ألينا؛
مهندسة معمارية سيدة أعمال و مديرة لشركة مقاولاتية و تصميم ديكورات الفيلات و ديكورات الافلام .. عمرها 25 سنة ... من أب جزائري و أم فرنسية ...عايشين في دزاير ... أما مقر شركتها في فرنسا و بالضبط في باريس... أهم حاجة عندها أنو القدر دايما يحقق العدل
ألفة؛
شريكة ألينا و ذراعها اليمين ... قراو كيف كيف هندسة معمارية ...عمرها 25 سنة ... من أم و أب جزائريين ... أهم حاجة عندها الموضة و كيفاش تكون فاشيونيستا
فادي؛
صاحب شركة انشاءات ... من أب إيطالي و أم جزايرية ...عمرو 29 سنة ... حياتوا قايمة على مبدأ انو كل خطوة يعملها يربح منها .. أهم شخص عندوا جواد ( مبعد تعرفوا علاه)
جواد؛
ابن أكبر رجال الأعمال فالغرب... الللي هو سيزار رئيس شركات البترول فإيطاليا... و عضو من منظمة الأوپاك للمحروقات .. واللي مخلي ولدوا كذراعوا يمين .. جواد عمرو 28 سنة ...من أب إيطالي و أم فرنسية دزيرية ...أهم قاعدة عندو " كامل يموتوا باش نرتاح أنا " بالمختصر أهدافوا على حساب الناس كامل ... يلقب ب البارد ...
.............................
ألينا؛ تحكي :
باقية نحل في عينيا ...ضوء قوي ضرب فعينيا...خلاني نعاود نغمضهم ... وجيعة قوية سرات في جسمي ...جيت نتحرك حسيت بوجيعة في رجلي .. حتى راسي مقدرتش نهزوا من البلاتر اللي على رقبتي ... عديت عينيا على البيت الظاهر ...غرفة العناية المركزة ... شوي و تحل الباب ... شفت لشكون دخل ...
فادي؛ صافا مدموزال
شفت معاه ... وجيعة سرات في راسي ... خلاتني نغمض عينيا ... قدم عندي حط يدو على كتافي ...
فادي؛ دوك نعيط للطبيب ..
حليت عينيا بالشوي ...على صوت الطبيب كي يقلب فيا هو و الفرملية ...
الطبيب؛ مدموزال ممكن تمدلينا اسمك باش نتصلوا بعايلتك
شفت معاه نركز في كلمة اسمك ... حاولت نتذكر شنوة اسمي ... اسمي _!!!
ألينا؛ اسمي ...... اسم...اسمي ... ممعرررف
الطبيب؛ متعرفيش!!!
الفرملية؛ دكتور ...حالة فقدان ذاكرة !!
الطبيب؛ اسمك ألينا
ألينا؛ وو وين عرفت ؟؟
الطبيب؛ السنسلة تاعك مكتوب فيها ألينا
قدم نعتلي السنسلة ... باسكو منقدرش نهبط راسي ... شفت معاها ... غمضت عينيا نحاول نتفكر أي حاجة وااالوووا
الطبيب؛ مدموووزال متفورصيش روحك ..
حليت عينيا شفت معاه...
ألينا؛ منعرفش شكون أنا !!! واش جابني هنا!!! عايلتي !!! ك ك كيييفااااش!!
الطبيب؛ مدموزال ألينا ... عيشك اهداي ... انتي صرالك حادث ... دهمك واحد ... فالبارك السونترال اللي في براغ
ألينا؛ براغ!؟
الطبيب؛ شوفي مدموزال انتي كي طحتي ...طاحت من راسك من اللورا ... الأصطدام اللي صرا كان سبب...في فقدان ذاكرة مؤقت... مي دوك تتفكري بالشوي ...
ألينا؛ كو ..كون ...كون منتذكرررش!!!!! نبقى هكاااا ؟!!!
الطبيب؛ لا مع العلاج تتفكري انشاالله
دوكا ارتاحي ... مبعد ننقلوك لغرفة نورمال
تلفتت لهاداك اللي كان واقف ...
ألينا؛ انتا اللي دهمتني !!!!!!
الطبيب؛ لا مسيو فادي جابك لهنا
ألينا؛ ع ع عيشك
فادي؛ من غير مزية
خرجوا ... غمضت عينيا دموعي نزلوا ... شكوني أنا .. علاش ! .... وواش رايحة ندير ...حتى الحركة مقدرتش نتحرك ... أكثر شي نتمناه دوكا انو عايلتي يحوسوا عليا...
....................
الطبيب؛ الحكاية تخلطت فادي .. انتا صح صاحبي ... مي الطفلة فاقدة الذاكرة دوكا ... و هذا الشي خطير ...عمبالك بلي قادرة ترجع قادرة نن...و زيد علاجها باش يطلب وقت ... و بلايص اللي راحتلهم و عباد تكون شافتهم من قبل ... و زيد راهي جزايرية .. تسما فيها فيزا و باسبور ...و اكيد تدخل السفارات كون تعود شخصية مهمة...
فادي؛ ميشال اسمع ...اللي خبطها تقدر تقول خويا ... و دوك العينين كامل عليه... أقل غلط تخلا ... و حكاية كيما هكا ...باس تجيب وجاع راس مناش ناقصينوا ... دوك نديها لداري حتى ترجعلها الذاكرة مع العلاج ...مي أهم شي يترڨل الوضع كانوا ماصار شي...
