الحلقة 6 :
ألينا؛ تحكي :
حليت عينيا نهار جديد .. أفكار جديدة .. حاسة روحي متفرهدة و فرحانة بزاف .. غسلت وجهي .. حابة نبدل قشي بصح .. مكانش قشي هوني .. حليت الخزانة لقيت فيها قشوا ! .. تسما هاذي بيتزا اللي أنا ديتها .. تبسمت على جنب .. هزيت تريكوا بيض .. لبستوا .. جاني روب ههه .. خليت شعري مسيب .. خرجت .. عدؤت على بيتو لقيتها محاولة شطر .. طليت لقيتوا راقد .. نزلت للتحت .. عملت فطور خفيف كيما جا ..
فادي يحكي :
جيست ما خبرني جود اللي هي بخير .. و اللي هي معاه طمنت عاللخر .. اول مرة نخاف عليها هكا .. منعرش اما نحسها قريبة ليا .. استانست بوجودها .. هاد البيريود اللخرة .. فرطت فاها .. منعرش علاش كنت نتهرب منها ولا من روحي .. اما اللي نعرفوا .. انو خايف يجي النهار و منلقاهاش معايا .. وليت خايف انو ذاكرتها ترجع .. خاطر باش تنقم علينا ... عديت ليل بكل نخمم .. كيف باش تنجم تبقا مع جود .. من غير شي هو عصبي و سيرتوا هاذ ليام .. مهوش مليح جملة .. من نبرة صوتوا كان هادي.. اما اكيد صار شي .. خاطر هدؤو اللي يخوفني .. طلع الصباح .. خذيت دوش خفيف صحصحت بيه .. هزيت تيليفوني و مفاتح الكرهبة .. و خرجت تعديت عالسوبرماركات .. قضيت واش وصاني .. و خدمت الكرهبة للشاليه متاعو .. حليت الباب خاطر عندي المفتاح .. باقي نمشي .. سمعت صوتها وهي دندن من الكوزينة .. تبسمت .. حاس روحي متوحشها ..خاطرنؤ استانست .. بصوتها هكا فالدار .. تي ليلة وحدة منجمتش نرقد و انا مش مطمن عليها ..حطيت الساشيات فالباب .. و دخلت نتسرسب .. قاعدة تحط فالعسل على البانكايك ..
جبدتها من يدها.. جات تعيط حطيت يدي على فمها ..
فادي ؛ اششششش
هزتلي براسها باهي ..نحيت يدي على فمها .. باقية تغزرلي .. عديت عينيا على وجهها الكل .. فكرة انها راحت وكنت باش نخسرها .. خلاتني نرڨل .. أصلا استانست بيها عاللخر ..باقية تغزرلي اكاكا .. الفكرة الوحيدة اللي دور فراسي .. أني نبوسها .. قدمت ليها مفماش مسافة كبيرة بيناتنا .. غمضت عينيا نشم فريحتها .. حليتهم غزرتلها ..
فادي؛ كنت باش نهبل كان صرالك شي. . مخممتش فيا انتي !! أه ؟؟
ألينا؛ فادي أنااا
جبدني ليه أكثر ..
جود؛ واش كاين هناا؟؟؟ !!!
ألينا تحكي :
تلفتنا في زوز غزرنالوا .. يغزرلنا ندرا كيف .. شغل فادي باسني .. منعرش شنوة اللي حسيتوا .. خاطر بروحي موش فاهمة .. فادي بالحق كان باش يبوسني .. زعما يعملها بالحق!!.. تي ماعدت فاهمة شي .. مرة صاحبوا مرة يقدم هو .. فقت من سرحتي .. كي جبدني لحملتوا عينيا تحلوا .. غزىت لجود كي باقي يغزر .. منعرش علاش يغزر هكا ..
فادي؛ كنت نطمن عليها الفرخة .. خوفتني ..
جود؛ هاهي لباس عليها
جبدني شوي من حملتوا حكم دقنونتي .. و غزرلي ندرا كيف ..
فادي؛ معادش تخرج بلا ما تخبرني باهي ؟؟ موش باش نسالك علاش خرجت أما متأكد انك حسيتي روحك وحدك .. و حسيتي اللي أنا مفرط فيك .. اما انتي تعرف اللي انا كيما معاك .. متفاهمين ؟
هزيتلوا براسي باهي .. منجمت نحكي حتى كلمة .. جبد روحو.. تلفتت يغزر للتابل ..
