فالقاعة لي كانت مصممة بواحد الشكل زوين بشكل راقي و كتبين بلي العرس مغربي 100% كانت جميع الانظار موجهة ليها لابسة كسوة بلا كتاف طويلة فالكحل و حاطا ميكاب خفيف جالسة فالطبلة حدا عائلة العروسة كتشوف فالنقاشة كيفاش كتنقش ل"حسناء" و كيفاش صاحبتها او بالاحرى من هاد ل10 ايام لي دوزات معاها ولات كتحسبها ختهاا كانت فرحانة و هادشي باين عليها هزات عينيها و شافت "اكرام" كيفاش سارحة فيها و على وجهها ابتسامة كبيرة ضحكات و دارت ليها اشارة بايديها باش تجي عندها...مشات عندها "اكرام" بخطوات تقاال كلشي حل فيها فمو سوى رجال ولا عيالات...وقفات كتشوفها و هي لابسة قفطان فالاخضر مطروز جاتها على فورمتها كتبان منحوتة و حاطا ميكاب تقيل مع تسريحة جاتهاا زااز... حسناء:الزيين فين سرحتي هههه عارفاا راسي زوينة اكرام:(عنقاتها)هههه زوينة بزااف حسناء:و لكن منكونش بحالك هههه ليوم تبركي فبلاصتي شوفي الرجال كيفاش كيشوفو فيك(غمزتها) اكرام:الله امسخك هههه حسناء:يفوت غي هاد الليلة و نتمسخ مهم ما نهربش العريس من نهار اللول اكرام:ههههه مبروك ا حبيبتي حسناء:الله يبارك فيك عقبالك اكرام:(غي سمعاتها معرفاتش علاش جات صورة ناصر فبالها) لا انا مزال عاجبني الوحدانية ا ختي سكتات و هي كتشوف "حسناء" كيفاش حلات فمهاا فباب الدخول ديال القاعة و عاد اصوات البنات و هما كيتهامسو... .....:يااا ختي شوفي ليك اللحية و الفورمة و العوينااات .....:احح ا قلبي ليوم نطيحو فالشبكة .....:البنات هدااا ماااشي مغربي ويلي مي تي شوفي لياا اللحية .....:هيييه جمعو رااسكم هذااك غيكون رااجلي .....:غيكوون رااجلي انااا و فجأة بدااو البنات كيتخااصمو و شي باغي ينتف شي....شافت فيهم "اكرام" ببرود دارت ضحكة جنب و دورات وجهها تشوف هذا لي دايرين عليه حالة غي شافتو و دارت ابتسامة عريييضة اكرام:(دارت تشوف حسناء لقاتها حالة فمها)وااا العماالة سدي فمك الموت كدور حسناء:هااا...اااا....مااالك اكرام:الله الله شكوون عندو العرس ليوم حسناء:اواا صاافي عندي "طوني" حسن منوو اكرام:امم تيقتك انا غنوض نبدل و نجي حسناء:(بخبث)اممم قولي لياا عينيك فيه يا العفريييتة من حولك كتشوفيه كتولي تنقزي اكرام:الله يعطيني الصبر(و ناضت خرجات) كان داخل و هو هااز راسو للسماا بكل ثقة كيشوف كيفاش لفت انظاار المدعوين دار ابتسامة باردة على وجهو، شاف البنات كيفاش كيتهامسو عليه و غياكلوه بعينيه كرههم و شمائز منهم .. قلب عينيه كيقلب على "ثائر" حتا لمحها و هي خارجة من القاعة بخطوات سريعة و كتلفت وراها جات ليوم مبدلة بالميكاب الصارخ و التكشيطة زادت زينتها ... تنهد فنفسو عارفها الا شافتو غادي تجي تفرع ليه مخو كيف العادة رجع كيقلب بعينيه على "ثائر" شاف القاعة باقي ما عامراش بزاف و العريس ماكينش عرفو غيكون من عائلة العريس تاجه لواحد الطبلة كانت خالية و جلس هز عينيه فالناس لي كاينين كيشوف كلشي كيشوف فيه و كيهدرو و البنات اضحكو و يتعوجو حتا شاف وحدة منهم مقربة جيهتو و جلسات حدااه البنت:سميتي هبة و نتا ناصر:(شافيها بوجه خالي من