القاتل المأجور (متوقفة)

17

#فالفيلا
عند "اكرام" لي يلله فاقت شافت فالساعة لقاتها 23:30 دخلات للحمام غسلات وجهها و بدلات عليها لبسات بيجامة طويلة فايتة الركبة فالغوز مرسوم فيها ميكيماوس جمعات شعرها كعكة مهملة لبسات بانطوفتها رشات ريحتها و جلسات كتخبط فالباب
اكرام:(كتغوت) ناااصر واش نتااا كابن هنااا .. ناصر عفاااك حل عليااا
نتابهو ليها الدراري لي كانو فالصالة الفريد شاد التيليفون كيخربق فيه، و طوماس متبع مع التيفي و بين ايديه الشوكولا
طوماس: سمع البنت كتغوت .. واش هذا حمق ساد عليها ولا شنو
الفريد:(تنهد) عيط للبوص قوليه واش كاين دوبل  ساروت
دوز طوماس المكالمة و عطاه البوص البلاصة فين كاين الساروت طلع كيجري حل الباب ما بان ليه حتا واحد و لكن سمع صوت جاي من الحمام عرفها غتكون داخلة ليه، خلا الباب محلول و خرج .. بينما هي غير خرجات من الحمام و شافت الباب محلول طارت بالفرحة، نزلات كتعثر فرجليها شافت فالصالة كان "طوماس" مشبح فوق الكنابي شاد فايديه نوتيلا كياكل و هو مركز مع التيفي اما "الفريد" فكان جالس داير رجل فوق رجل جلسة رجووولية و فايديه التيلي هادشي كامل و هو معلابالهمش بيها كل واحد فيهم مركز فحاجة تنهدات و هي كدعي فيهم فخاطرها واخا كيبانو ظريفيين و فالاخير را كلهم قتالة و ماكيرحموش، مشات للكوزينة خدات ليشيبس و الشوكولا و الفريز و جات كتجر فرجليها حتال حداهم تشبحات فالارض و خدات وسادة و جلسات فوقها حطات داكشي كتاكل و هي ساكتة حتا قاطع صمتهم "افريد" بالسؤال لي كانت متوقعهاااهم يطرحوه عليهاا
الفريد:فين تلاقيتي ب"ناصر"
اكرام:فالطائرة و شفتو فعرس صاحبتي و جابني معاه للدار
طوماس: نتي من بنات الليل
اكرام:(خنزرات فيه)
الفريد:واش نتااا مكتسكتش ؟
اكرام:من حقو يقول هكاك راه باقي متعرفش عليا
طوماس:هي الا عرفتينا عليك
اكرام:مرحبا و لكن تعرفوني عليكم قبل
طوماس:انا "طوماس" من اب روسي و ام امريكية فعمري 26 سنة مكملتش قرايتي تربينا غير فالخيرية و تلاحينا للزنقة فسن صغير عايش مع خويا "الفريد" انا من الناس القلال لي ممكن تلاقاي بيهم فحياتك احم و بكل تواضع متلقايش فحالي
الفريد: و زيد عليها من اكبر الزلالة و حاصل على ماجستير في التعناب
اكرام:هههه مشرفين ا طوماس
طوماس: تبغي نعرفها عليك ا الفريد
الفريد: انا "الفريد" الاخ الكبير لهاد البرهوش 27 سنة، حتا انا ما كملتش قرايتي و لكن كنحاول نتعلم عن بعد من التيليفون
اكرام:متشرفين (رددان قبل ما تسولهم) والديكم لي لاحوكم للخرية ؟
الفريد: والديا و حنا جينا زيارة للمغرب واحد العام و تما درنا حادث نجيت منو انا و خويا و والدينا ماتو
اكرام: (باسى)حتا انا ماما ماتت و انا فسن صغير
الفريد:اممم سمحيلي فكرتك
اكرام:لا سمحلي انا لي فكرتك
طوماس:لا سمحولي انا لي فكرتكم و شكرا
الفريد: واش ما كتسكتش هههه عرفينا عليك نتي كتر
اكرام:انا "اكرام" من اب روسي و ام مغربية فعمري 21 سنة من بعد ما ماتت ماما بابا لي عتنى بيا بووحدو طول هااد السنين مؤخرا مااات(سكتاات شوية و كملات)ماات مقتوول فحياتي مغنسى ديك الليلة من بعد مريت بازمة و تعرفت فيها على "طوني" لي كان طبيب و الصديق ديالي و "حسناء" خطيبتو جيت معاهم للمغرب حيت كانو غيديرو عرسهم هنا و نيت باش نبدل الجو و الباقي راكم عارفينو
طوماس:اذن الاب ديالك ماات مقتوول
اكرام:اااه
الفريد:شنو الاسم ديالك الكامل
اكرام: "اكرام ماينيز"
طوماس و الفريد بحال الا صرفقتيهم ولاو غي كيدورو فعينيهم و تزيرو و بزز باش كيصرطو ريقهم اما "اكرام" فكانت مراقباهم بصمت و مهبطة راسها و على وجهها ابتسامة شريرة قاطع هاد الجو المكهرب صوت الباب كيتحل كان "ناصر" داخل عينيه حمرين و ريحتو مجهدة بالشراب
ناصر:(بحدة)نتتتتي شنوو كديييري هناااا
اكرام:ب...ب..ااانا
ناصر:(بالغوات)طلعي بحااااالك
اكرام:وو...واااخا(ناضت كتجري طلعات لغرفة سدات عليها الباب بالساروت و تخشات فالمانطة و هي كترجف بالخوف)

