول لك بأنها كانت عند اكرام اليوم ... بمجرد ما ان خرجت من المستشفى كانت أول وجهة اليها من المغرب لهنا هي اكرام ... هل تعلم ما يعني هذا ... أنها ستخبرها بكل شيء ايها الاجذب ... هل ستذهب في زيارة لها نثلا كي تطمئن على احوالها (كيدور فبلاصتو بخطوات سريعة) انظر الي(موجه صبعو لطوني) تلك حسناء خاصتك ... ان علمت انها اخرجت من فمها حرفا واحدا ... سادفنها و اجعلك تبكي على جثتها ... و هذا كله بسبب غبائك و تسرعك ... هل اخذت رأيي قبل أن تفشي ذلك السر (كيضرب بايديه اي حاجة لقاها قدامو) الخطة التي استعد لتنفيذها منذ 22 سنة ... دمرتها بغبائك
طوني: (كيحاول يكالميه)اهدأ ... لا تحكم الان لا زلنا لا نعرف هل تفوهت بأي حرف لها
شنق عليه من عنقو و لصقو مع الكرسي قاجو ... طوني بدا كيحس بالموت طالعة ليه مع رجليه ... طلقو بالجهد حتا كان غيجيفو
طوني:(طاح فالارض على ركابيه و هو حمر كيف الماطيشة و شعرو ترون و و لحمو زراق و كيرجف و من فمو خارجة كشكوشة) ككك....كنت ستقتلني ...
البوص: هذا ما سأفعله إن فشلت خطتي بسببك ... تحرك من أمامي ... غبي ...
طوني:(كيشوفيه بحسرة و الم)
البوص:(كب كاس من النبيذ الاحمر و جلس فوق الكنابي) من الأفضل أن تصلح الخطأ الذي قمت به .. و الا انت تعرفني ...