فادي؛ اممم هاني جبتلك دواك .. باش تشربيه هاكي لبارح مشربتيهش ..
ألينا؛ باهي
تلفتت غزرتلوا .. باقي واقف فالباب يهز فيا ويحط .. منعرش علاش حابة نفسرلوا اللي فادي ماباسنيش .. خاطر فادي كان عاطيه بالظهر.. يعني اكيد فهم الحكاية بالغالط .. قدمت هزيت .. الساشيات من لرض .. طلعت راسي جا وجهي مع وجهوا .. باقي ملامحوا باردة بلا ردة فعل .. تقول مش جود متاع البارح .. قص علينا صوت فادي من التالي
فادي؛ امممم بنان مش نورماااال ..
تلفت غزرتلوا كي ياكل من البانكايك .. دوب تبسمت ..
فادي؛ جود إيجا تاكل .. تعرف اللي طعمهم كيما اللي كليناهم فإسبانيا الصيف اللي فات
جود؛ معينيش .. هاني خارج ..
فادي؛ وين عالصباح ..
جود؛ فوتينغ ماكش تشوف فدبش السپور
فادي؛ فهمنا شبيك
تلفتت مشا من غير حتى كلمة .. منعرش علاش حسيتوا حاب يلومني .. حاب يهدر و موش حاب زادة .. حطيت الساشيات عالتابل ..و غزرت لفادي ..
ألينا؛ فادي باش نخرج زادة نعمل فوتينغ .. نحي ستراس .. افطر بصحتك
فادي؛ اما ؟
ألينا؛ منطولش هاني مع اما المسبوع موش باش نضيع ههه
فادي؛ باهي ازرب الحقوا .. هاو قادر يكون وصل للقطب الشمالي
ألينا؛ هههههه
خرجت .. لمحتوا من بعيد .. كي يجري ..
جود يحكي :
ضرب الضو فعيني .. خلاني نفيق .. عديت عينيا على وجهي تفكرت لبارح تبسمت .. قمت غسلت وجهي .و خرجت ... عديت على بيتها لقيت الباب محلول .. تسما فاقت .. ضربت فخشمي ريحة الماكلة .. ضحكت .. تي لحقت تقوم و طيب زادة .. نزلت للتحت .. غزرت للساشيات فالباب . تسما جا فادي .. جيت ندخل .. غزرتلوا كي عاطيني بالظهر و باسها .. تخضيت بكلي .. احساس خايب و اول مرة نحسوا.. قد ما حاولت نبان مليح منجمتش .. جيست بردت أعصابي كي العادة .. و زيد يحكي معاها اكاكا قدامي .. احسن شي خرجت .. كنت باش نعمل حاجة ندرا شنوة.. باقي نجري فالغابة ... سمعت حس من التالي ..تلفتت غزرتلها ! ..
شافت معايا .. و وقفت باقية تنهج بزربة دول تتنفس .. منعرش شمجيب سماها توا .. من غير شي على اعصابي .. تلفتت نكمل نجري لحقت بالوقت .. وقفت فطريقي .. تصدمت فيا جات طيح لقفتها من وسطها.. جات على سدري .. طلعت راسها .. تنهج عديت عينيا على وجهها الكل .. غزرت لشفافها .. تفكرت اكا الليلة اللي بستها .. زدت تفكرت اللي صار توا .. بعدت عليها فيسع .. عديت يدي على وجهي .. و غزرتلها
جود؛ شمجيب سماك هوني !
ألينا؛ ف فوتيينڨ كيف ما تشوف ..
جود؛ بطرف التريكو هذا !!
ألينا؛ هذا أطول واحد عندك كنت تعمل حسابك .. أصلا موش قصير برشا .. متفرهدة فيه
جود؛ اففف متبدلش السوجي علاش جيت ورايا .. كون قعدت كملت شكنتي تعملي
ألينا؛ ماصار شي من اللي في بالك مباسنيش راو ..
جود؛ و انتي لحقتني لهوني باش تفسرلي ؟
ألينا؛ لا انا جيست حبيت نوضح
جود؛ أمورك .. تبوسوا ولا لا متفرقش بزاف
ألينا؛ اممم متفرقش صح .. نكمل الفوتينڨ متاعي مالا
تلفتت نجري.. ركبلي العصب بالبرود متاعو .. تي ولا