الفريد:واااش نتاا سكراان ؟
ناصر:ما سوووقكش
ناصر واخا كيشرب ماكيشدش فيه و لكن هاد المرة زاد فيه و اصلا معصب بلا شراب بلا والو
طوماس:وااش نتااا عاارف بلي اكرام(قاطعو)
ناصر:اكرااام اكراام اكرااام نتا بعداا مني جييييتي و نتااا مقااابلهاااا
الفريد: نااصر تهدن نتا دابا ما واعيش
ناصر:(قاطعو) شووووفوو بزوووج بيييكم و سمعوووني مزياان شنو غنقوول ليكم ... "اكرام" بعدو منها حتا وااحد ميبقا يقرب جيهتهاااا
الفريد: ما يكون غير خاطرك و دابا تهدن
ناصر:هاااديييك ديااالي وااش كتسمعوو ديااالي
طوماس:(كيحاول يطلعو لغرفة ديالو)هي دياالك غير يلله ا صااحبي بلا فوضى
ناصر:طللللللق مني نتا
الفريد:(بالغوات)ناااااصر طلللع دااابااا حتااال الصباااح و نتفاااهمو
نناصر:(بحدة) واش كتغوت عليا ؟
الفريد:(ببرود)طلع حتال الصباح و ندويو
ناصر:لقيييتووني مقلووب بالنعاس اماا ندفنكم هناا كاملين جملة
مشا طلع و خلا صحابو لتحت غير كيشوفو و كيحللو و يناقشو فضلو انهم يمشيو ينعسو فغرفهم لي كانو غير لتحت و يخليو حتال الصباح مني يصحصح يدويو معااه على هاادشي لي دار و الشي لي قالت ليهم "اكرام"...
اما "ناصر" فبغاا يحل باب الغرفة لقاه مسدود بالساروت من الداخل طلعت ليه عيشة و بدا كيضرب الباب و يغوت و يسب غير فمو و ما قال
ناصر: حلي هااد الباب ولا غنفرعو و نفرعك معاااه
اكرام:(مت تحت المانطة)اهئ ارحم والديك نعس فالصالون هاد الليلة اهئ
ناصر: غتحلي هاد الباب تبارك الله مغتحليهش غندخل على د***ك نفرعك
اكرام:اهئ اهئ و الا ضربتيني
ناصر:(كيمسح على وجهو بالعصب)حلللللللي
اكرام:اهئ اهئ و ماضربنيش
ناصر:مبغيييتيييش تحللللي
ناضت كتجر رجليها حلات عليه و هو يتلاح عليها جرها من شعرها حتال طرف السرير طلق من شعرها و جلس و هو مهبط راسو و باين عليه مهموم شي حاجة كتقوليها شوفي ماالو عنقيه عندك و طمنيه بلي مغيوقع ليه واالو و لكن عقلها كيمنعها و كيقوليها خليييه و تشفااي فييه هاادشي و مزااال نتااقمي منوو هادشي لي كيوقع لييه رااه بسباب ذنوبك و ذنوب ولاد دوك الناس لي قتل ليهم والديهم و يتمهم و حرق قلبهم... هزات ايديها و حطاتها على شعرو كتمسح ليه عليه و هي معاارفاش شنو كدير ولا علاش كدير هكااا هو مني حس بيها هز فيها راسو عينيه لي كانو حمريين و هازين حمل ثقيل و كان هموم الدنيا على كتافو جرها من خصرها و حط راسو عليها و هو مزير عليهااا حتا حسات بالدموع على كرشها هبطات ايديها جهة راسو كتحاول تهز وجهو مبغاااش عرفاتو مبغاهاش تشوفو و هو كيبكي زادت حضناتو ليها و هي مزال معرفاتش شنو كدير مسح دموعو بلا متشوفو و جرها لفوق السرير نعس و هو محاوط ايديه على خصرها و هي كتمسح على شعرو بقاو هكاك حتا غفى...