الحلقة 40 :
فقت معدتي مقلوبة عاللخر .. رحت نجري للتوالات .. خرجت قلبي .. طلعت راسي خذيت نفس .. زعما يكون رجعلي المصران ! .. غسلت وجهي .. مع خرجت تحل الباب .. دخل لا سلام لا دستور
جود؛ وجدي روحك راح نروحوا مغامرة
ألينا؛ ناس تقول صباح خير ..طبطب الباب .. تصبح
جود؛ الناس .. بصح أنا نعامل صحابي هكا .. وجدي روحك مام ألفة جاية و فادي تاني
ألينا؛ عندي مناقشة مشروع ..
تقعد غزرلي .. يحكي بتطواط
جود؛ ألييينا صديقتي متخلينيش نتحول .. و نخطفك تعرفي أساليبي الجميلة
ألينا؛ ههه صاي اخرج برك
جود؛ ليه ليه .. سينو متفطريش ..
ألينا؛ أوك
خرج لبست سروال جين سليم .. مع سويت شيرت غوز بيلي و باسكات بيضا .. بوشات سبورتيف .. درت شعري تموجات خفيفة.. مام المايكاب مع ڨلوس خفيف .. حطيت بارفان و نزلت .. لقيتها متكي عالفوتاي .. رجليه فوق التابل .. جامي يقعد نورمال .. تلفت مع حطيت الخطوة اللولة خارج الأصانصير ..
هزني و حطني .. مبعد تقعد .. لابس فاست جين مع سروال جين تريكوا بيض و باسكات كيف
ألينا؛ هيا
جود؛ متفطريش ؟
ألينا؛ معدتي مش راكحة بالاك كشما نشريو عالطريق .. وين رايحين سع ؟؟
جود؛ دوك تعرفي .. مشا لحقتوا .. حكم المفاتح عالبواب .. شاور لرجالوا الي كانوا راح يركبوا .. حبسوا.. ركبنا .. حط نواظروا .. ديمارا .. حطيت راسي عللكرسي فشلانة خلاص .. حط موسيقى تلفتلوا و تبسمت
جود؛ شوي أومبيونص مش وقت رقاد
ألينا؛ ههه نتا اللي حبيت ..
بديت نتمايل ..لهبال ..غزرلي مفجوع .. يغزري للناس و يتلفتلب .. نبعد طفاه هزيت شعري لورا و شفت معاه
ألينا؛ لاه ؟
جود؛ فالديسكو ميديروش هكا .. حاطيني خاطف وحدة بسيكو
ألينا؛ هههه ميهموش..
تكيت عالبوتوم .. باقية نتمايل بالشوي .. تعدل وقت حبس الطوموبيل..تلفت نغزر للبلاصة ..فيها دي كوبل ..
ألينا؛ اليوم الإيطالي للكوبلات ؟
جود؛ ههه انزلي
مع نزلت هدت عليا ألفة
سلمت عليا .. فادي يحكي مع جود .. قدمت لوذني تهمس
ألفة؛ وش مامي ترونجيتوا .. نخطيك يومين ترجعيلوا
ألينا؛ هه نن مش كيما فتهمة آمي برك
ألفة؛ هههه لا لا لا لا دا كان زماااان (يفهموني غير اللي سمعوا هيفا وهبي بينوا رواحكم 😂)
مشينا
ألينا؛ وش راح نديروا منيش فاهمة. .
فادي؛ تخافي من المرتفعات
ألينا؛ نن ! أنا ؟؟ .. كنت مغامرة .. الكشافة و كدا
تلفت جود غزرلي بنص عين .. غزرتلوا
ألينا؛ شبيك .. نحكي الصح
تبسم على جنب .. و شورلي بصبعوا تلفت .. نلقا كوپتار 🚁
ألينا؛ راح نسافرو
سكتوا مجاوبوش.. بدلوا السوجي طلعنا .. مع الكوبلات هاذوك .. جو تاع هلال .. شوي و فهمت كي لقيتهم بداو يلبسوا فكارتابلات تاع المناطيد .. و السبتات .. طلعت ريقي و تلفت لجود.. لقيتها حاط يدو على فموا .. يتبسملي بتمقصيص .. رمشت بزربة ..
