My Cyborg Wife

My Cyborg Wife - 32 Nate Is Awake

Wala ring nagawa ang mama nila Travis sa naging pasya nito na patuluyin ang pamangkin sakanilang mansyon. Nanatili ang bata sa kwarto ni Nathaniel at doon siya sa couch natutulog. Dalawang araw na simula nang manatili siya sa mansyon at simula noon ay hindi pa siya kumakain ng maayos dahil wala siyang gana.

"Papa.. Gising ka na please.. Let's visit mama.." Pinupunasan niya ng bimpo ang mukha ng papa niya at palagi niya itong kinakausap ngunit kapag naririnig niyang parating ang lola niya ay nagtatago ito sa ilalim ng kama dahil sa takot na baka saktan siya uli nito. "Papa please.. Don't leave me.." Pinunasan nito ang braso ng papa niya ay at napansin niya na gumalaw ito. "Papa? Papa!" Hinawakan niya ang kamay nito at pilit na ginigising. "Papa wake up! Papa!"

"Hoy! Anong ginagawa mo sa anak ko?!" Narinig niya ang malakas na pagbukas ng pintuan saka siya nanginig sa takot, sinubukan niyang magtago sa ilalim ng kama ngunit mabilis siyang nilapitan ng matanda at kinurot kurot. "Sinong nagsabi sayo na pwede kang maglaro dito? Wala kang karapatang mag ingay dito dahil hindi mo pamamahay to! You don't belong to this family! Go back to your whore mother!" Sinampal niya ang bata kahit na umiiyak na ito.

"Ma.."

Bigla siyang napa tingin kay Nathaniel na naka tingin sakanila at kitang kita nito ang ginawa ng ina sa bata.

"Nathaniel! Anak ko!" Itinulak niya ang bata saka niya nilapitan at niyakap ang anak. "Diyos ko po, maraming maraming salamat at nagising na ang anak ko."

"Nathalia.."

"Papa.." Tumayo ang bata ngunit hindi ito lumapit sa ama dahil natatakot ito sakanyang lola na ngayo'y naka tingin ng masama sakanya.

"Come here." Tinawag niya ang anak at kahit na hirap ay itinulak niya ang ina. "Come here my baby."