التعابير) علاش كتسولي هبة:(تبسمات حتا بانت ليها ضرسة العقل) حيت عجبتيني ناصر:(محملهااااش و سكت) هبة:احم بابا عندو شركة مقاولات و ماما مهندسة و انا عندي ماستر هاد العام حناا لاابااااس علييناا و عندناا... ناصر:(ضراتو فراسو و قاطعها بحدة)واش غتسكتي ولا لاااا و نوضي تهزززي عليا من هنا هبة(:قربات منو)غير قولي علاش معصب داابااا ناصر:(شدها من الفك ديالها و دخل صباعو فيه حتا كان غيهرس ليعا فمها)يااا غتنوضي تجمعي ك*ك من حداايااا ولا غنفرع د**مك قدامعهم .. داك الت**ب مانفعنش حتا مع لي حسن منك البنت تخلعات دموعها فعينيها .. ناضت كتجري حتا دخلات ف"اكرام" عتاذرات و كملات طريقها اما اكرام فدورات وجهها كانت شافتها معااه اذن هو السبب ما تعجبااتش بالعكس هي عاارفااه اش كيسوى هي براسها ما خلات ما سمعات منو، رسمات ابتسامة على وجهها و قربات منو بخطوات بطيئة كانت مشات بدلات عليها لبسات كسوة المعري كتر من المغطي و طلقات شعرها و زادت الميكاب اما "ناصر" فكان كيطلع و يهبط فيها و على وجهو داير ضحكة جنب... قربات منو و حطات ايديها على كتفو و جلسات قبالتو اكرام: ناااصر شنو كدير هناا ناصر :انا لي غنهز العروسة فالعمارية اكراام:وااش بصااااح اذن هزني حتا انااا ناصر:(تعصب)رااا غنهزك و نخبطك مع الارض اكراام:(بنظرات بريئة)و لكن اناا ما درت واالو غير قلت ليك بما أنك غتهزها هزني حتا انا نجرب احساس العمارية و انا اول مرة نجي للمغرب و نجربها (كترمش بالشوية و تعسل عويناتها) ناصر:(شاف فيها ببرود) غي حيدي دوك الشوفات ما كيأثروش فيا قاطعهم صوت الزغاريد و الدقايقية و الناس داخلين من باب القاعة متوسطهم "طوني" لي ما فاهم والو من هاد العادات و لكن كيضحك و يصفق "اكرام" جاب ليها الضحكة مني جلس فبلاصتو و هو يشطح و "حسناء" تغمز فيه و تبرك فيه و هو لي فراسو فراسو اما "ناصر" فكان كيقلب بعينيه غير على "ثائر" حتا شافو دااخل و فايدو بنت صغيرة فعمرها 6 سنين هكااك و مراتو جنبو فرحاان و كيتبسم و يسلم على هذا و هذا بقا كيشوف فيه كيحلل شخصيتو "ناصر" فيه واحد الميزة و هو انه من تصرفاتك كيعرف شخصيتك و من عينيك يعرفك علاش نااوي... قاطعااتو اكرام:(بجدية)بغيتك ناصر:(ببرود)فاش بغيتيني اكرام:(كتلعب بصبعانها)ما فهمتيش ناصر:(قرب وجهو منها)واش داكشي لي فهمت... اكرام:(عاافت رااسها محملاتووش)امم اااه ناصر:(كيشوف فيها علاش ناوية تاني) عندي شي شغل نساليه و انا معاك نااض من حدااها غاادي فاتجااه "ثاائر" هي بقاات تابعااه بعينيها حتا شافتو وقف على السيد و كيضحك ليه عرفااتو نااوي يقتلو بداات كترجف كتشوف فين غترمي رااسها داز وقت طوييييل و هي كتقنع رااسها بلي مبقا عندها متخسر فهاد الدنيااا كتشوف فالناس كيف كيضحكو تمنات كون كملات فرحتها بحالهم و لكن هي مكتوب عليها القرح معمرها تفرح فحياتها بدون شعور نزلات دمعة من عينيها...قاطعها و هو ماد ليها ايديه ناصر:مشينا اكرام:(مسحات الدمعة من عينيها و حطات ايديها الصغيورة وسط ايديه)اووك يلااه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