ألينا؛ اللي فراسي ؟
هز براسوا ايه و تبسم .. تلفت غزرت لفادي و ألفة بداو يلبسوا
ألفة؛ كون كشما يصرالي .. تتزوج ترجع روحي تنتقم منك
فادي؛ ههه ماكش تشوفي بلي سبتة وحدة و منطاد واحد .. يعني فالهوا سوا
ألفة؛ ههه
جود؛ خارجين على بعضاهم
ألينا؛ اممم
غزر ليدي اللي نفرك فيها متوترة
ألفة؛ هيا نتوما تلبسوا نعرضوكم
فادي؛ هيا يا بتاع الكشافة
غزرتلهم و نضت و تلفت لجود كي وقف لبس الكارتابل هاذيك .. و بدا يركبلوا لاخر ق
فالسبتة ..
-دوموزال قدمي بش نربطلك مع معاه
قدمت .. غزرتلوا .. شايخ عليا خلاص ..
-تحبي تجي مقابلتوا و لا بالظهر
ألفة؛ مقابلة مقابلة نريسكي وحدي ولا
تلفت ڨحرتلها .. و قدمت ربطني معاه .. بداو يرميو في روحهم ..قدمت ألفة و فادي
ألفة؛ ألينااا نحببببك عمري هههههه
ترماو شهقت .. تلفت ليه كي حكا
جود؛ هيا دالتنا ..
ألينا؛ م م منحبش
جود؛ متحبيش واش ؟؟ يخي متخافيش ؟
ألينا؛ بركة ما تبهلل .. أصلا من قبيل و نتا شايخ عليا ..
جود؛ قدمي الباب برك
ألينا؛ لالا متحشيليش
جود؛ هههه ارواحي ..
مشا تحركت معاه خاطر مربوطين .. وقف هو جيهة الباب .. و أنا مقابلتوا ..
ألينا؛ اععععع جوووود عالييييية رااااح نموووووت بزاف حوايج مدرتهمش...
جود؛ كيما واش ؟
ألينا؛ معرف .. حاسة برك و
جبدني ليه لصقت فيه .. حط يديه على وسطي كبس عليا ..
ألينا؛ ش شتعمل
جود؛ نعيش معاك الحوايج اللي حابة تعيشيهم
جبدني و ترما .. نضت نعيط على طول صوووتي
ألينا؛ اععععع جوووود ياااطحااان ... اععععع راح نموت شغل نيزك .. اععع ياااامامااااا دوك نهبط معجون ... اااااااااا يا مامااا.. جود البال حاب تموت موت وحدك ... لاه تجبد فيا زي الشر اععععع .. نيوووتن علاه اكتشف الجاذبية يا شكوووكووو... ااااااااااي ...
جود؛ أليييينا بلعععي طرشتيلي وذني .. حلي جد عينيك
ألينا؛ تستاااهل .. اعع شبيها خففنا هكا .. طلعنا للسما؟؟ .. متنا صاي ؟؟ .. زح حتى فالموت معايا ..
جود؛ ههه ياللي متخافيش حلي جد بابات عينيك لا نبوسك فالهوا
ألينا؛ والله صاااااح
حليت عينيا نڨحرلوا .. مبعد تلفت نغزر للأرض بعيييدة .. و الكوبلات لخرين نازلين .. نضت نفرفط برجليا ...ا
جود؛ يااو اركحي تقطعي السبببتة طيحي... شوفي لفوووق منطااد يعني تنزلي كي الريشة
ألينا؛ اه كيما فالفيلمات ؟؟
كبس عليا أكثر ..
جود؛ طلعي يديك ورا رقبتي
ألينا؛ نن نخاف نطيح
جود؛ ركزي مع وجهي وطلعيهم ..
بلعت ريقي .. و زربت تعنكشت فيه .. قدم ليا أكثر نفسوا نحس بيه على وجهي
جود؛ وش حاسة ؟
ألينا؛ الخوف
جود؛ و ؟
ألينا؛ الدفا
جود؛ و ؟
ألينا؛ نت تا وش تحس ؟
جود؛ بلي كامل
ألينا؛ يعني ؟
جود؛ يعني الشي اللي دي ما نفقدوا فحياتي.. معايا دوك .. منحتاج حتى حاجة من الدنيا
ألينا؛ بصح مش كيما لول
جود؛ ميهمنيش تحت مسمى واش و كيما لول ولا لا .. ديجا اللي الوقت اللي ضاع بزاف .. اللي يهمني هذا اللحظة برك ..
فادي؛ ألللللفففففة تتزوجي بيااااا
جبد خاتم من جيبوا و حطوا قدام وجهها .. خاطر كانت عاطيتوا بالظهر ..
ألفة؛ اععع فادي احكمني و مبعد تتفاهموا .. حا تزوج فالسما
فادي؛ دوكا هذا جواب تقول نرمي جدك لا علاقة بالرومنسية
ألفة يا ودي نقبل هات الخاتم نلبسوا احكمني برك
