مدخل :
لا ٺزعلين!
هي كذا الدنيا ما هي دايم ٺزين
حاولي بس تلتہين بالدفاتر لوتبين
أو ارسمي لك حلم واهربي لابغيتي ٺفرحين ٺصدقين أنصحك
وانا الحزين اللي ضيعني الحنين لاتسكتين تمتمي لي كلمتين
وأكذبي لوٺقدرين
قولي باكر ايامي ٺزين
وأنا ب أصدقك لكن أفرحي
لَاتزعلين
قفلت كتابها و ارتمت على .سريرها و أفكارها تحوم حوله !
من يوم ما كلمتها خالتها ' أم رائد ' بــ موضوع خطبته لها و هي لا ليلها ليل و لا نهارها نهار ، '
أقل ما يقال عنها مصدومــــــــــة ! . . . و للآن تحس نفسها بـ حلم !
عدلت جلستها و غرزت أصابعها بـ شعرها و بـ داخلها متاهات لا نهاية لها !
طروا بـ بالها ( ريان و منى ) ، بـ خاطرها تفضفض لأحد و مافي أقرب منهم
وقفت ناوية تطلع لكن الباب انفتح قبل لا تقرب له
مها : ملوووك وش فيك حآبســــــة روحك هنا مو زين لك !
ابتسمت بـ تعب و وقفت قدام المرايا تعدل شعرها : الحين كنت ناوية أطلع
مها : إي تعالي منى بالصالة تنتظرك
التفتت بسرعة و بإبتسامة واسعة : منووووش هنــــــا ؟
مها و هي طالعة : إي هي و خالتي أم ياسر
بحركة سريعة رفعت شعرها ذيل حصان و طلعت من الغرفة و على شفاتها إبتسامة واسعة . .
دخلت الصالة و توجهت لأم ياسر تسلم عليها : شلونــــــك خالتي ؟
أم ياسر بإبتسامة حنونة : يا هــــــلا بـ بنتي . . ربي يحفظك ما شاء الله وش هـ الحلاوة . . كل يوم تزيدين جمال لا إله إلا الله !
تلون وجهها بـ حرج و جت بــ تلف تسلم على منى . . لكن يد أم ياسر سبقتها و هي تسحبها بـ جنبها : وش تبين من منى ؟ . . ماشفتيها اليوم الصبح ؟ - وهي تضمها بخفة - خليني أملى عيوني بهالزين !
منى كانت كابتة ضحكتها و هي تشوف حرج ملاك . . أمهــــــا ما تترك حركات العجزان !
دخلت ' أم رائد ' اللي كانت تصلي . . وهي تهلي و ترحب بهم . .
و بعد أخذ الأخبار و الأحوال
أم ياسر بإبتسامة حب لــ ملاك : والله يا أم رايد لو ماصار نصيب مع اللي تقدم لها . . أنا من الحين أحجزها لـ ولدي ياسر !
انحرجت أزود ملاك و كل ألوان العالم تجمعت بـ وجهها !
أم رائد و عينها على ملاك : الله يكتب اللي فيه خيــــــر
أما منــــــى تغير وجهها لـ الضيق و قلبها يعورها !
وقفت ملاك : أنا رايحة أساعد مها
لحقتها منى رايحين لـ المطبخ
ملاك داخلة المطبخ : مها روحــــــي اجلسي مع الحريم وانا و منى بنجهز القهوة
مها التفتت عليها و طاحت عيونها على منى . . و بإبتسامة : لا شدعوة نشغل الضيفة معنا !
سحبت منى الفناجين منها : أقــــــول بس تلايطي انتي و كرشك ذا ! . . أنا وحدة منكم و فيكم
ضحكت مها وهي طالعة : دام كذا . . غسيل المواعين عليك
منــــــى بـ صوت عالي : من عيــــــوني ! - التفتت على ملاك - أختك بـأي شهر ؟
ملاك ترتب الحلا : توها داخلة بـ التاســــــع . .
منــــــى : ياقلبي الله يعينها ! - و بضحكة - جــــــا ببالي شكل ريان و هي . . . . . . . .
قاطعتها ملاك : صح ريــــــان وينها ؟
منى : بالبيت مع تلــــــو . . يدها تعورها !
ملاك توها تتذكر : يــــــوووء صح وش صار عليها ؟
هزت كتوفها : رحنا المستشفى و طلع معها إلتواء بسيط !
ملاك بـ ضحكة : والله خطيرة تالا ما توقعت يطلع منها كل هـ القوة !
كشرت منى : الله يكســــــر يدها ! . .
ملاك : حــــــرام عليك لا تدعين !
منى بـ تغيير للموضوع : شيلي الصحون وانتي ساكتة . .
أخذت ملاك الحلا ناوية تطلع . . لكن صوت منى المرتبك أجبرها تلتفت : مــــــلاك
ملاك لفت عليها : هممممم !
منى بـ تردد : أبي أخبرك بـ موضوع . . بس اتركيه لـ بعدين
ملاك تنهدت : وأنا بعد عندي موضوع . . تمنيت لو ريــــــان موجودة !
منى بـ حماس : طيب شرايك نطلع لها ؟
ابتسمت للفكرة : أوكككي بس أستأذن من خالتي
طلعوا للصالة و أستأذنوا و خلال خمس دقايق كانوا بشقة ' أبو ياسر '