ميشال؛اففف من المشاكل تاع السي البارد ... أوكي فادي مي رايحة تكون آخر مرة نغطي على عمايلوا
فادي؛ صحبوووب تعيشلي
ميشال؛ اخطيني بركا التسلام ... التبلعيط تاع النسا هادا...اسمع لازم تجيبها باش ندير جلسات معاها .... و رجلها تاني تكسرت عليها لازم كي يفوتوا 21 يوم تدير جلسات باش تولي تمشي قد قد
فادي؛ داكوغ دوك نتفاهم معاها
ميشال؛ بالشوي فادي ..ضغط زايد يولي من المستحيل ترجع الذاكرة .... و تدخل في حالة الجنون
فادي؛ ايييه مشكل... دوك نسايس و خلاص
.......................................
ألفة؛ منعرش عمي مراد ... آخر شي تذكرتوا أنو كنا راح نتغداو .. و نزلت هي للبارك مع اللي يهزوا الحوايج ...
مراد؛ احكييييو نتوما الزوووووز كيفاش !!
-مسيوا حطينا الحوايج و طلعنا ... جاها تيليفون وقفت تحكي
مراد؛ والله و تصرا لبنتي حاجة نسفر برواحكم كامل ... الكاميرات تاع البارك وين !!
مدير المول؛ تفضل معايا مسيو
مشاو للصالة الكاميرات
مدير المول : حطلنا تسجيلات البارك ليلة البارح على 20
-مسيو سامحني مي صرا خلل تقني البارح فالكاميرات ... و لدوكا مجاش المبرمج باش شوف واش بيهم ..
مراد؛ كممممملت دوكا ...حاب يقول اللي بنتي صاي ... اختفت من غير ما تدي الطاكسي تاعها ...دوك تشوفوا
ألو وي ... وي سجلي قضية فالدوسي تاع الأنتربول ...
مدير المول؛ مسيووو خلي نتفاهموا دوك نلقاوها
هزلوا يدوا في وجهوا سكتوا
مراد؛ أوكي لازم بنتي ليوم تلقاوها أوكي
كوپا عليه خزر فالمدير و الخدامين
مراد؛ نظن متعرفوش بنت شكون اللي تفقدت من المول تاعكم ... مراد بن رمضان .. جنرال في القوات المسلحة ..و عضو في منظمة الأنتربول .. و عضو دائم في مجلس الأمن الدولي ... و عضو في منظمة العدل الدولية ...يعني دوكا نقدر نسفرك بيك بالمول تاعك ... ادعي تكون بخير .. و ازرب صلح الكاميرات ...دوك يلحقوا الرجال و نشوفوا ....
.............................
فادي؛ وي جواد
جواد؛ اسمع وينننك !!!
فادي؛ واش كاين
جواد؛ الطفلة اللي قستها وينها جيبها فيسع
فادي؛ علاه؟
جواد؛ ظهرت بنت واحد من كبار أعضاء التنظيمات العالمية ..
فادي: شايخ بيا جواد ؟؟؟ ..وين تعرف الطفلة !!!
جواد؛ فادي ماش وقت تسقسي ..عمبالي راك فالكلينيك جيبها. .. و توله يسمع واحد
فادي؛ داكور دوك نشوف كيفاه .. مي متفوتش هكاك جواد ...كثرت ...
كوپا عليه .. طبطب فالباب و دخل ...شافت معاه و جات تتقعد
فادي؛ لا ارتاحي
قدم عندي .. باقي ساكت .. باين حاب يقول حاجة و تكاكا ..
ألينا؛ وش كاين مسيو ؟
فادي؛ فادي
ألينا؛ نعم ؟؟
فادي؛ اسمي فادي
ألينا؛ أه سامحني .. متشرفين فادي .. كنت باش نقوم نصافحك على خيرك .. أما تشوف الحالة كيفاش
فادي؛ لا من غير مزية هذا واجب .. ألينا لازم نخرجك منا
ألينا؛ تخرجني؟؟ مي وين منيش متفكرة حتى حاجة و و وين نروح....
فادي؛ لداري ..باسكو فالكلينيك متقدريش تقعدي ... تجي غير كي يعود عندك جلسات علاج برك
ألينا؛ و عايلتي دوك يكونوا متقلقين و و ..
فادي؛ مكيش مطولة عندي .. جيست ترتاحي و ترجع ذاكرتك ... تولي لحياتك ...
ألينا؛ مي
فادي؛ اعتبري كلي رايحة لأوتال و كي ترجعلك ذاكرتك تخلصيني
أوكي ؟
ألينا؛ أوكي
فادي؛ هاني ديت إذن من الطبيب ..خلي نعيط للفرملية تعاونك تلبسي .. مبعد نجيك داكوغ ؟
ألينا؛ داكوغ مرسي فادي مزيتك جامي ننساها
ف
تبسملي و خرج ...دخلت الفرنلية عاونتني لبست .. بسيف ما كملت .. و مبعد خرجت ...دخل الطبيب يوصي فيا ... باقية نسمعلوا مي مخي ماش معاه ..كي كمل جا فادي عاوني وقفت ... حكمت الحدايد باش نمشي بيهم ... باقي يعاون حتى ركبنا فالطاكسي ..
🔜🔜🔜🔜🔜🔜🔜🔜🔜🔜
#بسرى_أمجوج 👑
#عشق_محرم_دوليا⚖
