دازت 4 ساعات و هو على نفس الحالة "اكرام" حلات عينيها من بعد مكانت ناعسة كيف المشيشة فاقت كتكسل و تجبد بقات كتحل و تسد فعينيها و هي كتشوف فاتجاه واحد حتى رجعات الذاكرة ديالها و خدمات دماغها دورات عينيها بشوية لقاتو ناعس قربات من وجهو لثواني و هي كتشوف فيه و كتحفظ الملامح ديالو اكرام:(فنفسها)لي شافك كيفاش ناعس يقول هنا نبات، كيفاش واحد بحالك قدر يقتل بابا كتبان كيف الملاك و نتا ناعس و لكن خسارة نتا فالواقع شيطان و انا مغنسمحش ليك بسهولة بقات ساهية فيه حتى حل عينيه بواحد الطريقة قفزاتها و هي ترجع بالزربة و تقادات فبلاصتها ناصر:(ببرود) واش نتي معندك ميدار من غير انك تراقبيني اكرام:(كتعيب فيه)اممم على جمالك الفتان ناصر:(هز رجلو و عفط عليها حتى حسات بصباعها غيتهرسو)المرة جااايااا عااوديهااا باش يكون رااسك تحت رجلي اكرام:(و هي كتمااصي رجليها لي كتحس بيها غتقطع)اهئ واش كلشي عندك بالعنف ناصر:(دور وجهو بلا جواب) اكرام:(شافت راسها هاكا غير كتبعدو عليها و ماشي هادشي لي باغا)احم واش غنبقاو ديماا هااكا ناصر:(شاف فيها بمعنى "كيفاش") اكرام:غنبقاو فينما نتلاقاو نتخاصمو(زادت قربات من وجهو)خلينا نكونو اصدقاء بعدها عليه و هو كيدورها فراسو، ما موالفش يدير للبنات مكانة فحياتو اصلا، عمرو ما تعرف على شي بنت و لا كانت عندو صديقة او حبيبة، و لكن هي ضروري يعرف لاش باغا توصل ... اكرام:(كترمش بالزربة)مغتلقااش صديقة حسن مني كنواعدك، شوف حنا بزوج مغاربة و مستقرين فروسيا نبقاو نتفكرو بعصياتنا مرة مرة ناصر:(تبسم)اووك اكرام:شنو لي اوكي ناصر: صديقتي اكرام من كثرة الفرحة ما حسات براااسهاا حتى عنقااتو و بدااات كتنقز و هي غطير بالفرحة و عينيها كيلمعو هو اكتفى بانه يشوفهاا كيفاش فرحانة ضحك لتصرفاتها الطفولية و دور وجهو و هو كيرجع سيناريو حيااتو لحظة بلحظة وقف بيه الزمن و هو عندو 16 سنة و كيشوف من الشقة د الباب الام ديالو.... ولا كيرجف و كيحس بالحراارة فالجسم دياالو عينيه ولاو حمرين و بداو كيطيحو عليه افكار جهنمية اكرام كانت سارحة بتفكيرها و هي فرحانة بانها تقربات منو هادي اول خطوة ليها فانتقامها دورات وجهها ناحيتو تخلعاات من المنظر ديالو كان بحال شي بركاان علاين يفيض بحركة لا شعورية حطات ايديها فوق ايدو و كرزات عليه و كانها كتقوليه "اناا معااك" هو حس بشي ايد صفيورة و دافئة بين ايديه ضربو الضو .. عمر شي بنت قاصتو .. حس بالتبوريشة و بدا كيتكالما دور وجهو ببطء باش تقابل عينيه عينيها و هي كطمنو بلي هي معااه....حيد ايديها من عليه و دور وجهو اما "اكرام" فعرفات بلي داكشي لي تابعها ماشي ساهل و "ناصر" ماشي من النوع لي ساهل ناصر:(فنفسه)لا ا ناااصر ماااشي نتااا لي تستسلم لبنت ناااصر كلهم بحاااال بحاااال تفكر كيفاش تخربات عائلتك، كون ماشي بسباب امراة ماكنتيش غتكون دابا قتال و كنتي غتكون عايش حياتك بحال اي واحد طبيعي... قاطع حبل افكارهم صوت مضيفة الطيران و هي كتنبههم باش يربطو حزام السلامة حيت الطائرة غتهبط و داكشي لي كاان لدقائق معدودة و كاانو فوق ارض وطنهم منبتهم و مشرقهم قبل متنزل اكرام دارت شافت فيه ببراءة اكرام:حنااا اصدقااء يااك ناصر:(تنهد بقلة حيلة)ااه اكرااام:خااص يبقى عندي الرقم ديالك باش نتاصل بيك(و هي كترمش بالزربة) ناصر:ما عندي حتا رقم ديال المغرب..و الا كانت مكتابة هاد الصداقة غنتلاقاو مرة اخرى نزل من قدامها و حتا هي داكشي لي داارت هبطات كتقلب بعينيها على "حسناء" شافتها من بعيد كتلوح ليها بايديها مشات عندها و كملو طريقهم غير خرجو من المطار لقاو عائلة "حسناء" كتسناهم فالباب من بعد ما سلمو عليهم و قطعو الوحش من بنتهم ركبو و كل واحد تااجه لدارو...ناصر خرج من المطار دور عينيه شاف اللوطو من بعيد مشا اتجاهها لقا فيها الشيفور ناصر:(ببرود)نزل بحالك الشيفور:و لكن البوص قال ..(قاطعو) ناصر: كلمة وحدة قلتها الشيفور:(ولا كيرجف من الخوف)صااافي سمح ليا...البوص عطاك هاد التيلي قال ملي فتوصل الفيلا غيتاصل بيك من بعدما هبط الشيفور ركب بطلنا فاللوطو و زاد بوااحد السرعة زعماا كل ما تحمله الكلمة من معنى خلا من ورااه غي العجااج موقف حتى كان قدام الفيلا نزل هبط الفاليز ديالو غي دخل مع الباب و هو يصوني التيلي دار ضحكة جنب و جاوب ناصر: ماذا أيضا ؟ البوص: انت تعلم .. لن يتوقف عملك لانك ذهبت الى المغرب ناصر: (ببرود) اعلم البوص: ضحية اخرى "ثائر تاج الدين" بعد الغد سيكون في حفل زفاف موجود ب ***** اذهب الى هناك و تعرف عليه ناصر:حسنا اكراام غير وصلات وراتها "حسناء" البيت لي ترتاح فيه مشات نيشان نعسات كانت كتحس براسها مهدووودة اما "حسناء و طوني" فبقاو شادينهم العائلة بالهدرة ما طلقوهم حتال 23:00 #اصبحنا_و_اصبح_الملك_لله فاقت بطلتنا على صوت الزغاريت و الغوات الضحك و الحيوح و زادت عليها "حسناء" لي دخلات عليها للبيت كيف البرق و تلاحت فوقها حسناء:و نووضي النعاااسة خلاااص خلييينا نمشيييو نشريييو داكشي لي باقي خااصنا اكراام:وااش حتاا بقاا للعرس نهاار عاد تفكرتي اش خااصك حسناء:و نااري شحاال فيك شووفي عندك نص ساعة و نلقااك لتحت يلله ناضت اكرام من بلاصتها كتكسل و هي موكلة امرها لله دخلات للحمام خرجات لبسات جينز و ديباردور بيض و بالغينة بيضة، حطات ميكاب خفيف و خرجات لقات حسناء لا تقل عنها وسامة شدات منها و تاجهو للمول وصلو و بقاو المحل لي دخلو ليه كيرونوه مرة يشريو و مرة لا مرة يضاربو مع مول المحل و مرة يضحكو حتا عياو و خرجو خداو گلاص و بقاو كيتمشاو حدا البحر فنفس الوقت كان "ناصر" خارج يدير السبور شافها و قلب الوجهة ديالو باش متشوفوش حيت غتبدا تفرع ليه راسو...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
